ఆంధ్రాలో ఆదివారం వాతావరణం ఎలా ఉంటుందంటే…?
ఒడిశా నుంచి మన్నార్ గల్ఫ్ వరకు కొనసాగుతున్న గాలి అంతరాయం ప్రభావంతో ఆంధ్రప్రదేశ్లో వచ్చే మూడు రోజుల పాటు వాతావరణంలో మార్పులు కనిపించనున్నాయి. శనివారం, ఆదివారం కొన్ని చోట్ల ఉరుములు, మెరుపులతో కూడిన తేలికపాటి నుండి మోస్తరు వర్షాలు కురిసే అవకాశం ఉంది.
అంతర ఒడిశా నుంచి మన్నార్ గల్ఫ్ వరకు ఉత్తర -దక్షిణ ద్రోణి/గాలి అంతరాయం దక్షిణ చత్తీశ్ఘడ్ ,విదర్భ, మరట్వాడ , అంతర కర్ణాటక ,అంతర తమిళనాడు ప్రాంతములో నున్న ఉపరితల ఆవర్తనం మీదుగా సగటు సముద్ర మట్టానికి 0.9 కిలోమీటర్ల ఎత్తులో కొనసాగుతోంది. శుక్రవారం నాటి ఉత్తర తమిళనాడు, పరిసర ప్రాంతాలపై నున్న ఉపరితల ఆవర్తనం సగటు సముద్ర మట్టానికి 1 .5 కిలోమీటర్ల ఎత్తులో విస్తరించి ఈరోజు తక్కువగా గుర్తించబడినది . ఆంధ్ర ప్రదేశ్, యానంలో దిగువ ట్రోపో ఆవరణములో దక్షిణ మరియు నైరుతి గాలులు వీస్తున్నాయి . వీటి ఫలితంగా రాష్ట్రంలో రాగల మూడు రోజుల వరకు వాతావరణ సూచనలు ఇప్పుడు తెలుసుకుందాం…
ఉత్తర కోస్తా ఆంధ్రప్రదేశ్ & యానాం
శనివారం, ఆదివారం :-తేలికపాటి నుండి ఒక మోస్తరు వర్షం లేదా ఉరుములతో కూడిన జల్లులు ఒకటి లేదా రెండు చోట్ల కురిసే అవకాశముంది. ఉరుములతో కూడిన మెరుపులు ఒకటి లేదా రెండు చోట్ల సంభవించే అవకాశముంది. ఈదురు గాలులు గంటకు 30-40 కిలోమీటర్లు వేగముతో వీస్తాయి.
సోమవారం :- పొడి వాతావరణం ఏర్పడే అవకాశం ఉంది.
దక్షిణ కోస్తా ఆంధ్ర ప్రదేశ్ :-
శనివారం :- తేలికపాటి నుండి ఒక మోస్తరు వర్షం లేదా ఉరుములతో కూడిన జల్లులు ఒకటి లేదా రెండు చోట్ల కురిసే అవకాశముంది. ఉరుములతో కూడిన మెరుపులు ఒకటి లేదా రెండు చోట్ల సంభవించే అవకాశముంది. ఈదురు గాలులు గంటకు 30-40 కిలోమీటర్లు వేగముతో వీస్తాయి.
ఆదివారం, సోమవారం:- పొడి వాతావరణం ఏర్పడే అవకాశం ఉంది.
రాయలసీమ :-
శనివారం, ఆదివారం :- తేలికపాటి నుండి ఒక మోస్తరు వర్షం లేదా ఉరుములతో కూడిన జల్లులు ఒకటి లేదా రెండు చోట్ల కురిసే అవకాశముంది. ఉరుములతో కూడిన మెరుపులు ఒకటి లేదా రెండు చోట్ల సంభవించే అవకాశముంది. ఈదురు గాలులు గంటకు 30-40 కిలోమీటర్లు వేగముతో వీస్తాయి.
సోమవారం :- పొడి వాతావరణం ఏర్పడే అవకాశం ఉంది.
గమనిక :- కోస్తా ఆంధ్ర ప్రదేశ్ & యానాం మరియు రాయలసీమ లో రాగల 7 రోజుల్లో వేడి ,తేమ.. అసౌకర్యమైన వాతావరణ పరిస్థితులు ఏర్పడే అవకాశం ఉంది. రాయలసీమలో రాగల 7 రోజుల్లో గరిష్ట ఉష్ణోగ్రతలు 40 డిగ్రీల .సెంటీగ్రేడ్ కంటే ఎక్కువగా నమోదయ్యే అవకాశముంది.
Also Read: నాన్న చనిపోయినప్పుడు అంత్యక్రియలకు రూ.500 లేని స్థితి.. ఇప్పుడు టాప్ యాక్టర్..