Horoscope Today(1st Sep): ప్రయాణాల్లో వారు జాగ్రత్తగా ఉండాలి.. 12 రాశుల వారికి రాశిఫలాలు..

Daily Horoscope (1st September): భవిష్యత్తులో ఏం జరుగుతుందో గ్రహ, నక్షత్రాల గమనాన్ని పరిగణలోకి తీసుకుని జ్యోతిష్య పండితులు ముందే లెక్కిస్తారు. జ్యోతిష్య శాస్త్రం ప్రకారం శుక్రవారం (సెప్టెంబరు 1న) 12 రాశుల వారికి రాశిఫలాలు ఎలా ఉండనున్నాయి..? మీ ఆరోగ్యం, ఆర్థిక పరిస్థితి, ఉద్యోగపరంగా ఎలా ఉంటుంది..? ఇక్కడ రాశుల వారీగా తెలుసుకోండి.

1. మేషం (అశ్విని, భరణి, కృత్తిక 1): గురు, శనుల అనుగ్రహం బాగా ఉన్నందువల్ల మీ మాటకు, చేతకు సర్వత్రా విలువ పెరుగుతుంది. బంధుమిత్రుల్లో కూడా పట్టు, పలుకుబడి ఇనుమడిస్తాయి. సంపాదన బాగా పెరుగుతుంది. బాగా ఖర్చు చేయడానికి కూడా అవకాశం ఉంది. ఉద్యోగంలో కొత్త బాధ్యతలు వచ్చి చేరతాయి. వృత్తి జీవితం ఒక మెట్టు పైకి ఎదుగుతుంది. వ్యాపారాలు కొత్త మలుపు తిరుగుతాయి. వ్యక్తిగత సమస్యలు బాగా తగ్గుముఖం పడతాయి. కుటుంబ బాధ్యతలు పెరుగుతాయి.
2. వృషభం (కృత్తిక 2,3,4, రోహిణి, మృగశిర 1,2): ఆదాయం పెరుగుతున్న కొద్దీ ఖర్చులు కూడా పెరుగుతుంటాయి. వ్యయ స్థానంలో ఉన్న గురు, రాహువుల కారణంగా ఖర్చు మీద అదుపుండదు. ఇతర గ్రహాలు అనుకూలంగా ఉన్నందువల్ల మీ ప్రయత్నాలన్నీ ఫలించడం, ముఖ్యమైన వ్యవహారాలు సకాలంలో పూర్తి కావడం, బంధు మి త్రులు అవసరమైనప్పుడు సహాయ సహకారాలు అందించడం వంటివి జరుగుతాయి. మంచి స్నేహాలు ఏర్పడతాయి. కుటుంబ జీవితం, దాంపత్య జీవితం సంతోషంగా, సామరస్యంగా సాగి పోతాయి.
3. మిథునం (మృగశిర 3,4, ఆర్ద్ర, పునర్వసు 1,2,3): ఆదాయానికి, ఆరోగ్యానికి ఇబ్బందేమీ ఉండదు. ఆర్థిక పరిస్థితి స్థిరంగా కొనసాగుతుంది. ఉద్యో గంలో ప్రమోషన్ రావడానికి అవకాశం ఉంది. అధికారుల నుంచి ప్రోత్సాహకాలు లభిస్తాయి. వృత్తి, వ్యాపారాల్లో తీరిక లేని పరిస్థితి ఏర్పడుతుంది. సమయం అనుకూలంగా ఉన్నందువల్ల ఆదాయ ప్రయత్నాలు, ఆర్థిక వ్యవహారాలను ముమ్మరం చేయడం మంచిది. ఆహార విహారాల్లో జాగ్రత్తలు పాటించాల్సిన అవసరం ఉంది. కుటుంబ జీవితం ప్రశాంతంగా, హ్యాపీగా సాగిపోతుంది.
4. కర్కాటకం (పునర్వసు 4, పుష్యమి, ఆశ్లేష): సొంత పనుల మీద శ్రద్ధ పెట్టడం మంచిది. ఇతరుల బాధ్యతలను నెత్తికెత్తుకోవడంలో క్షణం కూడా తీరిక ఉండదు. ఉద్యోగంలో అధికారుల నుంచి ఆదరణ లభిస్తుంది. వ్యాపారంలో లాభాలు స్థిరంగా కొనసాగుతాయి. డాక్టర్లు, లాయర్లు తదితర వృత్తుల వారికి ఆశించిన గుర్తింపు లభిస్తుంది. కొన్ని ముఖ్యమైన వ్యవహారాలు కుటుంబ సభ్యుల సహకారంతో పూర్తవుతాయి. పెద్దల జోక్యంతో ఇంటి వివాదం ఒకటి పరిష్కారం అవుతుంది. కుటుంబ జీవితం సాఫీగా, సంతోషంగా సాగిపోతుంది.
