Bigg Boss 4: లాస్ట్ వీక్ ఎలిమినేషన్స్.. ఈసారి బిగ్ బాస్ దత్తపుత్రిక హౌస్ నుంచి బయటికి రానుందా.?

Bigg Boss 4: బిగ్ బాస్ చివరి వారంలోకి అడుగుపెట్టబోతోంది. ప్రస్తుతం హౌస్‌లో ఆరుగురు కంటెస్టెంట్లు ఉండగా.. ఈ వారం ఫైనల్‌కు చేరిన అఖిల్ తప్ప అందరూ కూడా ఎలిమినేషన్‌కు నామినేట్ అయిన సంగతి తెలిసిందే. ప్రస్తుతం నామినేషన్‌లో అందరూ స్ట్రాంగ్ కంటెస్టెంట్లు ఉన్నారు. బిగ్ బాస్ చివరి అంకానికి చేరుకునేసరికి ఎవరికి వారు తమ 100 శాతం ఎఫర్ట్స్‌ను టాస్క్‌ల్లో పెట్టి అద్భుతంగా పెర్ఫార్మెన్స్ ఇస్తున్నారు.

ఇదిలా ఉంటే ఈ వారం బిగ్ బాస్ దత్తపుత్రిక, గుజరాతీ భామ మోనాల్ గజ్జర్ హౌస్ నుంచి ఎలిమినేట్ కానుందనే వార్త సోషల్ మీడియాలో వైరల్ అవుతోంది. హౌస్‌లోకి వన్ ఆఫ్ ది స్ట్రాంగ్ కంటెస్టెంట్‌గా ప్రవేశించిన ఆమె.. ఎక్కువగా అభిజిత్-అఖిల్ గొడవల మధ్య కేంద్ర బిందువుగా మారింది. షో చివరి వారాల్లో తనకు తాను ప్రూవ్ చేసుకుంటూ.. హారిక హౌస్ కెప్టెన్ కావడంలో సహాయసహకారాలు అందించి ప్రేక్షకుల మనసులు దోచేసింది. పలుసార్లు ఎలిమినేషన్‌కు నామినేట్ అయినా అదృష్టం కలిసొచ్చి అవరోధాలన్నింటి దాటుకుని చివరి వరకు చేరుకుంది.

ఇక తాజాగా షో చివరి దశకు చేరుకోవడం.. పైగా కొద్దిరోజులుగా హౌస్‌లో జరుగుతున్న పలు గొడవలకు ఆమె కారకురాలు కావడంతో ప్రేక్షకులు మోనాల్‌ను ఇంటికి సాగనంపాలని అనుకుంటున్నారు. అంతేకాక కొన్ని అనధికారిక పోల్స్‌ను పరిశీలిస్తే.. మోనాల్‌కు తక్కువ ఓటింగ్ శాతం నమోదైనట్లు తెలుస్తోంది. ఎప్పటిలానే మరోసారి అభిజిత్ ఈవారం కూడా ఓటింగ్‌లో అగ్రస్థానంలో ఉండగా.. ఆ తర్వాత అరియానా, సోహైల్, హారికలు ఉన్నారు. మరి ఈ వారం నిజంగా మోనాల్ ఎలిమినేట్ కానుందా.? లేదా.? తెలియాలంటే వీకెండ్ దాకా వేచి చూడాల్సిందే.

Also Read:

‘జగనన్న అమ్మఒడి’ వివరాలను చెక్ చేసుకోండిలా.. సూచనలు ఇచ్చిన పాఠశాల విద్యాశాఖ..

క్రికెట్ అభిమానులకు గుడ్ న్యూస్.. ఫిట్‌నెస్ టెస్ట్‌లో పాసైన రోహిత్ శర్మ.. ఆసీస్ ఫ్లైట్ ఎక్కనున్న హిట్‌మ్యాన్..

మరో చోట ప్రత్యక్షమైన వింత స్థంభం.. షాకవుతున్న ప్రజలు.. మిస్టరీని చేధిస్తున్న పరిశోధకులు..