Credit Card UPI Payment: క్రెడిట్ కార్డ్‌తో యూపీఏ చెల్లింపులు చేయండి.. అది ఎలా పని చేస్తుంది.. ప్రాసెస్ ఏంటో తెలుసా..

డిజిటల్ చెల్లింపు అనేది మిలియన్ల మంది వినియోగదారులకు అనుకూలమైన ప్రక్రియ. మీ వద్ద నగదు లేకపోతే ఆన్‌లైన్ లావాదేవీల ద్వారా చెల్లింపు చేయవచ్చు. ఆన్‌లైన్ చెల్లింపుల కారణంగా ప్రజలు చాలా సహాయం పొందారు. డిజిటల్ లేదా ఆన్‌లైన్ చెల్లింపులు చేయడానికి మీకు యూపీఐ ఐడీ అవసరం. ఇది లేకుండా మీరు ఎలాంటి లావాదేవీలు చేయలేరు. ఇప్పుడు దీని దృష్ట్యా, యూపీఐ క్రెడిట్ కార్డ్‌కి లింక్ చేయబడింది. అంటే, మీరు క్రెడిట్ కార్డ్‌ని ఉపయోగించి యూపీఐ చెల్లింపు కూడా చేయవచ్చు . ఇంతకుముందు ఈ సదుపాయం లేదు. బ్యాంకు ఖాతాకు లింక్ చేయడం ద్వారా మాత్రమే దీనిని పొందవచ్చు. క్రెడిట్ కార్డ్ సహాయంతో.. మీరు యూపీఐ చెల్లింపు చేసేటప్పుడు కూరగాయలు, బట్టలు, గృహోపకరణాలు, మొబైల్, ఆన్‌లైన్ షాపింగ్ నుంచి మొదలు ఏదైనా వస్తువు షాపింగ్ మాల్ నుంచి కొనుగోలు చేయవచ్చు.

ఇంతకుముందు బ్యాంక్ యూపీఐ తో ఖాతాను లింక్ చేయడం ద్వారా చెల్లింపును అనుమతించేది. కానీ తరువాత యూపీఐ చెల్లింపులను మరింత ప్రముఖ్యత కల్పించింది. వినియోగదారుడికి మరింత ఫ్రెండ్లీగా మార్చేందుకు క్రెడిట్, డెబిట్ కార్డ్‌లను కూడా జోడించింది. క్రెడిట్ కార్డ్ ద్వారా యూపీఐ చెల్లింపు చేయడానికి, మీరు దానిని మొబైల్ నంబర్ సహాయంతో యూపీఐకి లింక్ చేయాలి.

2022 సంవత్సరం ద్వితీయార్థంలో యూపీఐని RuPay క్రెడిట్ కార్డ్‌లతో లింక్ చేస్తున్నట్లు రిజర్వ్ బ్యాంక్ ఆఫ్ ఇండియా ప్రకటించింది. ప్రస్తుతం ఈ సదుపాయం వీసా, మాస్టర్ కార్డ్ క్రెడిట్ కార్డ్‌లలో ఇవ్వబడుతోంది. వివిధ బ్యాంకులతో క్రెడిట్ కార్డ్‌ని కనెక్ట్ చేయడం ద్వారా మీరు యూపీఐ చెల్లింపు ఎలా చేయాలో ఇప్పుడు తెలుసుకుందాం.

క్రెడిట్ కార్డ్‌తో యూపీఏ చెల్లింపు ఎలా చేయాలి

ఎస్బీఐ క్రెడిట్ కార్డ్ ద్వారా యూపీఏ చెల్లింపులు..

• ఎస్‌బీఐ కార్డ్ లేదా మొబైల్ యాప్‌లో ‘paynet’ ఛానెల్‌కి వెళ్లండి.
• ఇప్పుడు ఎస్‌బీఐ క్రెడిట్ కార్డ్ నంబర్‌ను నమోదు చేసి, చెల్లించాల్సిన మొత్తాన్ని జోడించండి. యూపీఏ ఎంపికను ఎంచుకోండి.
• దీని తర్వాత మీరు ఇప్పుడు యూపీఏ పేజీకి వెళ్లి, ‘ఎంటర్ యువర్ వీపీఏ’ లేదా ‘స్కాన్ QR కోడ్’ ఎంపికను ఎంచుకోండి.
• ఇప్పుడు యూపీఏ యాప్‌తో పాటు వీపీఏ హ్యాండిల్, QR కోడ్‌ను అందించాలి.
• చెల్లింపు మోడ్‌ను ధృవీకరించండి. ఇప్పుడు మీరు చెల్లింపు నిర్ధారణ సందేశాన్ని కనిపిస్తుంది.
• చెల్లింపు పూర్తయిన తర్వాత.. ఆ సమాచారం క్రెడిట్ కార్డ్ ఖాతాకు పంపబడుతుంది.

HDFC బ్యాంక్ క్రెడిట్ కార్డ్..

• మొబైల్ బ్యాంకింగ్ యాప్‌లో బీహెచ్ఏఎం యూపీఏ ద్వారా చెల్లింపును చేయండి.
• ఇప్పుడు 6 అంకెల యాప్ పాస్‌వర్డ్‌ను నమోదు చేసి, ‘సెండ్ మనీ’ ఎంపికను ఎంచుకోండి.
• ఆ తర్వాత, లబ్ధిదారు ఖాతా నంబర్, ఎఫ్ఎస్‌సీ కోడ్ -యూపీఏ ఐడీ ద్వారా చెల్లించే ఎంపికను ఎంచుకోండి.
• ఇప్పుడు మొబైల్ నంబర్,ఎంఎంఐడీని నమోదు చేయండి. మొత్తంతో పాటు 4 అంకెల UPI PIN నంబర్‌ను నమోదు చేయడం ద్వారా చెల్లింపు చేయండి.

పంజాబ్ నేషనల్ బ్యాంక్ క్రెడిట్ కార్డ్..

• ప్రామాణికమైన లావాదేవీని చేయడానికి వర్చువల్ చిరునామా, UPI పిన్‌కు బ్యాంక్ ఖాతాను జోడించండి.
• ఇప్పుడు పే బటన్‌పై క్లిక్ చేయండి. చెల్లింపు వర్చువల్ అడ్రస్ ద్వారా అయితే, UPIతో నమోదు చేసుకున్న లబ్ధిదారుని వర్చువల్ చిరునామాను నమోదు చేయండి.
• ఆ తర్వాత ఐఎఫ్‌ఎస్‌సీ కోడ్ ద్వారా లావాదేవీలు జరపడానికి.. బ్యాంక్ ఖాతా వివరాలను అందించండి. లావాదేవీని కొనసాగించండి.

మరిన్ని బిజినెస్ వార్తల కోసం ఇక్కడ క్లిక్ చేయండి