Wedding Loan: వివాహానికి కూడా లోన్ పొందవచ్చు.. ఈ ముఖ్యమైన పత్రాలు తప్పనిసరి.. ముందుగా ఏం చేయాలంటే..

పెళ్ళి అనే పదానికి పెళ్ళి, వివాహం, పాణిగ్రహణం, కన్యాదానము, కళ్యాణం, సప్తపది అనే పలు విధములుగా అర్ధములు ఉన్నాయి. ధర్మార్ధ కామమోక్షాల నాలుగు పురుషార్ధాలలో ఒకటైన కామాన్ని ధర్మ బద్ధం చేటానికి భారతీయులు ఎంచుకున్న ఏకైక మార్గం వివాహం. వివాహ ప్రక్రియతో స్త్రీ పురుషుల కర్తవ్యం నిర్వహణా మార్గం సుగమం చేయబడింది. ఇక్కడి నుంచి వారి అడుగులు జీవితం అనే సప్తపదిలోకి అగులు వేస్తారు. ఇదంతా ఓకే అయితే.. ఈ వివాహ బంధం ఓ సంప్రదాయం ఉంది. ఈ వివాహంకు ముందు కొంత ఖర్చు ఉంటుంది. అందుకే “పెళ్లి చేసి చూడు.. ఇల్లు కట్టి చూడు” అనే నానుడి ప్రచారంలో ఉంది. అయితే ఈ లెక్క నాటి కాలంలో అయినా.. నేటి కాలంలో అయినా ఒక్కటే. ఈ ఖర్చులను అన్ని వర్గాల వారు ముందు నుంచే ప్లాన్ చేస్తుంటారు. ఖర్చును ఖర్చులా కాకుండా ఓ బాధ్యతలా నిర్వహిస్తారు. ఈ పెళ్లి ఖర్చులను నిర్వహించలేక రుణాలు తీసుకోలేని వారు కొందరు ఇబ్బంది పడుతారు. అయితే, మీరు పెళ్లికి డబ్బు ఏర్పాట్లు చేస్తుంటే ఓకే.. లేకుంటే వివాహానికి అయ్యే ఖర్చులను సర్దిపెట్టేందుకు బ్యాంకు కూడా ముందుకొస్తున్నాయి. ఆ బ్యాంకులు ఈ ఖర్చులను ఎలా సర్ధుబాటు చేస్తాయో ఓసారి తెలుసుకుందాం..

జీవితంలో ఒకే ఒక్కసారి జరిగేది వివాహం. ఈ వివాహాన్ని ఘనంగా, చిరస్మరణీయంగా గుర్తుండిపోయేలని అందరూ కోరుకుంటారు. అందులోనూ భారతీయులకు ఈ వేడుకను చాలా గొప్ప ప్లాన్ చేసుకుంటారు. తమ వివాహాన్ని ఎంతో వైభవంగా చేసుకుంటారు. భారతదేశంలో వివాహాల కోసం ప్రతి సంవత్సరం కోట్ల రూపాయలు ఖర్చు అవుతాయి. పెళ్లి ఖర్చులు, అప్పులు తీసుకోలేక పెళ్లిళ్ల బడ్జెట్‌ను సులువుగా నిర్వహించే కుటుంబాలు చాలానే ఉన్నాయి. అయితే, మీరు పెళ్లికి డబ్బు ఏర్పాట్లు చేస్తుంటే.. బ్యాంకు కూడా మీకు డబ్బు ఇవ్వగలవు.

నిజానికి బ్యాంకుల ద్వారా ప్రజలకు రుణాలు అందజేస్తారు. వివాహానికి రుణం కావాల్సి ఉన్నా, బ్యాంకు నుంచి వివాహ రుణం కోసం దరఖాస్తు చేసుకోవచ్చు. బ్యాంకుల్లో అనేక రకాల రుణాలు ఇస్తారు. వాటిలో వ్యక్తిగత రుణం కూడా ఉంటుంది. వివాహ రుణం కూడా ఈ పర్సనల్ లోన్ కేటగిరీలో చేర్చబడింది.

మీరు ఏదైనా బ్యాంకులో పర్సనల్ లోన్/వెడ్డింగ్ లోన్ కోసం అప్లై చేయాలనుకుంటే కొన్ని డాక్యుమెంట్లు అవసరం కావచ్చు. అనేక బ్యాంకులు ముందస్తుగా ఆమోదించబడిన రుణాల సౌకర్యాన్ని కూడా అందిస్తాయి. ఇందులో పత్రాలు లేకుండా కూడా రుణాలు పొందవచ్చు. కానీ మీకు ముందుగా ఆమోదించబడిన లోన్ స్కీమ్ లేకపోతే.. నేరుగా బ్యాంకును సంప్రదించి రుణం తీసుకోవచ్చు.

బ్యాంకు నుంచి రుణం తీసుకోవడానికి చాలా పత్రాలు చాలా అవసరం. ఈ పత్రాలు లేకుండా, రుణ దరఖాస్తును కూడా తిరస్కరించవచ్చు. మీరు బ్యాంకు నుంచి వ్యక్తిగత రుణం / వివాహ రుణం పొందాలనుకుంటే.. మీరు గుర్తింపు కార్డు (పాస్‌పోర్ట్, ఓటర్ ఐడి, డ్రైవింగ్ లైసెన్స్, ఆధార్ కార్డ్ మొదలైనవి) సమర్పించాలి.

ఇది కాకుండా, చిరునామా రుజువు (పాస్‌పోర్ట్, ఓటర్ ఐడి, డ్రైవింగ్ లైసెన్స్, ఆధార్ కార్డ్ మొదలైనవి) కూడా ఇవ్వాలి. అదే సమయంలో గత మూడు నెలల బ్యాంక్ స్టేట్‌మెంట్, గత 2-3 నెలల జీతం స్లిప్, ఫారం-16 తదితర వివరాలు ఇవ్వాల్సి ఉంటుంది. దీని తర్వాత మాత్రమే మీ లోన్ అప్లికేషన్ మరింత ప్రాసెస్ చేయబడుతుంది. అది ఆమోదించబడిందా లేదా తిరస్కరించబడిందో మీకు తెలియజేయబడుతుంది.