టీడీపీ అధినేత, మాజీ ముఖ్యమంత్రి నారా చంద్రబాబునాయుడు దంపతుల పెళ్లి రోజు ఇవాళ. 1981 సెప్టెంబర్ 10న చంద్రబాబు, భువనేశ్వరి దంపతులు మూడుముళ్ల బంధంతో ఒక్కటయ్యారు. అప్పట్లో కాంగ్రెస్ నేతగా ఉన్న చంద్రబాబు.. టీడీపీ వ్యవస్థాపక అధ్యక్షుడు, దిగ్గజ తెలుగు సినీ నటుడు ఎన్టీఆర్ కుమార్తె అయిన భువనేశ్వరిని వివాహం చేసుకున్నారు. అనతి కాలంలోనే తెలుగుదేశం పార్టీలో ఉన్నత స్థానాలకు చేరుకున్న బాబు.. మామ ఎన్టీఆర్ తర్వాత ముఖ్యమంత్రిగా బాధ్యతల్ని తీసుకున్నారు. ప్రస్తుతం టీడీపీ జాతీయ అధ్యక్షుడిగా కొనసాగుతున్న ఆయన ముఖ్యమంత్రిగా, ప్రతిపక్ష నేతగా 40 ఏళ్లుగా రాజకీయాల్లో ఉంటున్నారు. ఈ సందర్భంగా చంద్రబాబు తనయుడు నారా లోకేష్ తల్లిదండ్రులకు శుభాకాంక్షలు తెలిపారు. ‘అమ్మానాన్నలకు పెళ్ళిరోజు శుభాకాంక్షలు! ప్రజల కోసం ఒకరు, కుటుంబం కోసం మరొకరు శ్రమిస్తూనే… ఒకరి ఆశయాలకు మరొకరు అండగా నిలిచి, ఆదర్శ దంపతులకు అసలైన నిర్వచనమయ్యారు మీరు. మీరిలాగే ఆదిదంపతుల్లా కలకాలం మా కళ్ళకు పండుగగా నిలవాలని హృదయపూర్వకంగా కోరుకుంటున్నాను’. అని పేర్కొన్నారు. అటు, తెలుగుదేశం పార్టీ నేతలు తమ అభిమాన నేతకు శుభాకాంక్షలు తెలుపుతున్నారు.
మా అధినేత చంద్రబాబు నాయుడు గారికి మరియు వారి శ్రీమతి భువనేశ్వరి గారికి పెళ్లి రోజు శుభాకాంక్షలు…#TDP_Kuwait#JaiNaraLokesh pic.twitter.com/5XRNSieuP3
— TDP-Kuwait (@TDP_Kuwait) September 9, 2020
అమ్మానాన్నలకు పెళ్ళిరోజు శుభాకాంక్షలు! ప్రజల కోసం ఒకరు, కుటుంబం కోసం మరొకరు శ్రమిస్తూనే… ఒకరి ఆశయాలకు మరొకరు అండగా నిలిచి, ఆదర్శ దంపతులకు అసలైన నిర్వచనమయ్యారు మీరు. మీరిలాగే ఆదిదంపతుల్లా కలకాలం మా కళ్ళకు పండుగగా నిలవాలని హృదయపూర్వకంగా కోరుకుంటున్నాను pic.twitter.com/ghPIcCMxsb
— Lokesh Nara #StayHomeSaveLives (@naralokesh) September 10, 2020