Horoscope Today: ఆ రాశి నిరుద్యోగులకు శుభ వార్తలు అందుతాయి.. 12 రాశుల వారికి రాశిఫలాలు

దిన ఫలాలు (మే 20, 2025): మేష రాశి వారికి రోజంతా హ్యాపీగా, సంతృప్తికరంగా సాగిపోయే అవకాశముంది. వృషభ రాశి వారికి ఒకటి రెండు వ్యక్తిగత, కుటుంబ సమస్యలు పరిష్కారమయ్యే అవకాశం ఉంది. మిథున రాశి వారికి ఆర్థిక వ్యవహారాలు సానుకూలంగా సాగిపోయే అవకాశముంది. మేష రాశి మొదలు మీన రాశి వరకు 12 రాశుల వారికి మంగళవారంనాటి రాశిఫలాలు ఎలా ఉన్నాయంటే..

మేషం (అశ్విని, భరణి, కృత్తిక 1)

రోజంతా హ్యాపీగా, సంతృప్తికరంగా సాగిపోతుంది. అనుకున్న పనులు అనుకున్నట్టు పూర్తవుతాయి. ఆదాయానికి లోటుండకపోవచ్చు. వృత్తి, ఉద్యోగాల్లో పదోన్నతి లేదా అధికార యోగం పట్టే అవకాశం ఉంది. వ్యాపారాల్లో లాభాలకు కొరత ఉండదు. నిరుద్యోగులకు సానుకూల స్పందన లభిస్తుంది. గృహ, వాహన ప్రయత్నాల మీద దృష్టి పెడతారు. పిల్లలు వృద్ధిలోకి వస్తారు. కుటుంబ జీవితం ఉత్సాహంగా సాగిపోతుంది. విద్యార్థులు పురోగతి సాధిస్తారు. ప్రేమ వ్యవహారాల్లో దూసుకుపోతారు.

వృషభం (కృత్తిక 2,3,4, రోహిణి, మృగశిర 1,2)

ఒకటి రెండు వ్యక్తిగత, కుటుంబ సమస్యలు పరిష్కారమయ్యే అవకాశం ఉంది. వృత్తి, ఉద్యోగాల్లో అధికారుల నమ్మకాన్ని చూరగొంటారు. వ్యాపారాల్లో శ్రమాధిక్యత ఉన్నా ఆశించిన ప్రతిఫలం ఉంటుంది. ఉద్యోగ ప్రయత్నాలకు సానుకూల స్పందన లభిస్తుంది. వృథా ఖర్చుల్ని తగ్గించుకోవడం మంచిది. కుటుంబం మీద ఖర్చులు పెరుగుతాయి. నిరుద్యోగులు శుభవార్తలు వింటారు. విద్యార్థులు కొద్ది శ్రమతో ఉత్తమ ఫలితాలు సాధిస్తారు. ప్రేమ జీవితం అనుకూలంగా సాగిపోతుంది.

మిథునం (మృగశిర 3,4, ఆర్ద్ర, పునర్వసు 1,2,3)

ఆర్థిక వ్యవహారాలు సానుకూలంగా సాగిపోతాయి. ఆర్థిక పరిస్థితి ఇదివరకటి కంటే మెరుగ్గా ఉంటుంది. ఆరోగ్యం అనుకూలంగా ఉంటుంది. ముఖ్యమైన పనులు, వ్యవహారాలన్నీ తేలికగా పూర్తవుతాయి. వృత్తి, ఉద్యోగాల్లో అధికారుల్ని మీ పనితీరుతో ఆకట్టుకుంటారు. వ్యాపారాలు లాభ దాయకంగా సాగిపోతాయి. కుటుంబ జీవితంలో సుఖ సంతోషాలు వృద్ధి చెందుతాయి. ఆదాయానికి లోటుండదు. విద్యార్థులు పురోగతి సాధిస్తారు. ప్రేమ జీవితం బాగా ఉత్సాహంగా సాగిపోతుంది.

