ఇండియన్ టెక్కీలకు అమెరికా షాక్.. ఈసారి ఏం చేసిందంటే ?
భారత టెక్కీల కలలను కల్లలు చేస్తోంది అగ్రరాజ్యం. అమెరికాలో సాఫ్ట్‌వేర్‌ జాబ్‌ చేయాలనే యువత ఆశలపై నీళ్లు చల్లుతోంది. హెచ్‌ 1 బీతో పాటు ఎల్‌ 1 వీసా దరఖాస్తులను భారీగా తిరస్కరిస్తోంది. ఇది ఈ ఏడాది మూడో త్రైమాసికంలో 4 రెట్లు పెరిగింది. వీటిలో 90 శాతానికి పైగా భారతీయులకు చెందిన వీసాలే తిరస్కరణకు గురవుతున్నాయి. భారత ఐటీ నిపుణుల ఆశలను ఆవిరి చేస్తోంది డొనాల్డ్‌ ట్రంప్‌ సర్కార్‌. స్థానికులకే ఉద్యోగావకాశాలు అన్న అమెరికా అధ్యక్షుని […]
భారత టెక్కీల కలలను కల్లలు చేస్తోంది అగ్రరాజ్యం. అమెరికాలో సాఫ్ట్‌వేర్‌ జాబ్‌ చేయాలనే యువత ఆశలపై నీళ్లు చల్లుతోంది. హెచ్‌ 1 బీతో పాటు ఎల్‌ 1 వీసా దరఖాస్తులను భారీగా తిరస్కరిస్తోంది. ఇది ఈ ఏడాది మూడో త్రైమాసికంలో 4 రెట్లు పెరిగింది. వీటిలో 90 శాతానికి పైగా భారతీయులకు చెందిన వీసాలే తిరస్కరణకు గురవుతున్నాయి.
భారత ఐటీ నిపుణుల ఆశలను ఆవిరి చేస్తోంది డొనాల్డ్‌ ట్రంప్‌ సర్కార్‌. స్థానికులకే ఉద్యోగావకాశాలు అన్న అమెరికా అధ్యక్షుని నినాదం భారతీయ సాంకేతిక నిపుణులతో పాటు స్వదేశీ సాఫ్ట్‌వేర్‌ కంపెనీలకు శాపంగా పరిణమిస్తోంది. ట్రంప్‌ అమెరికా అధ్యక్షుడయ్యాక హెచ్‌ 1 బీ వీసాల తిరస్కరణ రేటు 6 నుంచి 24 శాతానికి పెరిగింది.
హెచ్‌ 1 బీ వీసా దరఖాస్తుల తిరస్కరణ రేటు ఈ ఆర్థిక సంవత్సరం థర్డ్‌ క్వార్టర్‌లో 4 రెట్లు పెరిగింది. వీటిలో 90శాతానికి పైగా భారతీయులకు చెందినవే. ఇక భారతీయ కంపెనీల దరఖాస్తులు కనిష్టంగా 37 నుంచి గరిష్టంగా 62 శాతం తిరస్కరణకు గురయ్యాయి. టెక్ మహీంద్రా 41 శాతం, టాటా కన్సల్టెన్సీ 34 శాతం, విప్రో 53 శాతం, ఇన్ఫోసిస్‌కు చెందిన 45 శాతం వీసాలు తిరస్కరణకు గురయ్యాయి. గత 20 ఏళ్లలో ఇదే అత్యధికమైన తిరస్కరణ అని ఓ అధ్యయనంలో తేలింది.
భారతీయ కంపెనీలకు షాకిస్తున్న యూఎస్‌ ఇమ్మిగ్రేషన్‌ అండ్‌ సిటిజన్‌ పాలసీ (యూఎస్‌సీఐఎస్‌) అమెరికన్‌ కంపెనీల వీసాలకు మాత్రం ఆమోద ముద్ర వేస్తోంది. యాపిల్‌, ఫేస్‌బుక్‌లు సమర్పించిన 99శాతం దరశాస్తులకు గ్రీన్‌సిగ్నల్‌ పడింది. అలాగే గూగుల్‌ 2 శాతం, మైక్రోసాఫ్ట్‌ 5 శాతం, అమెజాన్‌ 3 శాతం, ఇంటెల్‌ 8 శాతం హెచ్‌1బీ దరఖాస్తులు తిరస్కరణకు గురయ్యాయి.
