Mark Zuckerberg: కుప్పకూలిన మెటా షేర్లు.. 200 డాలర్లకు పైగా డమాల్.. ఎందుకు ఇలా జరిగిందో తెలుసా..

Facebook Faces Historic Drop:ఫేస్‌బుక్ మాతృ సంస్థ మెటా ప్లాట్‌ఫారమ్‌ల షేర్లు  26 శాతం పడిపోయాయి. ఇది ఇప్పటివరకు స్టాక్ చరిత్రలో అతిపెద్ద డ్రాప్. మెటా అంచనాల నుండి బలహీన ఫలితాల కారణంగా స్టాక్‌లో పతనం కనిపించింది. వాస్తవానికి కంపెనీ కొత్త టెక్నాలజీలపై భారీగా పెట్టుబడి పెట్టింది. అయితే, ఇప్పుడు యూజర్ బేస్‌పై ప్రభావం , బలహీన ఫలితాల కారణంగా, ఇన్వెస్టర్లలో సెంటిమెంట్లు క్షీణించాయి.  స్టాక్‌లో తీవ్రమైన అమ్మకాల ఒత్తిడి పెరిగింది. ఈ పతనం కారణంగా కంపెనీ వాల్యుయేషన్  ఒక్కరోజులో $200 బిలియన్లు పడిపోయింది. అదే సమయంలో మార్క్ జుకర్‌బర్గ్ స్వంత సంపద కూడా $ 24 బిలియన్ల తగ్గిపోయింది.

స్టాక్ ఎందుకు పడిపోయింది?

ఖర్చులు పెరగడం వల్ల లాభం తగ్గుముఖం పట్టిందని కంపెనీ స్టాక్ మార్కెట్‌కు తెలిపింది. వర్చువల్ రియాలిటీ ఆధారిత కంపెనీగా రూపాంతరం చెందడానికి కంపెనీ చాలా ఖర్చు చేసింది. ఇది కంపెనీ మార్జిన్లపై ప్రభావం చూపింది. కంపెనీ డిసెంబర్ త్రైమాసిక లాభం 8 శాతం క్షీణించి 10.29 బిలియన్ డాలర్లకు చేరుకుంది. అయితే ఈ కాలంలో కంపెనీ ఆదాయం పెరిగింది. రియాల్టీ ల్యాబ్స్‌పై భారీ వ్యయంతో లాభాల తగ్గుదల కనిపించిందని భావిస్తున్నారు. కంపెనీ ల్యాబ్‌లో $10 బిలియన్లకు పైగా పెట్టుబడి పెట్టింది. దీనితో పాటు, ప్రస్తుత త్రైమాసికానికి కంపెనీ ఇచ్చిన అంచనాలు నిపుణుల అంచనాల కంటే చాలా తక్కువగా ఉన్నాయి. అదే సమయంలో, కంపెనీ టిక్ టాక్ వంటి పోటీదారుల నుండి కూడా కఠినమైన పోటీని ఎదుర్కొంటోంది. అదే సమయంలో, ఆపిల్ కొత్త మార్పులతో కంపెనీకి సమస్యలు కూడా పెరిగాయి. ఈ సమయంలో, ఫేస్‌బుక్ క్రియాశీల వినియోగదారుల సంఖ్య కూడా క్షీణించింది. Facebook క్రియాశీల యూజర్లు  1. డిసెంబర్ త్రైమాసికంలో 930 బిలియన్ల నుంచి 1.929 బిలియన్లకు చేరుకుంది. వార్తలు వచ్చిన వెంటనే.. స్టాక్‌లో అమ్మకాలు జరిగాయి. ప్రారంభ ట్రేడ్‌లో, స్టాక్ $ 250 స్థాయికి పడిపోయింది. దీంతో కంపెనీ మార్కెట్ క్యాప్ 215 బిలియన్ డాలర్లకు పైగా పడిపోయింది. ఒక్క రోజులో ఏ కంపెనీ చూసినా ఇదే అతిపెద్ద పతనం. అంతకుముందు జూలై 26, 2018న ఫేస్‌బుక్ మార్కెట్ క్యాప్ 120 బిలియన్ డాలర్లు పడిపోయింది.

భారతదేశంలో డేటా ధరల పెంపు ప్రభావం

మరోవైపు, భారతదేశంలో డేటా ధరల పెరుగుదల డిసెంబర్ 2021 త్రైమాసికంలో మెటా (గతంలో ఫేస్‌బుక్) యూజర్ల వృద్ధిని తగ్గించిందని సోషల్ మీడియా దిగ్గజం గురువారం తెలిపింది. టెలికాం కంపెనీలు భారతీ ఎయిర్‌టెల్, వొడాఫోన్ ఐడియా, రిలయన్స్ జియో డిసెంబర్ త్రైమాసికంలో తమ మొబైల్ సర్వీస్ రేట్లను 18-25 శాతం పెంచాయి. డిసెంబరు 2021 త్రైమాసికంలో Meta లాభం ఎనిమిది శాతం క్షీణించి $10.28 బిలియన్లకు పడిపోయింది, ఇది క్రితం సంవత్సరం కాలంలోని $11.21 బిలియన్ల నుండి. ఫేస్‌బుక్ యూజర్ బేస్ వృద్ధిని అనేక అంశాలు ప్రభావితం చేశాయని మెటా చీఫ్ ఫైనాన్షియల్ ఆఫీసర్ డేవ్ వీనర్ తెలిపారు. భారతదేశంలో డేటా ప్యాకేజీల ధరల పెరుగుదల కారణంగా వృద్ధి ప్రభావితమైంది.

 ఇవి కూడా చదవండి: RBI: ఆర్బీఐ సంచలన నిర్ణయం.. మరో బ్యాంకు లైసెన్స్‌ రద్దు.. మరి ఖాతాదారుల పరిస్థితి ఏమిటి..?