Tenancy Rules: మీరు అద్దె ఇళ్లల్లో ఉంటున్నారా? ఇల్లు ఖాళీ చేసేటప్పుడు ఇవి తెలుసుకోండి!
Tenancy Rules: అద్దె ఇళ్లలో నివసించే వ్యక్తులు తరచుగా ఖాళీ చేసి వేరే ఇంటికి మారుతుంటారు. అయితే ముందు ఇంటిని అద్దెకు తీసుకునే ముందు, ఇల్లు మారేముందు కొన్ని విషయాలను తెలుసుకోవడం చాలా ముఖ్యం. అద్దె ఇంట్లోకి వచ్చాక.. అలాగే ఇల్లు ఖాళీ చేసి వెళ్లే ముందు అద్దెదారు, ఇంటి యజమానికి మధ్య కొన్ని వివాదాలు తలెత్తుతాయి. అవేంటో తెలుసుకుందాం..
Tenancy Rules: అద్దె ఇళ్లలో నివసించే వ్యక్తులు తరచుగా ఖాళీ చేసిన తర్వాత ఇంటి యజమాని మరమ్మతు ఖర్చులు డిమాండ్ చేస్తే ఏమి చేయాలో తికమక పడుతుంటారు. సాధారణంగా చాలా మంది అద్దె ఇళ్లను మారుస్తుంటారు. ఎందుకంటే వివిధ రకాల వసతుల కారణంగానో లేదా ఉద్యోగ ఇతర ప్రాంతాలకు మార్చడమో. లేక కిరాయి పెంచడం వల్ల ఉన్న ఇల్లును ఖాళీ చేసి వేరే ఇంటికి మారుతుంటారు. అయితే ఇల్లు మారే ముందు అద్దెదారు వెళ్లే ముందు ఇంట్లో ఏవైన డ్యామెజ్ చేశారా? వాటి మరమ్మతులు చేయించాలని ఆదేశిస్తుంటాడు. అద్దెదారు వాటి కోసం చెల్లించమని డిమాండ్ చేస్తాడు. ఇలాంటి పరిస్థితుల్లో ఇద్దరి మధ్య వివాదాలు కూడా జరుగుతుంటాయి.
చట్టం ప్రకారం.. అద్దెదారు అద్దె ఇంట్లోకి వచ్చినప్పుడు ఇల్లు ఎలా ఎందో ఖాళీ చేసే ముందు కూడా అలాగే ఉండాలి. ఇంట్లో ఏదైనా స్వల్పంగా చెడిపోవడం అనేది ఒక ప్రత్యేక సమస్యగా పరిగణిస్తారు. ఒక ఇంటి యజమాని అద్దెదారు నుండి మరమ్మతులు చేయించమని కోరవచ్చా? లేదా అనేది నిర్ణయించడానికి కోర్టులు అనేక సందర్భాల్లో ఈ అంశంపై తీర్పు ఇచ్చాయి.
ఇది కూడా చదవండి: LPG Crisis India: ఇక సామాన్యులకు పండగే.. పండగ.. ఎల్పీజీకి చెక్.. భారత్లో కొత్త గ్యాస్!
ఇంటి యజమాని మరమ్మతులు అడగవచ్చా?
చట్ట నిపుణుడు ప్రొఫెసర్ (డాక్టర్) రహేలా ఖోరకివాలా ప్రకారం, ET నివేదికను ఉటంకిస్తూ, ఇంటి యజమాని అద్దెదారుని మరమ్మతు ఖర్చులను అడగవచ్చు. కానీ నష్టం సాధారణ వినియోగానికి మించి ఉంటే మాత్రమే. అద్దెదారు సాధారణ ఉపయోగం వల్ల కాకుండా ఇంటికి నష్టం కలిగించినట్లయితే, ఇంటి యజమాని అతని నుండి మరమ్మతు ఖర్చులను తిరిగి పొందవచ్చు. ఉదాహరణకు, ఎవరైనా ఫిట్టింగ్లను పగలగొట్టి ఉంటే, తలుపులు లేదా కిటికీలు దెబ్బతిన్నట్లయితే లేదా నిర్మాణాన్ని దెబ్బతీసి ఉంటే, అద్దెదారు నుండి ఖర్చును వసూలు చేయవచ్చు.
సాధారణ నిర్వహణ ఎవరి బాధ్యత?
పెయింటింగ్, వైట్వాషింగ్ లేదా చిన్న మరమ్మతులు వంటి సాధారణ నిర్వహణ సాధారణంగా ఇంటి యజమాని బాధ్యతగా పరిగణిస్తారు. అద్దె ఒప్పందంలో ప్రత్యేకంగా పేర్కొనకపోతే, అద్దెదారు ఈ ఖర్చులను చెల్లించాల్సిన అవసరం లేదు. ఇంటి యజమాని అద్దెదారు నుండి మరమ్మతు డబ్బు కోరితే, ఆ నష్టం వాస్తవానికి అద్దెదారు వల్లే జరిగిందని వారు నిరూపించాలి. తగినంత ఆధారాలు లేకుంటే లేదా నష్టం ముందే ఉండి ఉంటే, కోర్టు అటువంటి దావాను తోసిపుచ్చవచ్చు.
ఇది కూడా చదవండి: Chanakya Niti: వ్యాపారంలో సక్సెస్ కావడానికి చాణక్యుడు చెప్పిన 5 అద్భుతమైన సూత్రాలు!
అద్దెదారుకు ఏ ఆప్షన్లు ఉన్నాయి?
అటువంటి సందర్భాలలో అద్దెదారు అనేక చట్టపరమైన వాదనలను లేవనెత్తవచ్చు. సాధారణ ఉపయోగం వల్ల నష్టం జరిగిందని లేదా ఇంటి యజమానికి తగిన ఆధారాలు లేవని వారు వాదించవచ్చు. ఇంకా అద్దె ఒప్పందంలో ఇంటి యజమాని మరమ్మతుల ఖర్చును భరిస్తారని పేర్కొన్నప్పటికీ, అద్దెదారు డబ్బు చెల్లించాల్సిన బాధ్యత ఉండదు. ఒక ఇంటి యజమాని సెక్యూరిటీ డిపాజిట్లో కొంత భాగాన్ని తగ్గించుకోవచ్చు. కానీ దానికి సరైన కారణం, ఆధారాలు ఉంటేనే. సరైన కారణం లేకుండా మొత్తం సెక్యూరిటీ డిపాజిట్ను నిలిపివేయడం చట్టబద్ధంగా అనుమతించరు.
ఇది కూడా చదవండి: Indian Railways: రైలు ప్రయాణికులకు గుడ్న్యూస్ తెలిపిన సుప్రీం కోర్టు.. ఇక వారికి కూడా ఇన్స్రెన్స్!
మరిన్ని బిజినెస్ వార్తల కోసం ఇక్కడ క్లిక్ చేయండి