National Savings Certificate: ఆ పథకంలో పెట్టుబడితో రాబడి వరద.. ప్రభుత్వ మద్దతుతో వచ్చే పథకం ఏదంటే..?

భారతదేశంలోని చాలా మంది పెట్టుబడిదారులు రిస్క్ లేకుండా నిర్ణీత మొత్తంలో ఆదాయం వచ్చే పథకాల్లో పెట్టుబడికి ఇష్టపడుతూ ఉంటారు. ముఖ్యంగా తాము పెట్టే పెట్టుబడి మంచి లాభాలతో పెట్టుబడికి హామీ ఉండాలని కోరుకుంటూ ఉంటారు ఇలాంటి వారికి నేషనల్ సేవింగ్స్ సర్టిఫికెట్లు పేరుతో ఇండియా పోస్ట్ ప్రభుత్వ మద్దతుతో స్థిర-ఆదాయ పెట్టుబడి పథకాన్ని అందిస్తుంది. సాధారణంగా ఫిక్స్‌డ్ డిపాజిట్ల కంటే ఎక్కువగా ఉండే స్థిరమైన రాబడిని కోరుకునే ఎన్ఎస్‌సీ ఉత్తమ ఎంపికగా మారింది. ఎన్ఎస్‌సీపై వడ్డీ రేటు ఆర్థిక మంత్రిత్వ శాఖ ద్వారా త్రైమాసిక అంచనా, పునర్విమర్శకు లోబడి ఉంటుంది. అయితే ప్రభుత్వం ఈ జూలై-సెప్టెంబర్ త్రైమాసికం 2024కి ఎన్‌ఎస్‌సీ రేట్లను యథాతథంగా ఉంచింది. ఎన్ఎస్‌సీపై ప్రభుత్వం 7.7% వడ్డీ రేటును అందిస్తుంది. ఈ నేపథ్యంలో ఎన్‌ఎస్‌సీ గురించి మరిన్ని వివరాలను తెలుసుకుందాం.

రిస్క్ తీసుకోలేని పెట్టుబడిదారులకు ఎన్ఎస్‌సీలో పెట్టుబడి పెట్టడం ఒక ఆచరణీయ ప్రత్యామ్నాయంగా ఉంటుంది. హామీతో కూడిన ఆదాయాలతో పాటు మూలధన రక్షణను అందిస్తారు. వాటిని సురక్షితమైన స్వల్పకాలిక పెట్టుబడి ప్రత్యామ్నాయంగా మారుస్తారు. ముఖ్యంగా ఒక పెట్టుబడిదారు సురక్షిత రుణాన్ని ఎంచుకుంటే మెజారిటీ బ్యాంకులు, ఎన్‌బీఎఫ్‌సీలు ఎన్ఎస్‌సీ సర్టిఫికేట్‌లను సెక్యూరిటీ డిపాజిట్‌లుగా లేదా కొలేటరల్‌గా అంగీకరిస్తాయి. ఈ సందర్భాలలో రుణాన్ని పంపిణీ చేసే బ్యాంక్ ఈ ప్రమాణపత్రాన్ని బ్యాంక్ లేదా పోస్టాఫీసుకు బదిలీ చేస్తుంది. దానికి బదిలీ స్టాంప్‌ను జత చేస్తుంది. నామినీ/చట్టపరమైన వారసులకు ఖాతాదారుని మరణంపై ఎన్‌ఎస్‌సీ బదిలీ చేస్తారు. అలాగే జాయింట్ హోల్డర్లకు ఖాతాదారుని మరణంపై ఎన్ఎస్‌సీ ఖాతాన బదిలీ చేస్తారు. కోర్టు ఆదేశాలపై ఎన్ఎస్‌సీను బదిలీ చేసే అవకాశం ఉంది. 

ఎన్ఎస్‌సీల్లో పెట్టుబడిపై ఆదాయపు పన్ను చట్టంలోని సెక్షన్ 80సీ కింద డిపాజిట్లు పన్ను మినహాయింపుకు అర్హత పొందుతాయి. ఎన్ఎస్‌సీపై మొదటి నాలుగు సంవత్సరాల వడ్డీని కూడా ఎన్ఎస్‌సీ పెట్టుబడి మినహాయింపుగా క్లెయిమ్ చేయవచ్చు. ఎన్‌ఎస్‌సీలో వడ్డీని తిరిగి పెట్టుబడి పెట్టడమే దీనికి కారణం. మీ పెట్టుబడి వ్యవధి ముగింపులో మొత్తం మెచ్యూరిటీ మొత్తం మీకు చెల్లిస్తారు. ఎన్ఎస్‌సీ రిటర్న్‌లపై ఎలాంటి టీడీఎస్‌లు ఉండవు. అయితే మొత్తానికి సంబంధిత పన్ను చెల్లించాల్సి ఉంటుంది. ఎన్ఎస్‌సీలో కనీస పెట్టుబడి మొత్తం రూ. 1000గా ఉంటుంది. అలాగే గరిష్ట పెట్టుబడిపై ఎలాంటి పరిమితి లేదు. ఈ పథకం కింద ఎన్ని ఖాతాలనైనా తెరవవచ్చు. డిపాజిట్ చేసిన తేదీ నుంచి ఐదు సంవత్సరాలు పూర్తయిన తర్వాత డిపాజిట్ మెచ్యూర్ అవుతుంది.

ఇవి కూడా చదవండి

పాన్ కార్డు పోయిందా? కంగారొద్దు.. డూప్లికేట్ కార్డు కోసం..

రూ. 599తో 84 రోజుల వ్యాలిడిటీ.. సూపర్ రీఛార్జ్‌ ప్లాన్‌..

మైండ్ బ్లోయింగ్ ఆఫర్.. రూ. 90 వేల ల్యాప్‌టాప్ కేవలం రూ. 14 వేలకే.

ఇంటి రిన్నోవేషన్‌కు లోన్ కావాలా? ఇలా చేస్తే సులభంగా పొందొచ్చు..

మరిన్ని బిజినెస్ వార్తల కోసం ఇక్కడ క్లిక్ చేయండి..