Bank Holidays: కస్టమర్లకు అలర్ట్.. నేడు, రేపు బ్యాంకులకు సెలవులు.. నిలిచిపోయిన సేవలు..

Bank Holidays in April: బ్యాంకుకు వెళ్లి చేయాల్సిన లావాదేవీలు ఏమైనా ఉంటే.. రెండు రోజులు ఆగక తప్పదు. తెలుగు రాష్ట్రాల్లో గురువారం, శుక్రవారం, ఆదివారం మూడు రోజులు బ్యాంకులు మూసి ఉండనున్నాయి.

Bank

Updated on: Apr 14, 2022 | 9:00 AM

Bank Holidays in April: బ్యాంకుకు వెళ్లి చేయాల్సిన లావాదేవీలు ఏమైనా ఉంటే.. రెండు రోజులు ఆగక తప్పదు. తెలుగు రాష్ట్రాల్లో గురువారం, శుక్రవారం, ఆదివారం మూడు రోజులు బ్యాంకులు మూసి ఉండనున్నాయి. ఈ నాలుగు రోజుల్లో శనివారం మాత్రమే బ్యాంకులు తెరుచుకోనున్నాయి. అత్యవసర పనులుంటే.. శనివారం చేసుకోవాలని లేకపోతే.. లావాదేవీలను సోమవారం వరకు వాయిదా వేసుకోవాలని పేర్కొంటున్నారు. కొన్ని ప్రాంతాల్లో ఈ రోజు నుంచి (ఏప్రిల్ 14) ఏప్రిల్ 17 వరకు బ్యాంకులకు సెలవులు ప్రకటించారు. అయితే ఈ సెలవులు అన్ని రాష్ట్రాలకు వర్తించవు. దేశంలోని కొన్ని ప్రాంతాల్లో.. అక్కడ జరుపుకోనున్న పండుగలు, ప్రత్యేక రోజుల బట్టి సెలవులు ప్రకటించారు.

ప్రాంతాల వారీగా బ్యాంకుల సెలవులు

ఏప్రిల్ 14: అంబేద్కర్ జయంతి, మహావీర్ జయంతి, వైశాఖి, తమిళనాడు న్యూ ఇయర్, బిజు ఫెస్టివల్.. మేఘాలయ, హిమాచల్ ప్రదేశ్ మినహా మిగతా రాష్ట్రాలలో ఈ రోజు బ్యాంకులకు సెలవు వర్తిస్తుంది.

ఏప్రిల్ 15: గుడ్ ఫ్రైడే, బెంగాలీ న్యూ ఇయర్, హిమాచల్ డే.. రాజస్థాన్, జమ్మూ కాశ్మీర్, శ్రీనగర్ మినహా మిగతా రాష్ట్రాల్లో ఏప్రిల్ 15న బ్యాంకులు మూసి ఉంటాయి.

ఏప్రిల్ 16: బొహాగ్ బిహు పండుగ.. అస్సాంలో మాత్రమే బ్యాంకులు మూసి ఉంటాయి.

ఏప్రిల్ 17: ఆదివారం.. అన్ని రాష్ట్రాల్లోనూ బ్యాంకులకు సెలవు.

ఇదిలా ఉంటే.. ఏప్రిల్ నెలలో బ్యాంకులకు మొత్తం 15 రోజులు సెలవులు వచ్చాయి. అయితే ఈ 15 రోజులు అన్ని రాష్ట్రాలకు వర్తించవు. ఆయా రాష్ట్రాల్లో పండుగలు, ప్రత్యేక రోజుల ప్రకారం ఉంటాయి.