Aadhaar Card Update: ఫ్రీగా ఆధార్ అప్డేట్ చేసుకున్నారా.. మరికొన్ని గంటలే మిగిలివుంది.. చేసుకోకుంటే..
ఆధార్ కార్డు తీసుకుని పదేళ్లు గడిచిన వారు ఆధార్‌ను తప్పనిసిరిగా అప్డేట్ చేసుకునే గడువు రేపటితో ముగియనుంది. జూన్ 14లోగా మై ఆధార్ పోర్టల్‌లో ఉచితంగా వివరాలను అప్డేట్ చేసుకోవచ్చు. ఆధార్ కార్డులోని పేరు, అడ్రస్, పుట్టిన తేదీ, లింగం, ఫోన్ నెంబర్, ఈ మెయిల్ వంటివి ఉచితంగానే చేసుకోవచ్చు. ఫోటో, ఐరిస్, బయోమెట్రిక్ వివరాల కోసం ఆధార్ సెంటర్‌లో చేసుకోవచ్చు..
దేశంలోని ప్రతి పౌరుని గుర్తింపు కోసం ఆధార్ కార్డ్ ఒక ముఖ్యమైన పత్రం. ఆధార్ నంబర్ జారీ చేసే సంస్థ అయిన యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) అన్ని రకాల ప్రభుత్వ, ఇతర సేవలలో ఉపయోగించే ఆధార్ కార్డులో అవసరమైన మార్పులకు సంబంధించి ప్రత్యేక సౌకర్యాన్ని అందిస్తోంది. వాస్తవానికి, UIDAI పౌరులు తమ ఆధార్ కార్డును ఆన్‌లైన్‌లో ఉచితంగా అప్డేట్ చేసుకోవడానికి అనుమతించింది. సాధారణంగా ఆధార్ వివరాలను అప్డేట్ చేయడానికి రూ.50 చార్జీ చెల్లించాల్సి ఉంటుంది.
UIDAI ఎప్పటికప్పుడు ఆధార్ వివరాలను అప్డేట్ చేయడాన్ని ప్రోత్సహిస్తుంది. మీ ఆధార్ కార్డ్‌లో ఏదైనా సమాచారం తప్పుగా నమోదు చేయబడి, దాన్ని సరిదిద్దుకోవాలనుకుంటే, దాన్ని ఉచితంగా పూర్తి చేయడానికి ఇదే సరైన సమయం. ప్రజల సౌకర్యాన్ని దృష్టిలో ఉంచుకుని.. UIDAI కొంతకాలం పాటు ఆధార్ కార్డ్‌ను ఉచితంగా అప్డేట్ చేసింది. ఇప్పుడు ఆన్‌లైన్‌లో ఆధార్‌ను అప్డేట్ చేయడానికి డబ్బు చెల్లించాల్సిన అవసరం లేదు. అలాగే ఆధార్ కేంద్రానికి వెళ్లి ఇలా చేస్తే ఇంకా రూ.50 చెల్లించాల్సిందే.
ఆధార్ కార్డులోని పుట్టినతేదీ, చిరునామా, పేరులో మార్పులు తదిదర వివరాలు ఆన్‌లైన్‌ ద్వారా ఉచితంగా మార్చుకునేందుకు ‘భారత విశిష్ట గుర్తింపు ప్రాధికార సంస్థ’ (ఉడాయ్) జూన్ 14వరకు అవకాశం కల్పిస్తోంది. ‘మైఆధార్‌ పోర్టల్‌’ ద్వారా మాత్రమే ఈ ఉచిత సేవలు వర్తిస్తాయని ఉడాయ్ తెలిపింది. ఆధార్ సేవా కేంద్రాల ద్వారా అప్డేట్, డెమొగ్రాఫిక్‌ మార్పులు చేస్తే రూ.50 చెల్లించాల్సి ఉంటుంది. దేశవ్యాప్తంగా లక్షలాది మంది కోసం ఆన్‌లైన్‌లో ఉచితంగా అప్డేట్ సౌకర్యం అమలుజేస్తున్నట్టు పేర్కొంది. పేరులో అక్షర దోషాలు, పుట్టిన తేదీ, చిరునామా మార్పులు, లింగం అలాగే 10 ఏళ్లుగా ఆధార్ అప్డేట్ చేసుకోని వారు ఈ ఉచిత సౌకర్యాన్ని వినియోగించుకోవాలని ఉడాయ్ సూచించింది. ఇందుకోసం నిర్దేశిత జాబితాలో సూచించిన గుర్తింపు, చిరునామా పత్రాల్ని ఆన్‌లైన్‌లో అప్‌లోడ్‌ చేయాల్సి ఉంటుంది.
జూన్ 14 వరకు ఆఫర్
14 జూన్ 2023 వరకు ఆధార్‌ను ఆన్‌లైన్‌లో ఉచితంగా అప్డేట్ చేయవచ్చు. అదే సమయంలో, మీరు మీ ఆధార్ కార్డ్‌లో పేరు, చిరునామా, పుట్టిన తేదీ వంటి సమాచారాన్ని అప్డేట్ చేయవచ్చు. 10 ఏళ్లు పైబడిన ఆధార్ కార్డ్ హోల్డర్లు తమ వివరాలను అప్డేట్ చేయాలని UIDAI విజ్ఞప్తి చేస్తోంది.
మరిన్ని బిజినెస్ న్యూస్ కోసం