కర్కాటకం (పునర్వసు 4, పుష్యమి, ఆశ్లేష)

ఒకటి రెండు సమస్యలు, ఒత్తిళ్ల నుంచి విముక్తి లభిస్తుంది. కొద్ది ప్రయత్నంతో అదనపు ఆదాయాన్ని సంపాదించుకుంటారు. కుటుంబ జీవితం సాఫీగా సాగిపోతుంది. వృత్తి, ఉద్యోగాల్లో అంచనాలకు మించిన పురోగతి ఉంటుంది. వ్యాపారాలు ఆశాజనకంగా పురోగమిస్తాయి. పెళ్లి ప్రయత్నాలు, ఉద్యోగ ప్రయత్నాలకు ఆశించిన స్పందన లభిస్తుంది. ముఖ్యమైన వ్యవహారాల్లో కొద్దిగా ఒత్తిడి ఉంటుంది. విద్యార్థులు శ్రమపడాల్సి ఉంటుంది. ప్రేమ వ్యవహారాలు హ్యాపీగా సాగిపోతాయి.

సింహం (మఖ, పుబ్బ, ఉత్తర 1)

వృత్తి, ఉద్యోగాల్లో కొద్దిగా అనుకూలతలు పెరుగుతాయి. ఉద్యోగంలో కొన్ని సానుకూల మార్పులు చోటు చేసుకుంటాయి. వ్యాపారాలు గతం కంటే లాభసాటిగా సాగిపోతాయి. ముఖ్యమైన పనులు పూర్తవుతాయి. వ్యక్తిగత, కుటుంబ సమస్యలు కొద్దిగా తగ్గుముఖం పడతాయి. ఇంటా బయటా ఒత్తిడి ఉంటుంది. నిరుద్యోగులకు దూర ప్రాంతాల్లో ఉద్యోగం లభించే అవకాశం ఉంది. ఆరోగ్యం బాగానే ఉంటుంది. విద్యార్థులు విజయాలు సాధిస్తారు. ప్రేమ భాగస్వామితో సరదాగా గడిచిపోతుంది.

కన్య (ఉత్తర 2,3,4, హస్త, చిత్త 1,2)

వృత్తి, ఉద్యోగ, వ్యాపారాల్లో కొద్దిగా ఆదాయ వృద్ధికి అవకాశముంది. ఆర్థికంగా ఆశించిన పురోగతి ఉంటుంది. రాదనుకుని వదిలేసుకున్న డబ్బు చేతికి అందుతుంది. ఆర్థిక సమస్యలు తగ్గుముఖం పడతాయి. ఆర్థిక వ్యవహారాల్లో ఆచితూచి వ్యవహరించడం మంచిది. నిరుద్యోగులకు సొంత ఊర్లోనే మంచి ఉద్యోగం లభించవచ్చు. ఆరోగ్యం నిలకడగా సాగిపోతుంది. సొంత పనుల మీద శ్రద్ధ పెట్టడం అవసరం. విద్యార్థులు ఉత్తమ ఫలితాలు సాధిస్తారు. ప్రేమ వ్యవహారాల్లో హ్యాపీగా సాగిపోతాయి.

తుల (చిత్త 3,4, స్వాతి, విశాఖ 1,2,3)

వృత్తి, ఉద్యోగ, వ్యాపారాల్లో రాబడి పెరగడానికి అవకాశముంది. ఒకటి రెండు ఆర్థిక, వ్యక్తిగత సమస్యలకు పరిష్కారం లభిస్తుంది. ఆర్థిక పరిస్థితి బాగా మెరుగ్గా ఉంటుంది. ఒకరిద్దరు బంధుమిత్రులకు సహాయపడతారు. ఉద్యోగులకు ఉద్యోగంలోనే కాక ఇతరత్రా కూడా రాబడి పెరుగుతుంది. వ్యాపారాల్లో పెట్టుబడులకు తగ్గ లాభాలు పొందుతారు. ఆరోగ్యం బాగానే ఉంటుంది. నిరుద్యోగులకు ఉద్యోగం లభిస్తుంది. విద్యార్థులు విజయాలు సాధిస్తారు. ప్రేమ జీవితంలో ఉత్సాహం పెరుగుతుంది.

వృశ్చికం (విశాఖ 4, అనూరాధ, జ్యేష్ట)

వృత్తి, ఉద్యోగాల్లో శ్రమ, ఒత్తిడి పెరిగినా ప్రతిఫలం ఉంటుంది. వ్యాపారాల్లో కొద్దిగా లాభాలు పొందు తారు. ఆదాయానికి లోటుండదు కానీ, ఖర్చులు తగ్గించుకోవాల్సి ఉంటుంది. మిత్రుల వల్ల కూడా ధన నష్టానికి అవకాశం ఉంది. ముఖ్యమైన వ్యవహారాలు నిదానంగా పూర్తవుతాయి. స్వల్ప అనారోగ్యానికి అవకాశం ఉంది. తల్లి తండ్రుల జోక్యంతో ఆస్తి వివాదం ఒకటి పరిష్కారం అవుతుంది. విద్యార్థులకు కొద్ది శ్రమతో ఉత్తమ ఫలితాలు సాధిస్తారు. ప్రేమ వ్యవహారాల్లో అసంతృప్తికి అవకాశముంది.