5. సింహం (మఖ, పుబ్బ, ఉత్తర 1): కుటుంబ వ్యవహారాలను చాలావరకు దారిలోకి తీసుకు వస్తారు. బంధువులకు ఈ విషయంలో అవకాశం ఇవ్వకపోవడం మంచిది. ఆర్థిక విషయాలు అనుకూలంగా ఉంటాయి. వృత్తి, వ్యాపారాల్లో లాభాలు కొద్దిగా పెరుగుతాయి. ఉద్యోగంలో ఒక మెట్టు పైకి ఎక్కే అవకాశం ఉంది. స్వల్ప అనారోగ్య సూచనలున్నాయి. విదేశాల నుంచి ఆశించిన సమాచారం అందుతుంది. పిల్లల ద్వారా సంతోషం పొందుతారు. జీవిత భాగస్వామితో అన్యోన్యత పెరుగుతుంది. ప్రయాణాల్లో జాగ్రత్తగా ఉండాలి.
6. కన్య (ఉత్తర 2,3,4, హస్త, చిత్త 1,2): జీవిత భాగస్వామితో వాదనలకు దిగే ప్రయత్నం చేయవద్దు. కుటుంబపరమైన నిర్ణయాలు తీసుకునే ముందు జీవిత భాగస్వామిని సంప్రదించడం మంచిది. పిల్లల నుంచి శుభవార్తలు వింటారు. దగ్గర బంధువులతో ఆస్తి వివాదం ఒకటి ఒక కొలిక్కి వస్తుంది. వృత్తి, వ్యాపారాలు కొద్దిగా మందకొడిగా ముందుకు సాగుతాయి. ఉద్యోగంలో పనిభారం పెరిగే సూచనలున్నాయి. ఆర్థిక పరిస్థితి పరవాలేదనిపిస్తుంది. ఉద్యోగ, పెళ్లి ప్రయత్నాలు చాలావరకు సానుకూలపడతాయి.
7. తుల (చిత్త 3,4, స్వాతి, విశాఖ 1,2,3): అనేక మార్గాలలో ఆదాయం లభిస్తుంది. వృథా ఖర్చులు కూడా అందుకు తగ్గట్టుగా పెరుగుతాయి. కుటుంబ వాతావరణం ప్రశాంతంగా, సామరస్యంగా ఉంటుంది. వృత్తి, వ్యాపారాల్లో స్థిరమైన నిర్ణయాలు తీసుకుని లాభపడతారు. ఆర్థిక ప్రయత్నాలు ఫలిస్తాయి. ప్రయాణాల వల్ల ప్రయోజనం ఉంటుంది. ఉద్యోగంలో అధికారం చేపట్టడానికి అవకాశం ఉంది. ఆలయ దర్శనాలు చేసుకుం టారు. వ్యక్తిగత సమస్యలు పరిష్కారం అవుతాయి. మనసులోని కోరికలు నెరవేరుతాయి.
8. వృశ్చికం (విశాఖ 4, అనూరాధ, జ్యేష్ట): ఆర్థిక వ్యవహారాలు సంతృప్తికరంగా ఉంటాయి. ఖర్చులు తగ్గించుకునే ప్రయత్నం చేస్తారు. పొదుపు మార్గాలు అనుసరిస్తారు. తోబుట్టువుల సహాయంతో ఒకటి రెండు వ్యక్తిగత సమస్యల నుంచి బయటపడతారు. ఉద్యోగంలో బరువు బాధ్యతలు పెరుగుతాయి. ప్రమోషన్ లేదా పదో న్నతికి అవకాశం ఉంది. వృత్తి, వ్యాపారాలను విస్తరించే ప్రయత్నం చేస్తారు. బంధుమిత్రుల రాక పోకలుంటాయి. ఆధ్యాత్మిక వ్యవహారాల మీద బాగా ఖర్చు చేస్తారు. ఆరోగ్యం బాగానే ఉంటుంది.