ఇవి సమర్పించిన హెచ్‌1బీ దరఖాస్తుల్లో 67 శాతం భారతీయులవే కాగా వాటిలో 65 శాతం దరఖాస్తులకు ఆమోదం లభించింది. ఈ కంపెనీలు సమర్పించిన రెన్యువల్‌ హెచ్‌1బీ దరఖాస్తుల ఆమోదం కూడా కనిష్టంగా 91 శాతం, గరిష్టంగా 98 శాతంగా ఉంది. అదే భారతీయ కంపెనీల దగ్గరకు వచ్చే సరికి ఆమోదం పొందిన దరఖాస్తులు 82 శాతం మాత్రమే.
ఇక హెచ్‌ 1బీ వీసాల పరిస్థితి ఇలా ఉంటే ఎల్‌ 1 వీసాలను కూడా కట్టడి చేస్తోంది అగ్రరాజ్యం. దీంతో ప్రాజెక్టులు మధ్యలోనే ఆగిపోయి నానా అవస్థలు పడుతున్నాయి భారతీయ ఐటీ కంపెనీలు. భారీగా వీసాల తిరస్కరణకు నిబంధనలు కఠినతరం చేయడమే కారణమని అధ్యయనం వివరించింది. దీంతో ఇప్పుడే ఇలా ఉంటే..ముందు ముందు పరిస్థితులు ఎలా ఉంటాయోనని భారతీయ కంపెనీలు ఆందోళన చెందుతున్నాయి. వీలైనంత త్వరగా ఈ విషయాన్ని కేంద్ర ప్రభుత్వం దృష్టికి తీసుకెళ్లాలని భావిస్తోంది నాస్కామ్‌.
Related Stories
ఆడు జీవితం ఓటీటీ రిలీజ్ డేట్ ఫిక్స్.. స్ట్రీమింగ్ ఎప్పటినుంచంటే?
నల్లగా ఉన్నాయని చీప్‌గా చూడకండి.. ఈ రైస్ గుండె జబ్బులున్నవారికి.!
కేసీఆర్ బస్సును ఆపి భావోద్వేగంతో మాట్లాడిని రైతన్నలు..
తొక్కే కదా అని తీసిపారేయకండి.. వీరికి ఇది బ్రహ్మాస్త్రం.!
'వరంగల్కి త్వరలో ఎయిర్ పోర్టు'.. జనజాతర సభలో సీఎం రేవంత్..
జాక్ పాట్ కొట్టిన ప్రశాంత్ వర్మ..
ప్రపంచ మలేరియా దినోత్సవాన్ని ఎందుకు జరుపుకుంటారో తెలుసా..
పంత్ విధ్వంసం, అక్షర్, స్టబ్స్ మెరుపులు .. ఢిల్లీ భారీ స్కోరు
పెళ్లినా.. పాప తగ్గడంలేదుగా.. ఓ రేంజ్‌లో అందాలు ఆరబోసిన రకుల్
మేమంతా సిద్దం జోష్ కొనసాగింపు.. 17 రోజుల్లో ఎలా ప్లాన్ చేశారంటే..
జాక్ పాట్ కొట్టిన ప్రశాంత్ వర్మ..
చిరును టార్గెట్ చేసిన రిషబ్ షెట్టి.. పోటీ మాములుగా లేదుగా..!
పెళ్లి తర్వాత ఎన్నో సార్లు అబార్షన్ అయింది..
పార్లమెంట్ ఎన్నికల్లో హీరో ఎవరు? జీరో ఎవరు?
ప్రమాదానికి గురైన కేసీఆర్ కాన్వాయ్.. తప్పిన పెను ప్రమాదం..
ప్రేక్షకులపైకి దూసుకెళ్లిన రేస్ కారు.. ఏడుగురు దుర్మరణం..
6,128 విమానాలు.. 4.71 లక్షల మంది ప్రయాణికులు
అయినా చిన్న వయసులోనే గుండెపోటు.. ఈ వయస్సులోపు మహిళలకు పెనుముప్పు
పరగడుపునే టీ తాగడం అంత ప్రమాదమా ?? నిపుణులేమంటున్నారు ??
ప్రభాస్ 35లక్షల విరాళం ఇచ్చినట్టుగా ప్రకటించిన డైరెక్టర్ మారుతి
