Interim Budget: నిర్మలమ్మ పద్దు రెడీ.. ఆ ఆరు అంశాలపైనే ఆశలన్నీ..!
ఆర్థిక మంత్రి ఈ ఏడాది మధ్యంతర బడ్జెట్లో ఎలాంటి అద్భుతమైన ప్రకటన ఉండదని ఇప్పటికే పేర్కొన్నా మార్కెట్ పరిశీలకులు, పెట్టుబడిదారులు ఇంకా కొన్ని ప్రధాన ప్రకటనలను ఆశిస్తున్నారు. ప్రభుత్వ మధ్యంతర బడ్జెట్లో మంచి వార్త అందించే ఆరు కీలక రంగాల గురించి ఓ సారి తెలుసుకుందాం.
Budget
కేంద్ర ఆర్థిక శాఖ మంత్రి నిర్మాలా సీతారామన్ ఫిబ్రవరి 1న మధ్యంతర బడ్జెట్నుసమర్పించనున్నారు. రాబోయే 2024 లోక్సభ ఎన్నికల తర్వాత కొత్త ప్రభుత్వం అధికారంలోకి వచ్చిన తర్వాత 2024-25 ఆర్థిక సంవత్సరానికి పూర్తి స్థాయి బడ్జెట్ను ప్రకటిస్తారు. ఆర్థిక మంత్రి ఈ ఏడాది మధ్యంతర బడ్జెట్లో ఎలాంటి అద్భుతమైన ప్రకటన ఉండదని ఇప్పటికే పేర్కొన్నా మార్కెట్ పరిశీలకులు, పెట్టుబడిదారులు ఇంకా కొన్ని ప్రధాన ప్రకటనలను ఆశిస్తున్నారు. ప్రభుత్వ మధ్యంతర బడ్జెట్లో మంచి వార్త అందించే ఆరు కీలక రంగాల గురించి ఓ సారి తెలుసుకుందాం.
- 75 ఏళ్లు పైబడిన సీనియర్ సిటిజన్లకు ప్రత్యేకించి విరాళాలు, ఉపసంహరణలపై పన్ను రాయితీలను పొడిగించడం ద్వారా ప్రభుత్వం నేషనల్ పెన్షన్ సిస్టమ్ (ఎన్పీఎస్)ని మరింత ఆకర్షణీయంగా మార్చవచ్చు.
- పింఛన్ ఫండ్ రెగ్యూలేటర్, యజమానుల విరాళా కోసం పన్నుల విషయంలో ఉద్యోగుల ప్రావిండెంట్ ఫండ్ ఆఫీస్ సమానత్వం కోరింది. దీనికి సంబంధించిన కొన్ని ప్రకటనల మధ్యంతర బడ్జెట్లో చేయవచ్చని భావిస్తున్నారు.
- వచ్చే ఆర్థిక సంవత్సరానికి వ్యవసాయ రుణ లక్ష్యాన్ని రూ.22-25 లక్షల కోట్లకు గణనీయంగా పెంచడంతో పాటు అర్హులైన ప్రతి రైతుకు సంస్థాగత రుణాలు అందుబాటులో ఉండేలా కేంద్రం రాబోయే మధ్యంతర బడ్జెట్లో ప్రకటించే అవకాశం ఉందని వర్గాలు పేర్కొంటున్నాయి.
- తయారీ రంగాన్ని ప్రోత్సహించడానికి, ఉపాధిని కల్పించడానికి, ప్రభుత్వం రాబోయే మధ్యంతర బడ్జెట్లో వస్త్రాలు, నగలు, హస్తకళల వంటి రంగాలను చేర్చడానికి పీఎల్ఐ పథకానికి సంబంధించి పరిధిని విస్తరించవచ్చని నిపుణులు పేర్కొంటున్నారు.
- పేద రైతుల ఖాతాల్లోకి నిధులను బదిలీ చేయడం ద్వారా వారి సంరక్షణను తీసుకున్న ప్రభుత్వం పన్నుల నిర్మాణంలో న్యాయబద్ధతను తీసుకురావడానికి ధనిక రైతులపై ఆదాయపు పన్ను విధించాలని ప్రభుత్వం ఆలోచించే అవకాశం ఉందని నిపుణులు భావిస్తున్నారు.
- ప్రైవేట్ పెట్టుబడులను ప్రోత్సహించడానికి కార్పొరేట్లకు కొత్త తయారీ యూనిట్లను నెలకొల్పేందుకు ప్రభుత్వం రాయితీతో కూడిన 15 శాతం ఆదాయపు పన్ను రేటును ఒక సంవత్సరం పాటు పొడిగించవచ్చని పేర్కొంటున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి