Bigg Boss 4 : అనూహ్యంగా ఎలిమినేట్ అయిన అవినాష్కు అదిరిపోయే సర్ప్రైజ్ ఇచ్చిన నాగార్జున
నాగార్జున హోస్టుగా జరుగుతున్న బిగ్ బాస్4 మొదట్లో చప్పగా సాగిన చివరకు వచ్చేసరికి రసవత్తరంగా మారింది. ప్రస్తుతం హౌస్ లో ఆరుగురు ఇంటిసభ్యులు ఉన్నారు.
Updated on: Dec 11, 2020 | 4:05 PM
నాగార్జున హోస్టుగా జరుగుతున్న బిగ్ బాస్4 మొదట్లో చప్పగా సాగిన చివరకు వచ్చేసరికి రసవత్తరంగా మారింది. ప్రస్తుతం హౌస్ లో ఆరుగురు ఇంటిసభ్యులు ఉన్నారు. ఈ ఆరుగురిలో ఎవరు విజేత అవుతారని ఆంతా ఆసక్తిగా ఎదురుచూస్తున్నారు. హౌస్ లోకి వైల్డ్ కార్డ్ తో ఎంట్రీ ఇచ్చి అందరిని తన కామెడీతో ఆకట్టుకున్నాడు ముక్కు అవినాష్. తనదైన మార్క్ కామెడీతో హౌస్ లో నవ్వులు పూయించిన అవినాష్ గేమ్ కూడా బాగా ఆడాడు. ముఖ్యంగా టాస్క్ లు సమయంలో అవినాష్ చాలా కష్టపడ్డాడు. కానీ చివరకు వచ్చేసరికి సింపథీ గేమ్ ఆడి అనూహ్యంగా బిగ్ బాస్ నుంచి ఎలిమినేట్ అయ్యాడు.
టాస్కుల్లో బాగా ఆడిన అవినాష్ నామినేషన్ వస్తే మాత్రం తట్టుకునేవాడు కాదు. నామినేషన్ లో ఉన్నాడని తెలిస్తే ఎలిమినేట్ అవ్వకుండా బయట పడేందుకు రకరకాల ప్రయత్నాలు చేసేవాడు. ప్రతిసారి సింపథీ గేమ్ ఆడుతూ ప్రేక్షకులకు విసుగు తెప్పించేవాడు. గతవారం ఊహించని విధంగా అవినాష్ హౌస్ నుంచి బయటకు వెళ్ళిపోయాడు. మోనాల్ అవినాష్ ను కాలితో తన్నడం అది పెద్ద రచ్చ అవ్వడం మనకు తెలిసిందే. ఈ సీన్ తర్వాత అవినాష్ కు సింపథీ వర్కౌట్ అయ్యి ఎలిమినేషన్ నుంచి తప్పించుకుంటాడేమో అనుకుంటే అనూహ్యంగా ఎలిమినేట్ అయ్యి బయటకు వచ్చాడు. బిగ్ బాస్ నుంచి వెళ్లిపోయేటప్పుడు కూడా స్టేజ్ పై నవ్వులు పూయించాడు అవినాష్. బయటకు వచ్చిన తర్వాత వరుస ఇంటర్వ్యూలతో ఫుల్ బిజీగా గడుపుతున్నాడు. ఈ క్రమంలో బిగ్ బాస్ హోస్ట్ నాగార్జున అవినాష్ కు ఓ స్పెషల్ గిఫ్ట్ పంపించాడు. బిగ్ బాస్ లో ఉన్నప్పుడు ఒక సందర్భంలో నాగార్జున వేసుకున్న షర్ట్ బాగుందని అవినాష్ అన్నాడు. దాంతో అదిగుర్తుపెట్టుకొని మరీ నాగార్జున ఆ షర్ట్ ను అవినాష్ ఇంటికి పంపించాడు. నాగ్ పంపిన స్పెషల్ గిఫ్ట్ తో అవినాష్ పట్టలేని ఆనందంలో తేలిపోతున్నాడు. ఈ విషయాన్ని సోషల్ మీడియాద్వారా తెలిపాడు. అంతేకాకుండా ఆషర్ట్ వేసుకొని దిగిన ఫోటోను కూడా షేర్ చేసాడు అవినాష్.
View this post on Instagram
