రూ.10 లక్షలు పెట్టుబడి పెడితే.. రూ.1.13 కోట్లు వచ్చాయి! మరి ఆ సూపర్ స్కీమ్ ఏంటో తెలుసుకోండి!
దీర్ఘకాలికంగా లార్జ్ క్యాప్ మ్యూచువల్ ఫండ్స్లో పెట్టుబడి పెట్టడం ద్వారా గణనీయమైన సంపదను సృష్టించవచ్చు. ICICI ప్రుడెన్షియల్ లార్జ్ క్యాప్ ఫండ్ వంటి పథకాలు రూ.10 లక్షల పెట్టుబడిని రూ.1.13 కోట్లకు పైగా పెంచాయి. మార్కెట్ అస్థిరతలోనూ స్థిరమైన రాబడిని అందించే ఈ ఫండ్స్, మీ పెట్టుబడి పోర్ట్ఫోలియోకు బలాన్ని చేకూరుస్తాయి.
మ్యూచువల్ ఫండ్స్లో మంచి లాభాలు పొందవచ్చు. అయితే ఇలా పెట్టుబడి పెట్టి అలా రాబడి రావాలంటే మాత్రం రాదు. దీర్ఘకాలికంగా పెట్టుబడి పెడితేనే మంచి లాభం వస్తుంది. ఓ రూ.10 లక్షల పెట్టుబడితో రూ.కోటికి పైగా రాబడి పొందాలంటే ఏ విధంగా పెట్టుబడి పెట్టాలో ఇప్పుడు తెలుసుకునే ప్రయత్నం చేద్దాం..
CICI ప్రుడెన్షియల్ లార్జ్ క్యాప్ ఫండ్.. ఈ ఫండ్ మే 2008లో ప్రారంభమైంది. లార్జ్ క్యాప్ ఫండ్గా మార్కెట్ క్యాప్ ద్వారా టాప్ 100 కంపెనీలలో పెట్టుబడి పెడుతుంది. ఈ ఫండ్ బాటమ్ – అప్ స్టాక్ – పికింగ్ విధానాన్ని అనుసరిస్తుంది. ఈ ఫండ్ ఒక్క రంగంపైనే ఎక్కువగా ఆధారపడదు. అత్యంత ఆశాజనకమైన కంపెనీలను ఎంచుకుంటుంది. ఈ పథకం ఈక్విటీ అండ్ ఫండ్ మేనేజర్ అనిష్ తవాకలే ప్రకారం.. ఒక కంపెనీ లాభదాయకత నిరూపితమైన ట్రాక్ రికార్డ్ కలిగి ఉండాలి. మార్కెట్ లీడర్గా ఉండాలి. ఈ పోర్ట్ఫోలియోలో చేర్చడానికి సహేతుకమైన సమ్మేళన సామర్థ్యాన్ని కలిగి ఉండాలి.
దీర్ఘకాలిక లార్జ్-క్యాప్ ఫండ్స్
ఇంకా లార్జ్ క్యాప్స్, వాటి సాపేక్ష ఆకర్షణకు సంబంధించి , ఇటీవల మిడ్- స్మాల్ క్యాప్స్ పెరిగిన విలువలను దృష్టిలో ఉంచుకుని పెట్టుబడిదారులు జాగ్రత్తగా ఉండాలని, లార్జ్ క్యాప్స్ వైపు తిరిగి సమతుల్యం చేసుకోవడాన్ని పరిగణించాలని అనిష్ అభిప్రాయపడ్డారు. ప్రస్తుత మార్కెట్ సెటప్లో లార్జ్ క్యాప్స్ మెరుగైన రిస్క్ – సర్దుబాటు చేసిన రాబడిని అందించవచ్చు. ఇప్పటివరకు దాని ప్రయాణంలో ఫండ్ 2008 ఆర్థిక సంక్షోభం, 2013లో వడ్డీ రేటు పెంపుదల, 2020లో COVID – 19 మహమ్మారి వంటి అనేక మార్కెట్ సంఘటనలను తట్టుకుంది. ఈ కాలాల్లో ఫండ్ తక్కువ అస్థిరతను ప్రదర్శించింది. దీర్ఘకాలికంగా పెట్టుబడి పెట్టిన పెట్టుబడిదారులకు సానుకూల ఫలితాలు అందించింది.
రూ.10 లక్షలతో రూ.1.13 కోట్లు..
లార్జ్ క్యాప్లలో పెట్టుబడి పెట్టడం వల్ల కల్లోల సమయాల్లో స్థిరత్వం లభిస్తుంది. దీర్ఘకాలికంగా సంపదను పెంచుకోవడంలో సహాయపడుతుంది. ఇవి ఏదైనా కోర్ పోర్ట్ఫోలియోలో కీలకమైన భాగంగా ఉంటాయి. ఈ కంపెనీలు బలమైన ప్రాథమిక ట్రాక్ రికార్డ్ను కలిగి ఉన్నాయి. ఇవి మిడ్ క్యాప్లు, స్మాల్ క్యాప్ల కంటే తక్కువ అస్థిరతను కలిగిస్తాయి. ఈ ఫండ్లో 2008 మే 23న రూ.10 లక్షల ప్రారంభ పెట్టుబడిగా పెడితే.. 2025 అక్టోబర్ 31 నాటికి అది రూ.1.13 కోట్లకు పెరిగింది. 15 శాతం కాంపౌండ్ వార్షిక వృద్ధి రేటు అందించింది.
మరిన్ని బిజినెస్ వార్తల కోసం ఇక్కడ క్లిక్ చేయండి