Flight Tickets: ప్రయాణికులకు గుడ్‌న్యూస్‌.. కేవలం రూ.1499కే విమాన టిక్కెట్‌

Flight Tickets

వర్షాకాలంలో ఎక్కడికైనా వెళ్లాలని ప్లాన్ చేస్తున్నారా? విదేశాలకు వెళ్లాలని ఆలోచిస్తున్నారా? టాటా గ్రూప్ ఎయిర్‌లైన్ విస్తారా మీకు గొప్ప ఆఫర్‌లను అందిస్తుంది. విస్తారా అతి తక్కువ ధరకే విదేశాలకు వెళ్లేందుకు విమాన టిక్కెట్లను అందిస్తోంది. విస్తారా మాన్‌సూన్‌ సేల్‌ ప్రారంభమైంది. మీరు ఎక్కడికైనా వెళ్లాలని ప్లాన్ చేసుకున్నట్లయితే, విస్తారా ఈ ఆఫర్‌ గురించి ఖచ్చితంగా తెలుసుకోండి. విదేశీ ప్రయాణాలపై భారీ రాయితీలు ఇస్తున్నాయి. కేవలం 12 వేలకే విదేశీ ప్రయాణానికి మీకు రౌండ్ ట్రిప్ టికెట్ లభిస్తుంది.

టాటా గ్రూప్‌కు చెందిన విస్తారా ఎయిర్‌లైన్స్ ఏడాది పొడవునా తన ప్రయాణీకులకు అనేక రకాల ఆఫర్‌లను అందిస్తోంది. విస్తారా గొప్ప డీల్‌లను అందిస్తుంది. ఈసారి టాటా గ్రూప్ ఈ ఎయిర్‌లైన్ వర్షాకాలంలో దేశీయ, అంతర్జాతీయ విమానాలలో ఆఫర్‌లతో ముందుకు వచ్చింది. విస్తారా వారు దేశీయ విమాన టిక్కెట్ కేవలం 1499కే అందిస్తున్నట్లు పేర్కొంది. అలాగే విదేశీ ప్రయాణం చేసే ప్రయాణికులకు కేవలం ధర రూ. 11,799 నుంచి టికెట్ ప్రారంభమవుతోంది.

వచ్చే ఏడాది మార్చి 23 వరకు టిక్కెట్లు బుక్ చేసుకునే అవకాశాన్ని విస్తారా కల్పిస్తోంది. అయితే ఈ మాన్‌సూన్‌ సేల్‌ ఎంతో కాలం కాదు. ఈ ప్రత్యేక ఆఫర్ జూలై 4 వరకు మాత్రమే అందుబాటులో ఉంటుంది. అందుకే మీరు వచ్చే ఏడాది కూడా ఎక్కడికైనా వెళ్లాలని ఆలోచిస్తున్నట్లయితే ఇప్పుడే బుక్‌ చేసుకోవడం మంచిది. తక్కువ ధరల్లో టికెట్‌ను పొందవచ్చు.

విస్తారా ఈ మాన్‌సూన్ ఆఫర్‌ని పొందడానికి, మీరు ఎయిర్‌లైన్ స్వంత వెబ్‌సైట్ నుంచి టిక్కెట్‌లను బుక్ చేసుకోవచ్చు. లేదా మీరు iPhone iOS లేదా Android యాప్ నుంచి టిక్కెట్‌ను కొనుగోలు చేస్తే మీరు ఈ ప్రయోజనాన్ని పొందుతారు. ఇది కాకుండా, మీరు విమానాశ్రయ టికెట్ కార్యాలయం, కాల్ సెంటర్ లేదా ఏదైనా ఆన్‌లైన్ ఏజెన్సీ లేదా ట్రావెల్ ఏజెంట్ నుంచి టిక్కెట్లను కొనుగోలు చేయవచ్చు.

మరిన్ని బిజినెస్ వార్తల కోసం ఇక్కడ క్లిక్ చేయండి