Vastu Shastra: ఇంట్లో వంటగది, టాయిలెట్ ఇలా ఉంటే కొంప మునిగినట్లేనా?.. దరిద్రాన్ని దూరం చేసే పవర్‌ఫుల్ ట్రిక్స్!

Kitchen And Toilet Vastu Defects

వాస్తు ప్రకారం ఇంట్లో టాయిలెట్, వంటగది ఒకే దగ్గర ఉంటే ఇది అత్యంత తీవ్రమైన దోషంగా పరిగణించబడుతుంది. దీనివల్ల ఇంట్లో ఎప్పుడూ అనారోగ్యాలు, గొడవలు తీవ్రమైన ధన నష్టం సంభవిస్తుంటాయి. మరి ఇల్లు కూల్చకుండానే, కేవలం కొన్ని చిన్న చిన్న మార్పులు పరిహారాల ద్వారా ఈ వాస్తు దోషాల నుండి ఎలా విముక్తి పొందాలో ఇప్పుడు పూర్తి వివరంగా తెలుసుకుందాం.

1. వంటగది, టాయిలెట్ ఒకే గోడను పంచుకుంటే

చాలా ఇళ్లలో కిచెన్ ప్లాట్‌ఫారమ్ ఉన్న గోడకు అవతలి వైపునే టాయిలెట్ కమోడ్ లేదా బాత్రూమ్ ఉంటుంది. ఇది ఇంట్లో నెగిటివ్ ఎనర్జీని విపరీతంగా పెంచుతుంది.

పరిహారం: ఈ రెండు గదుల మధ్య ఉన్న ఉమ్మడి గోడకు కిచెన్ వైపు ఒక అద్దాన్ని లేదా రాగితో చేసిన వాస్తు వైర్ లేదా పిరమిడ్‌ను అమర్చడం ద్వారా నెగిటివ్ ఎనర్జీ వంటగదిలోకి రాకుండా అడ్డుకోవచ్చు.

2. కిచెన్‌కు ఎదురుగా టాయిలెట్ ద్వారం ఉంటే

వంటగది తలుపుకు నేరుగా టాయిలెట్ తలుపు ఎదురుపడటం వల్ల వండే ఆహారంపై ప్రతికూల ప్రభావం పడుతుంది.

పరిహారం: టాయిలెట్ తలుపును ఎల్లప్పుడూ మూసి ఉంచాలి. సాధ్యమైతే ఆ తలుపుపై దట్టమైన తెరను వేయాలి. అలాగే టాయిలెట్ లోపల ఒక చిన్న గాజు గిన్నెలో ‘రాళ్ల ఉప్పు’ వేసి ఉంచాలి. ఈ ఉప్పు అక్కడి నెగిటివిటీని పీల్చుకుంటుంది. ఈ ఉప్పును వారానికి ఒకసారి మారుస్తూ ఉండాలి.

3. తప్పుడు దిశలో వంటగది ఉంటే

వంటగది ఎప్పుడూ ఆగ్నేయ మూలలో ఉండాలి. ఒకవేళ నైరుతి లేదా ఉత్తర దిశలో ఉంటే అది కుటుంబ సభ్యుల ఆరోగ్యంపై దెబ్బతీస్తుంది.

పరిహారం: ఒకవేళ వంటగది తప్పుడు దిశలో ఉంటే, కిచెన్ ఆగ్నేయ మూలలో ఒక చిన్న ఎరుపు రంగు బల్బును రాత్రంతా వెలిగేలా ఉంచడం ద్వారా అగ్ని మూలకాన్ని బ్యాలెన్స్ చేయవచ్చు.

4. టాయిలెట్ ఈశాన్యంలో ఉంటే

ఇంటి ఈశాన్య మూల దైవ మూల. అక్కడ టాయిలెట్ ఉండటం అత్యంత ప్రమాదకరమైన వాస్తు దోషం. ఇది వంశ వృద్ధిని మరియు ఆర్థిక ఎదుగుదలను పూర్తిగా దెబ్బతీస్తుంది.

పరిహారం: ఈశాన్య మూలలో ఉన్న బాత్రూమ్‌ను వీలైనంత వరకు తక్కువగా వాడాలి. అందులో సహజసిద్ధమైన కర్పూరం బిళ్లలను ఒక గిన్నెలో ఉంచాలి. ఇది నెగిటివ్ ఎనర్జీని అణచివేస్తుంది. బాత్రూమ్ లోపల ఇండోర్ ప్లాంట్స్ (స్పైడర్ ప్లాంట్ లేదా స్నేక్ ప్లాంట్) ఉంచడం ద్వారా కూడా కొంతవరకు దోష తీవ్రతను తగ్గించవచ్చు.

ఇల్లు లేదా ఫ్లాట్‌ను మార్చలేని వారు ఈ చిన్న చిన్న నియమాలు పరిహారాలను పాటించడం ద్వారా ఇంట్లోని వాస్తు దోషాలను తొలగించుకుని, సకల ఐశ్వర్యాలను, ప్రశాంతతను పొందవచ్చు.

గమనిక:
ఇది కేవలం సమాచారం మాత్రమే. పైన పేర్కొన్న వివరాలు సాంప్రదాయ వాస్తు గ్రంథాలు వాస్తు పండితుల నమ్మకాలు, విశ్లేషణల ప్రాతిపదికన అందించబడ్డాయి, దీనికి సంస్థ ఎలాంటి బాధ్యత వహించదు