ఇప్పుడు చూస్తున్నవన్నీ మధ్య తరగతి అద్దె ఇళ్ళు. అంతో ఇంతో చిన్న జీతంతో బతుకుతూ ఉన్న వాటిని పొదుపుగా వాడుకునే సామాన్యుల ఇల్లు ఇవన్నీ. అసలు ఇవి అద్దెకు దొరకడమే కష్టం. అలాంటి ఈ ఇల్లు దొరికిన తర్వాత వాటిలో ఒక్కోసారి వచ్చే కరెంట్ బిల్లులు చూస్తే జనాలకు షాక్ వస్తుంది. ఇలా బిల్లులు చూసి పిచ్చెక్కీపోతారు. అసలు ఎవరు కాల్చారు ఇంత కరెంట్ అని కిలకిలలాడిపోతారు. మీటర్ దగ్గరకు పరిగెత్తి ఆశ్చర్యపోతారు. కింద మీద పడతారు. ఇదంతా ఒక మధ్య తరగతి జీవన దృశ్యం. ఇవాల్టి పట్టణాలలో, నగరాలలో కొన్నిసార్లు మనలో కరెంట్ బిల్లు చూస్తే చాలామంది భయపడిపోతుంటారు.
ఎందుకంటే వాడుకునేదేమో తక్కువ నెల చివరన బిల్లు చూస్తే మూత మూగిపోతుంది. మరి ముఖ్యంగా అద్దె ఇంట్లో ఉన్నవాళ్లకు కరెంట్ బిల్లు అధికంగా వస్తుంది. దీంతో వారు చాలా ఇబ్బంది పడుతుంటారు. అసలు కరెంట్ బిల్లు ఎక్కువ రాకుండా ఏం చేయాలో తెలియక సతమతమవుతుంటారు. కరెంట్ బిల్లు ఎక్కువగా వస్తుంది అనుకునేవారు ముందుగా మీ ఇంట్లో ఉన్న బల్బులన్నింటినీ మార్చి LED బల్బులు అమర్చుకోవాలట. దీనివలన కరెంట్ ఆదా అవుతుంది. కొందరు వాటర్ హీటర్ ఎక్కువగా వాడుతుంటారు. కానీ చాలా వరకు దీనికి అతిగా వాడకుండా ఉండటం వలన కరెంట్ బిల్లు తగ్గే ఛాన్స్ ఉంటుంది.
అదేవిధంగా మీరు బయటికి వెళ్ళిన ప్రతిసారి ఇంట్లో ఉన్న లైట్స్, ఫ్యాన్స్ స్విచ్ ఆఫ్ చేయాలి లేకపోతే కరెంట్ బిల్లు ఎక్కువ వస్తుంది. అలాగే ఎప్పుడూ కూడా కరెంట్ బిల్లు పెండింగ్ పెట్టకూడదట. ఎప్పటికప్పుడు కరెంట్ బిల్లు కట్టేయాలి. అలాగే మీరు అద్దె ఉన్న చోట కరెంట్ మీటర్ ను చెక్ చేయాలి. అదేవిధంగా ఫ్రిజ్, ఏసీ లాంటి ఎలక్ట్రిక్ వస్తువులు కొనుగోలు చేసేటప్పుడు ఫోర్ స్టార్ రేటింగ్ ఉన్నవి తీసుకోవాలి. అలాగే వాటర్ ట్యాంక్, గీజర్ స్విచ్ వేసి మర్చిపోతుంటారు. అలా చేయకూడదు. ఇలా మన చేతిలో పవర్ పచ్చగా వెలగాలి అంటే దాన్ని అవసరమైనంతకు పొదుపుగా వాడుకోవడం ముఖ్యం. అలా వాడుకుంటేనే బిల్లు తగ్గుతుంది. మన పర్యావరణం పచ్చగా వికసిస్తుంది. పవర్ బిల్లు ఎప్పుడైనా సరే మన చేతిలోనే ఉంది.