9. ధనుస్సు (మూల, పూర్వాషాఢ, ఉత్తరాషాఢ 1): ప్రస్తుతానికి కుటుంబ విషయాల్లో సొంత నిర్ణయాలు తీసుకోవడం మంచిది. ఇంటా బయటా మాటకు, చేతకు విలువ పెరుగుతుంది. వృత్తి, వ్యాపారాలు లాభాల పరంగా ఊపందుకుంటాయి. ఉద్యోగంలో అధికారం చేపట్టే అవకాశం ఉంది. దైవకార్యాల్లో పాల్గొంటారు. ఆలయాల సందర్శన చేసుకుంటారు. ఆకస్మిక ప్రయాణ సూచనలున్నాయి. ఆర్థిక పరిస్థితి ఇతరులకు సహాయపడే స్థాయిలో ఉంటుంది. బంధుమిత్రుల నుంచి ఆర్థికంగా ఒత్తిడి ఉంటుంది. ఆరోగ్యం పరవాలేదని పిస్తుంది.
10. మకరం (ఉత్తరాషాఢ 2,3,4, శ్రవణం, ధనిష్ట 1,2): వృత్తి, ఉద్యోగాలలో ప్రోత్సాహకర వాతావరణం ఉంటుంది. ఆర్థిక పరిస్థితి బాగా అనుకూలంగా, ఆశాజనకంగా ఉంటుంది. వ్యాపారాల్లో స్థిరమైన ఆలోచనలు చేసి లాభపడతారు. ఇంట్లో శుభ కార్యాలకు ప్లాన్ చేస్తారు. ముఖ్యమైన వ్యవహారాలు సంతృప్తికరంగా పూర్తవుతాయి. ఇంటా బయటా గౌరవ మర్యాదలు పెరుగుతాయి. పిల్లల నుంచి శుభవార్తలు వింటారు. దూర ప్రాంతం నుంచి ఆశించిన సమాచారం అందుతుంది. మనసులోని కోరికలు ఒకటి రెండు నెరవేరుతాయి.
11. కుంభం (ధనిష్ట 3,4, శతభిషం, పూర్వాభాద్ర 1,2,3): తలపెట్టిన పనులు, కొన్ని వ్యక్తిగత వ్యవహారాలు నిదానంగా పూర్తవుతాయి. ఉద్యోగంలో మీ ప్రతిభకు తగిన గుర్తింపు లభిస్తుంది. ఆస్తి వివాదం విషయంలో ఆచితూచి వ్యవహరించాల్సి ఉంటుంది. తోబుట్టువుల నుంచి ఇబ్బందులు తలెత్తవచ్చు. వృత్తి, వ్యాపారాల్లో ఆశించిన స్థాయిలో లాభాలు రాకపోవచ్చు. తల్లితండ్రుల ఆరోగ్యం విషయంలో శ్రద్ధ పెట్టాల్సి ఉంటుంది. ఆధ్యాత్మిక చింతన పెరుగుతుంది. ఉద్యోగ, పెళ్లి ప్రయత్నాలలో ఇబ్బందులు ఎదురవుతాయి.
12. మీనం (పూర్వాభాద్ర 4, ఉత్తరాభాద్ర, రేవతి): ఉద్యోగంలో బరువు బాధ్యతలు పెరుగుతాయి. మీ ప్రతిభ మీద అధికారులకు నమ్మకం ఏర్పడు తుంది. ఉద్యోగరీత్యా ప్రయాణం చేయాల్సి వస్తుంది. వృత్తి, వ్యాపారాల్లో కొన్ని మార్పులు చేసి లాభాలు అందుకుంటారు. వ్యాపారంలో పెట్టుబడులు పెంచే అవకాశం ఉంది. కుటుంబ సభ్యులతో ఆధ్యాత్మిక కార్యక్రమాల్లో పాల్గొంటారు. సమాజంలో పలుకుబడి పెరుగుతుంది. ఉన్నత స్థాయి వ్యక్తులతో పరిచయాలు విస్తరిస్తాయి. కుటుంబ జీవితం ఉత్సాహంగా, ఉల్లాసంగా సాగిపోతుంది.

Note: ఇక్కడ అందించిన సమాచారం వారివారి నమ్మకం, విశ్వాసాల మీద ఆధారపడి ఉంటుంది.  దీన్ని నిర్ధారించేందుకు ఎలాంటి శాస్త్రీయ ఆధారాలు లేవు. పాఠకుల ఆసక్తిని, నమ్మకాన్ని దృష్టిలో ఉంచుకుని ఈ సమాచారాన్ని అందించాము.

మరిన్ని జ్యోతిష్య కథనాలు చదివేందుకు ఇక్కడ క్లిక్ చేయండి.