PM Vidya Lakshmi: ఉన్నత విద్య కోసం కేంద్రం చర్యలు.. విద్యాలక్ష్మి పథకంతో ప్రత్యేక లోన్​ సదుపాయం

చాలాసార్లు ఆర్థిక ఇబ్బందుల కారణంగా విద్యార్థులు ఉన్నత చదువులు చదవలేకపోతున్నారు. కానీ 2015లో భారత ప్రభుత్వం ప్రారంభించిన పథకం. పీఎం విద్యా లక్ష్మి ఎడ్యుకేషన్ లోన్ యోజనతో భారతీయ పౌరులు ఎవరైనా తమ ఉన్నత విద్యకు ఆర్థిక సహాయం చేయడానికి బ్యాంకు రుణం కోసం సులభంగా దరఖాస్తు చేసుకోవచ్చు. మీరు కూడా ఎలాంటి ఆర్థిక సమస్యలు లేకుండా మీ చదువును కొనసాగించాలనుకుంటే ఈ పథకాన్ని సద్వినియోగం చేసుకోవచ్చు. బోర్డు పరీక్షలో ఉత్తీర్ణత సాధించిన తర్వాత, మీరు ఈ తదుపరి విద్య కోసం దరఖాస్తు చేసుకోవచ్చు. ఈ నేపథ్యంలో పీఎం విద్యాలక్ష్మి పథకం గురించి మరిన్ని వివరాలను తెలుసుకుందాం.

పీఎం విద్యాలక్ష్మి ప్రభుత్వ పథకం కింద,  మీరు బ్యాంకుల నుండి రూ.7.5 లక్షల విద్యా రుణం పొందవచ్చు. విదేశాల్లో చదవాలనుకుంటే రూ.15 లక్షల వరకు విద్యా రుణం లభిస్తుంది. మీరు ప్రధాన్ మంత్రి విద్యా లక్ష్మి యోజన కింద స్కాలర్‌షిప్‌లు, విద్యా రుణాలకు సంబంధించిన మొత్తం సమాచారాన్ని అధికారిక వెబ్‌సైట్‌లో పొందవచ్చు. విద్యాలక్ష్మి పోర్టల్‌లో నమోదు చేసుకుని లాగిన్ అవ్వాలి. దీని తర్వాత, అవసరమైన అన్ని వివరాలను అందించడం ద్వారా కామన్ ఎడ్యుకేషన్ లోన్ అప్లికేషన్ నింపాలి. సీఈఎల్‌ఏఎఫ్‌ అనేది మీరు బహుళ బ్యాంకుల నుంచి విద్యా రుణాల కోసం దరఖాస్తు చేయడానికి పూరించే ఒకే ఫారమ్. ఈ ఫారమ్‌ను ఇండియన్ బ్యాంక్స్ అసోసియేషన్ (ఐబీఏ) జారీ చేసింది. ఫారమ్‌ను పూరించిన తర్వాత మీరు మీ అవసరాలకు అనుగుణంగా ఎడ్యుకేషన్ లోన్ కోసం శోధించవచ్చు. 

మీ అవసరాలు, అర్హత మరియు సౌలభ్యం ప్రకారం దరఖాస్తు చేసుకోవచ్చు. సీఈఎల్‌ఏఎఫ్‌ ద్వారా విద్యా లక్ష్మి పోర్టల్‌లో ఒక విద్యార్థి గరిష్టంగా మూడు బ్యాంకులకు దరఖాస్తు చేసుకోవచ్చు. ఈ పథకం కింద 13 బ్యాంకులు కవర్ అవుతాయి. ఈ పథకం కింద 22 రకాల విద్యా రుణాలు ఇవ్వబడ్డాయి. మీకు ఆధార్ కార్డ్, ఓటర్ ఐడి లేదా పాన్ కార్డ్, పాస్‌పోర్ట్ సైజు ఫోటో మరియు చిరునామా రుజువు అవసరం. లోన్‌ పొందడానికి తల్లిదండ్రుల ఆదాయ ధృవీకరణ పత్రం కూడా అవసరం. దీనితోపాటు హైస్కూల్‌, ఇంటర్మీడియట్‌ మార్కుల పత్రాల నకలు కూడా ఇవ్వాల్సి ఉంటుంది. మీరు చదవబోయే ఇన్‌స్టిట్యూట్‌కి సంబంధించిన అడ్మిషన్ కార్డ్ చాలా ముఖ్యమైన విషయం. మీరు అన్ని రకాల ఖర్చులు, కోర్సు వ్యవధికి సంబంధించిన పూర్తి వివరాలను కూడా అందిస్తే లోన్‌ పొందడం ఈజీ అవుతుంది. 

ఇవి కూడా చదవండి

అమూల్ పాల ధర పెంపు.. నేటి నుంచి కొత్త ధరలు అమల్లోకి

కేదార్‌నాథ్‌లో మహీంద్రా థార్‌ సేవలు.. కొండల్లోనూ యాత్రికుల కోసం..

పసిడి ప్రియులకు స్వల్ప ఊరట.. దిగి వస్తున్న బంగారం, వెండి ధరలు

గృహ రుణంపై ఏ బ్యాంకు ఎంత వడ్డీ.. 20 ఏళ్లకు ఈఎంఐ ఎంత?

మరిన్ని బిజినెస్ వార్తల కోసం ఇక్కడ క్లిక్ చేయండి