Shuttlecock: వాయమ్మో ఇదేం వింత గురూ.. గాల్లోనే ఆగిపోయిన షటిల్ కాక్.. ఎలాంటి సపోర్ట్ లేకుండా

ఈ భూమ్మీద మనుషులు నిలబడుతున్నారన్నా.. పెద్ద పెద్ద బిల్డింగులు నిర్మిస్తున్నామన్నా.. కారణం గురుత్వాకర్షణ శక్తి. దీన్ని భూమ్యాకర్షణ శక్తి అని కూడా అంటారు. అదేనండీ.. ఇంగ్లీషులో గ్రావిటీ అని పిలుస్తారు. న్యూటన్ చెప్పిన  ఈ థియరీని చిన్నప్పుడే  అందరూ చదువకుని అంటారు. చెట్టు నుంచి యాపిల్‌ కిందపడితే భూమికి గురుత్వాకర్షణ శక్తి ఉందని న్యూటన్‌ కనిపెట్టాడు. కానీ ఏదైనా వస్తువును ఆకాశంలోకి విసిరినప్పుడు అలానే అది పైన ఉండిపోతే.. అయ్య బాబోయ్ అలా జరిగితే ప్రపంచం ఎలా ఉంటుందో ఊహించడం కూడా కష్టమే. అయితే అలాంటి ఓ విచిత్ర ఘటన ఏపీలోని అల్లూరి సీతారామరాజు జిల్లాలో వెలుగుచూసింది.

నవరం మండలం టేకులబోరు బీసీ కాలనీలో కొంతమంది చిన్నారులు బుధవారం సాయంత్రం  షటిల్ ఆడుతుండగా.. మధ్యలో ఒక్కసారిగా కాక్ గాల్లోనే ఉండిపోయింది. ఎటువంటి సపోర్ట్ లేకుండా కాక్ అలా ఉండటంతో పిల్లలు ఆశ్చర్యానికి లోనయ్యారు. కొద్ది నిమిషాల కాక్  అలానే ఉండిపోయిందని.. ఆ తర్వాత షటిల్ బ్యాట్ పైకి విసరడంతో అది కిందపడిందని ఆ కిడ్స్ చెబుతున్నారు. ఈ వింత ఘటనను వారు ఫోన్‌లో రికార్డు చేశారు. ఈ వీడియో ఇప్పుడు సోషల్ మీడియాలో తెగ సర్కులేట్ అవుతుంది. ఇదేలా సాధ్యం అని చాలామంది నోరెళ్లబెడుతున్నారు.

దీనిపై భిన్న వాదన చేసేవారు కూడా ఉన్నారు. అక్కడి కరెంట్ తీగకు సాలెపురుగు గూడు పెట్టిందని.. ఆ గూడులో కాక్ చిక్కుకుందని కొందరు అంటున్నారు. ఇంకొందరు అయితే ఈ వీడియో ఫేక్ అని.. కేవలం వైరల్ చేసేందుకు వీడియోను అలా క్రియేట్ చేశారని చెప్పుకొస్తున్నారు. మరి అసలు విషయం ఏంటి అన్నది తేలాల్సి ఉంది.

మరిన్ని ఆంధ్రప్రదేశ్ వార్తల కోసం ఈ లింక్ క్లిక్ చేయండి..