Okaya EV: ఎలక్ట్రిక్ స్కూటర్ కొనాలనుకునేవారికి గుడ్ న్యూస్.. ఆ కంపెనీ స్కూటర్లపై అదిరే డిస్కౌంట్.. మిస్ కాకండి..

Okaya Electric Scooters

ఎలక్ట్రిక్ వాహనాలకు మన దేశంలో మంచి గిరాకీ ఉంది. ముఖ్యంగా ద్విచక్ర వాహనాలు అందులో కూడా స్కూటర్లు ఎక్కువగా అమ్ముడవుతున్నాయి. ఈ క్రమంలో మార్కెట్లోకి కొత్త కొత్త ఉత్పత్తులు లాంచ్ అవుతున్నాయి. అంతేకాకా ఇప్పటికే ఉన్న స్కూటర్లపై కూడా పలు ఆఫర్లు విడుదల చేస్తూ వినియోగదారులను ఆకర్షిస్తోంది. ఈ క్రమంలోనే ఒకాయా ఈవీ బ్రాండ్ నుంచి ఓ ఆసక్తికర అప్ డేట్ వచ్చింది. తన బ్రాండ్ నుంచి వచ్చే అన్ని స్కూటర్లపై రూ. 18,000 వరకూ తగ్గింపు ఉంటుందని ప్రకటించింది. అయితే ఈ ఆఫర్ 2024 ఫిబ్రవరి 24 వరకూ మాత్రమే ఉంటుందని ఒకాయా ప్రకటించింది. ఈ క్రమంలో ఆఫర్లేంటి.. ఈ కంపెనీ నుంచి అందుబాటులో ఉన్న స్కూటర్లేంటి? తెలుసుకుందాం రండి.

ఒకాయా నుంచి పలు రకాల స్కూటర్లు మార్కెట్లో అందుబాటులో ఉన్నాయి. వాటి ప్రారంభ ధర రూ. 74,899 నుంచి ప్రారంభమవుతాయి. ఇవి సింగిల్ చార్జ్ తో 75 కిలోమీటర్ల పరిధి నుంచి మొదలవుతాయి.

ఒకాయా ఫాస్ట్ ఎఫ్4.. ఈ స్కూటర్ సింగిల్ చార్జ్ పై 140 కిలోమీటర్ల నుంచి 160 కిలోమీటర్ల రేంజ్ ని ఇస్తుంది. దీని ధర రూ. 1,37,990(ఎక్స్ షోరూం) మధ్య ఉంటుంది. ఇది డ్యూయల్ బ్యాటరీ సెటప్ తో వస్తుంది. 4.4కేడబ్ల్యూహెచ్ సామర్థ్యంతో ఉంటుంది. ఇది ఎలక్ట్రిక్ వాహన ఇండస్ట్రీలోనే అత్యధిక బ్యాటరీ సామర్థ్యమని ఒకాయా ప్రకటించుకుంది.

ఒకాయ ఎలక్ట్రిక్ స్కూటర్లు ఏఐఎస్ 156 సవరణIII, ఫేజ్ 2 కింద ఐసీఏటీ సర్టిఫికెట్ పొందాయి. ప్రతి రైడ్ బలమైన ఐపీ67 వాటర్ ప్రూఫ్, డస్ట్ రెసిస్టెంట్ ఎలక్ట్రిక్ స్కూటర్ సురక్షితంగా ఉందని నిర్ధారిస్తుంది.

ఆఫర్లతో కొత్త ధరలు ఇవే..

• ఒకాయా ఫాస్ట్ ఎఫ్4.. దీని వాస్తవ ధర రూ. 1,37,990 కాగా ఇప్పుడు ఆఫర్ పై రూ. 1,19,990(ఎక్స్ షోరూం)కు లభిస్తోంది.
• ఒకాయా ఫాస్ట్ ఎఫ్3.. ఈ స్కూటర్ అసలు ధర రూ. 1,24,990 కాగా, తగ్గింపుతో రూ. 1,09,990(ఎక్స్ షోరూం)కే కొనుగోలు చేయొచ్చు.
• ఒకాయా మోటో ఫాస్ట్.. దీని వాస్తవ ధర రూ. 1,41,999కాగా ఆఫర్లో రూ. 1,28,999(ఎక్స్ షోరూం)కే దక్కించుకోవచ్చు.
• ఒకాయా ఫాస్ట్ ఎఫ్2ఎఫ్.. దీని ధర రూ. 93,999కాగా, ఆఫర్ ధరలో రూ. 83,999(ఎక్స్ షోరూం)కే కొనుగోలు చేయొచ్చు.
• ఒకాయా ఫాస్ట్ ఎఫ్2బీ.. ఈ స్కూటర్ అసలు ధర రూ. 1,02,950 కాగా ఆఫర్ పై రూ. 93,950(ఎక్స్ షోరూం)కే లభిస్తోంది.
• ఒకాయా ఫాస్ట్ ఎఫ్2టీ.. ఈ స్కూటర్ ఇప్పుడు ఆఫర్లో రూ. 92,900(ఎక్స్ షోరూం)కే అందుబాటులో ఉంది.
• ఒకాయా ఫ్రీడమ్ స్లో స్పీడ్ స్కూటర్.. ఇది ఇప్పుడు ఆఫర్లో రూ. 74,899కే అందుబాటులో ఉంది.

మరిన్ని బిజినెస్ వార్తల కోసం ఇక్కడ క్లిక్ చేయండి..