ఉద్యోగులు, విద్యార్థులకు పండగలాంటి వార్త..! శివరాత్రి మరుసటి రోజు హాలీడే.. ఉత్తర్వులు జారీ
ఆంధ్రప్రదేశ్ ప్రభుత్వం ఉద్యోగులు, విద్యార్థులకు శుభవార్త అందించింది. 2026 మహాశివరాత్రి (ఫిబ్రవరి 15, ఆదివారం) మరుసటి రోజు, అంటే ఫిబ్రవరి 16 (సోమవారం) నాడు ఆప్షనల్ హాలీడేగా ప్రకటించింది. జాగరణ అనంతరం విశ్రాంతి పొందేందుకు ఈ నిర్ణయం తీసుకున్నారు. ప్రభుత్వ ప్రధాన కార్యదర్శి కె విజయానంద్ ఈ ఉత్తర్వులు జారీ చేశారు. ఇది మహాశివరాత్రి తర్వాత ఉపశమనాన్ని అందిస్తుంది.
Updated on: Feb 14, 2026 | 9:59 PM
ఆంధ్రప్రదేశ్ రాష్ట్ర ప్రభుత్వం మహాశివరాత్రి సందర్భంగా ప్రభుత్వ ఉద్యోగులకు శుభవార్త అందించింది. ఆదివారం మహాశివరాత్రి సందర్భంగా భక్తులు జాగరణలో ఉంటారు. ఈ నేపథ్యంలో ఫిబ్రవరి 16న సోమవారం నాడు ఆప్షనల్ హాలిడేగా ప్రకటిస్తూ ఉత్తర్వులు జారీ చేసింది. ఈ నిర్ణయం మహాశివరాత్రి అనంతరం ఉద్యోగులకు విశ్రాంతినిచ్చేందుకు తీసుకున్నట్లు అధికారులు తెలిపారు. రాష్ట్ర ప్రభుత్వ ప్రధాన కార్యదర్శి కె విజయానంద్ ఈ ఆదేశాలు జారీ చేశారు.
హిందూ పంచాంగం ప్రకారం.. ఫాల్గుణ మాసంలోని కృష్ణ పక్ష చతుర్దశి నాడు మహాశివరాత్రి జరుపుకుంటారు. 2026లో మహాశివరాత్రి ఫిబ్రవరి 15న వస్తుంది. సాధారణంగా ఫిబ్రవరి 15 ఆదివారం కావడంతో అన్ని పాఠశాలలు, కార్యాలయాలకు ముందే సెలవు ఉంటుంది. ఈ ఏడాది మహాశివరాత్రి ఆదివారం రావడం విశేషం.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి.
