మా ఐదేళ్ల పాలన ఏ గ్రామానికెళ్లినా కనిపిస్తుంది: అచ్చెన్నాయుడు

ఐదేళ్లలో తాము ఏం చేశామో.. ఏ గ్రామానికైనా వెళ్లి చూడండి అంటూ టీడీపీ ఎమ్మెల్యే అచ్చెన్నాయుడు అన్నారు. గత ప్రభుత్వంలో రాష్ట్ర అభివృద్ధిపై ఏపీ అసెంబ్లీలో వాడివేడి చర్చ జరుగుతోంది. ఈ సందర్భంగా అచ్చెన్నాయుడు మాట్లాడుతూ.. ఐదేళ్ల పాటు సమర్థవంతమైన పాలన చేశామని పేర్కొన్నారు. 2014లో 16వేల కోట్ల లోటు బడ్జెట్‌లో ఉన్నామని తెలిపారు. పోలవరంపై మీరు డబ్బును ఆదా చేయండి.. సంతోషిస్తాం అంటూ అచ్చెన్నాయుడు వెల్లడించారు. ఇదిలా ఉంటే గవర్నర్ ప్రసంగంపై ఏపీ అసెంబ్లీలో వాడావేడీ చర్చ జరుగుతోంది. గవర్నర్ ప్రసంగంలో రాష్ట్ర సమగ్రాభివృద్ధిపై ప్రతిపాదనలు లేవని టీడీపీ నేతలు మండిపడుతోన్న విషయం తెలిసిందే.