Business Idea: ఇంట్లో కూర్చొనే సాఫ్ట్ వేర్ ఉద్యోగి కంటే ఎక్కువ సంపాదించవచ్చు.. ఈ సరికొత్త బిజినెస్ ఐడియా మీకోసం..
ఇంటి నుంచి ఎన్వలప్‌లను తయారు చేసే వ్యాపారాన్ని ప్రారంభించవచ్చు. ఇలా మీరు ఇంటి నుంచే చక్కగా సంపాదించవచ్చు. మీ ఈ వ్యాపారంలోకుటుంబ సభ్యులంతా చేయూత ఇవ్వవచ్చు. అయితే దీనికోసం..
Updated on: Feb 02, 2023 | 9:43 AM
ఈ రోజుల్లో ఇంటి నుంచి పని చేయడం ఓ క్రేజ్ పెరిగిపోయింది. అంతే కాదు ఇలా ఇంటి నుంచి పని చేసేందుకు పెద్ద పెద్ద ఉద్యోగాలను వదిలిపెడుతున్నారు. లక్షల్లో సంపాధించే సాఫ్టవేర్ ఉద్యోగలను సైతం వదలుకుంటున్నారు. అయితే, మీరు కూడా ఉద్యోగం చేస్తూ ఇలాంటి బిజినెస్ ప్లాన్ చేసుకోవచ్చు. ఇంట్లో నుంచే ఈ అద్భుతమైన వ్యాపారాన్ని మొదలు పెట్టవచ్చు. మీ ఇంటి నుంచి సులభంగా నిర్వహించగల అనేక వ్యాపారాలు ఉన్నాయి. మీరు కూడా ఇంటి నుండి నిర్వహించగలిగే వ్యాపారాన్ని ప్రారంభించాలనుకుంటే.. లాభం కూడా బాగానే ఉంటే, మేము మీ కోసం అద్భుతమైన వ్యాపార ఆలోచనతో ముందుకు వచ్చాము. ఇక్కడ మనం పేపర్ ఎన్వలప్‌లను తయారు చేసే వ్యాపారం గురించి మాట్లాడుతున్నాము.
ఎన్వలప్‌లు సాదా కాగితం లేదా కార్డ్ బోర్డ్ నుంచి తయారు చేస్తారు. లేఖలు, గ్రీటింగ్ కార్డ్‌లు లేదా ఏదైనా పేపర్‌లు మొదలైన వాటిని ఎక్కడో పంపడంలో ప్యాకేజింగ్ కోసం వీటిని ఉపయోగిస్తారు. పరిమాణం, నాణ్యత ప్రకారం చూస్తే, అవి చాలా రకాలుగా తయారవుతాయి. మీరు మీ ఇంటి నుంచి ఈ వ్యాపారాన్ని ప్రారంభిస్తే.. ఇంటి సభ్యులందరూ దీనికి సహాయపడగలరు. ఈ వ్యాపారాన్ని ఎలా ప్రారంభించాలో ఇక్కడ తెలుసుకుందాం..
ఎన్వలప్ తయారీ వ్యాపారాన్ని ఎలా ప్రారంభించాలి?
మీరు చిన్న స్థాయిలో ఎన్వలప్‌లను తయారు చేసే వ్యాపారాన్ని ప్రారంభిస్తే, మీరు దానిని మీ ఇంటి గదిలో సెటప్ చేయవచ్చు. అదే సమయంలో.. మీరు వాటిని తయారు చేయడానికి పెద్ద యంత్రాన్ని కొనుగోలు చేయవలసిన అవసరం లేదు. మీరు కొన్ని చిన్న ఉపకరణాల సహాయంతో సులభంగా ఎన్వలప్‌లను తయారు చేయవచ్చు. ఎన్వలప్‌లను తయారు చేయడానికి.. మీకు కాగితం, మ్యాప్ లిథో పేపర్, స్క్రాప్ పేపర్, గమ్ లేదా జిగురు మొదలైనవి అవసరం. మీరు వాటిని మార్కెట్ నుంచి సరసమైన ధరకు పెద్దమొత్తంలో కొనుగోలు చేయవచ్చు.
వ్యాపారాన్ని ప్రారంభించడానికి ఎంత ఖర్చు అవుతుంది?
ఎన్వలప్‌ల తయారీ వ్యాపారంలో మొదట్లో రూ. 10 వేల నుంచి రూ. 30 వేల వరకు పెట్టుబడి పెట్టాల్సి ఉంటుంది. ఎన్వలప్‌లను తయారు చేయడానికి ముడి పదార్థాలు, పరికరాల ధరలు అందుబాటులో ఉంటాయి. కానీ మీరు ఈ వ్యాపారాన్ని పెద్ద ఎత్తున ప్రారంభించాలనుకుంటే.. మీరు దాని కోసం యంత్రాలను కొనుగోలు చేయాలి. ఇందులో మీరు రూ. 2-4 లక్షల వరకు పెట్టుబడి పెట్టాల్సి రావచ్చు.
ఎన్ని రకాల ఎన్వలప్‌లు తయారు చేయవచ్చు?
సాధారణ లేదా సాదా ఎన్వలప్‌లు, కేటలాగ్ ఎన్వలప్‌లు, బుక్‌లెట్ ఎన్వలప్‌లు, ఆహ్వాన ఎన్వలప్‌లు, రెమిటెన్స్ ఎన్వలప్‌లు మొదలైన అనేక రకాల ఎన్వలప్‌లు ఉన్నాయి. వీటిలో, మీరు మీ కోరిక మేరకు ఏదైనా ఎన్వలప్ తయారీ వ్యాపారాన్ని ప్రారంభించవచ్చు. ఎన్వలప్‌ల ధర దాని నాణ్యత ఆధారంగా నిర్ణయించబడుతుంది. మీరు కవరులో తేలికపాటి కాగితాన్ని ఉపయోగిస్తే, దాని ధర కట్టకు రూ. 50లుగా ఉంచవచ్చు. మరోవైపు, పేపర్ నాణ్యతగా ఉంటే, దాని ధర కట్టకు రూ.100 నుంచి 200 వరకు ఉంచవచ్చు. ఇంకెందుకు ఆలస్యం మొదలు పెట్టండి. మీకు తెలిసిన బిజినెస్ ఐడియాలు ఉంటే ఇక్కడ కామెంట్ రూపంలో చెప్పండి..
మరిన్ని బిజినెస్ న్యూస్ కోసం
