మరో 20 రోజులు వీరికి తిరుగే ఉండదు.. ఉద్యోగం, వ్యాపారంలో లాభాలు!
Guru Gochar 2026: గురు గ్రహం అక్టోబర్ 31 వరకు కర్కాటక రాశిలో ఉచ్ఛ స్థితిలో సంచరించనున్నాడు. దీని ప్రభావంతో మూడు రాశుల వారికి మరో 20 రోజుల పాటు అనుకూల ఫలితాలు ఎదురయ్యే అవకాశముందని జ్యోతిష్య పండితులు అంచనావేస్తున్నారు. అక్టోబర్ 31 తర్వాత గురుడు కర్కాటక రాశి నుంచి సింహ రాశిలోకి ప్రవేశించనున్నాడు. ఈ గోచారంతో ఫలితాలు మారనున్నాయి.
Updated on: Oct 10, 2026 | 1:40 PM
Jupiter Transit 2026: దేవగురువు బృహస్పతి (గురు గ్రహం) కర్కాటక రాశిలో ఉచ్ఛస్థితిలో సంచరిస్తున్నారు. 2026 అక్టోబర్ 31 వరకు గురుడు ఇదే రాశిలో కొనసాగనున్నాడు. ఈ నేపథ్యంలో అక్టోబర్ నెలలో మిగిలిన రోజులు.. అంటే మరో 20 రోజులు మూడు రాశుల వారికి చాలా అనుకూలంగా ఉండవచ్చని జ్యోతిష్య పండితులు అంచనావేస్తున్నారు. ముఖ్యంగా ఉద్యోగం, వ్యాపారం, ఆర్థిక వ్యవహారాల్లో సానుకూల మార్పులు కనిపించే అవకాశం ఉంది. ఆ రాశులేవో తెలుసుకుందాం.
కర్కాటక రాశి
వచ్చే 20 రోజులు ఈ రాశి వారికి అనుకూలంగా ఉండవచ్చని జ్యోతిష్య పండితులు సూచిస్తున్నారు. సంతానానికి సంబంధించిన శుభవార్తలు వినే అవకాశం ఉంది. చాలాకాలంగా ఎదురుచూస్తున్న ఉద్యోగం లభించే సూచనలు ఉన్నాయి. ఆర్థిక వ్యవహారాల్లో పురోగతి కనిపిస్తుంది. డబ్బు లావాదేవీల్లో అనుకూల ఫలితాలు దక్కుతాయి. విద్యారంగంలో ఉన్నవారికి కూడా మంచి ఫలితాలు దక్కే అవకాశం ఉంది. కష్టపడి పనిచేసేవారికి తమ ప్రయత్నాలకు తగిన గుర్తింపు లభిస్తుంది.
ధనుస్సు రాశి
ఈ రాశి వారికి గురు గోచారం కెరీర్ పరంగా అనుకూలంగా ఉంటుంది. ఉద్యోగులకు కొత్త బాధ్యతలు, అవకాశాలు లభిస్తాయి. చాలాకాలంగా పెండింగ్‌లో ఉన్న పనులు పూర్తయ్యే సూచనలు ఉన్నాయి. వ్యాపారులకు లాభదాయకమైన అవకాశాలు ఎదురుకావచ్చు. ఉద్యోగంలో ఉన్నత స్థానానికి చేరేందుకు కొత్త మార్గాలు తెరుచుకునే అవకాశం ఉంది. గతంలో నిలిచిపోయిన ఆర్థిక లావాదేవీలకు సంబంధించి సమస్యలు పరిష్కారమయ్యే సూచనలు ఉన్నాయి. ఈ సమయంలో సానుకూల దృక్పథంతో ముందుకు సాగడం ప్రయోజనకరంగా ఉంటుంది.
కుంభ రాశి
ఈ రాశి వారికి ఆర్థికంగా కొంత ఊరట లభించే అవకాశం ఉంది. ఆదాయాన్ని పెంచుకునేందుకు కొత్త మార్గాలు కనిపించవచ్చు. కుటుంబంలో సంతోషకరమైన వాతావరణం నెలకొనే అవకాశం ఉంది. ఉద్యోగులకు ముఖ్యమైన ఒప్పందాలు లేదా కొత్త బాధ్యతలు లభిస్తాయి. వ్యాపార రంగంలో ఉన్నవారికి కూడా పురోగతికి సంబంధించిన అవకాశాలు దక్కుతాయి. అయితే ఆర్థిక నిర్ణయాలు తీసుకునేటప్పుడు పరిస్థితులను పూర్తిగా పరిశీలించి ముందుకు సాగడం మంచిది.
అక్టోబర్ 31న గురు రాశి మార్పు
ప్రస్తుతం కర్కాటక రాశిలో సంచరిస్తున్న గురుడు అక్టోబర్ 31, 2026న సింహ రాశిలోకి ప్రవేశించనున్నాడు. దీంతో గురు సంచారానికి సంబంధించిన ఫలితాల్లో 12 రాశుల వారికి మార్పులు ఉంటాయని జ్యోతిష్యులు భావిస్తారు. ప్రతి ఒక్కరిపై ప్రభావం వారి వ్యక్తిగత జాతకం, గ్రహస్థితుల ఆధారంగా మారవచ్చని గుర్తుంచుకోవాలి.
(గమనిక: ఈ కథనం జ్యోతిష్య విశ్వాసాల ఆధారంగా రూపొందించబడింది. ఇందులో పేర్కొన్న ఫలితాలు శాస్త్రీయంగా నిర్ధారితమైనవి కావు)