ధనుస్సు (మూల, పూర్వాషాఢ, ఉత్తరాషాఢ 1)

ఉద్యోగ జీవితంలో ప్రాధాన్యం పెరుగుతుంది. అధికారులు బాధ్యతలు పెంచుతారు. జీతభత్యాలు పెరిగే అవకాశం ఉంది. పెళ్లి, ఉద్యోగ ప్రయత్నాల్లో శుభవార్తలు వింటారు. వృత్తి, వ్యాపారాలు లాభసాటిగా సాగిపోతాయి. ఏ పని తలపెట్టినా విజయవంతం అవుతుంది. ఆర్థిక వ్యవహారాలు సజావుగా ముందుకు వెడతాయి. రుణాల ఒత్తిడి బాగా తగ్గుతుంది. ఇంటా బయటా అనుకూలతలు పెరుగుతాయి. విద్యార్థులు తేలికగా పురోగతి సాధిస్తారు. ప్రేమ జీవితం అనుకూలంగా పురోగమిస్తుంది.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఆదాయానికి, ఆరోగ్యానికి ఇబ్బంది ఉండకపోవచ్చు. వృత్తి, ఉద్యోగ, వ్యాపారాల్లో రాబడి పెరుగుతుంది. ఆర్థిక, వ్యక్తిగత సమస్యల పరిష్కారానికి అవకాశముంది. వృత్తి, ఉద్యోగాల్లో హోదాలు పెరగవచ్చు. నిరుద్యోగుల ఉద్యోగ ప్రయత్నాలు సఫలం అవుతాయి. తోబుట్టువులతో ఆస్తి వివాదం పరిష్కారమయ్యే అవకాశం ఉంది. విదేశాల్లో స్థిరపడిన పిల్లల నుంచి శుభ వార్తలు వింటారు. విద్యార్థులు కొద్ది శ్రమతో విజయాలు సాధిస్తారు. ప్రేమ వ్యవహారాలు సానుకూలంగా సాగిపోతాయి.

కుంభం (ధనిష్ట 3,4, శతభిషం, పూర్వాభాద్ర 1,2,3)

ఉద్యోగ జీవితం యథావిధిగా సాగిపోతుంది. వృత్తి, వ్యాపారాల్లో యాక్టివిటీ వృద్ధి చెందుతుంది. వ్యవహారాలు, పనులు, ప్రయత్నాల్లో వ్యయ ప్రయాసలుంటాయి. ఆదాయం కొద్దిగా వృద్ధి చెందు తుంది. ఆర్థిక ప్రయత్నాలు అనుకూల ఫలితాలనిస్తాయి. ఆహార, విహారాల్లో జాగ్రత్తగా ఉండడం మంచిది. పిల్లల నుంచి శుభవార్తలు వింటారు. కొందరు మిత్రులతో సమస్యలుంటాయి. ఆరోగ్యం నిలకడగా ఉంటుంది. విద్యార్థులకు శ్రమ తప్పకపోవచ్చు. ప్రేమ వ్యవహారాల్లో జాగ్రత్తగా ఉండడం మంచిది.

మీనం (పూర్వాభాద్ర 4, ఉత్తరాభాద్ర, రేవతి)

కొన్ని సమస్యలు, ఒత్తిళ్లు, ఇబ్బందుల నుంచి విముక్తి లభిస్తుంది. ఆర్థికంగా కలిసి వస్తుంది. ఏ ప్రయత్నం తలపెట్టినా సఫలం అవుతుంది. దగ్గర బంధువుల నుంచి శుభవార్తలు వింటారు. పెళ్లి ప్రయత్నాల్లో ఆశించిన స్పందన లభిస్తుంది. నిరుద్యోగులకు తప్పకుండా ఉద్యోగ యోగం కలుగుతుంది. వ్యక్తిగత సమస్యలు తగ్గుముఖం పడతాయి. ఉద్యోగం మారడానికి చేసే ప్రయత్నాలు సఫలమవుతాయి. విద్యార్థులు చదువుల్లో బాగా రాణిస్తారు. ప్రేమ వ్యవహారాలు సాఫీగా సాగిపోతాయి.