Ukraine Russia: ఉక్రెయిన్ సర్కార్ కీలక నిర్ణయం.. దేశవ్యాప్తంగా అత్యవసర పరిస్థితి ప్రకటన
రష్యా అధ్యక్షుడు వ్లాదిమిర్ పుతిన్ తన దేశం వెలుపల సైనిక బలగాలను ఉపయోగించుకునే హక్కును మంజూరు చేయడంతో ఉక్రెయిన్ బుధవారం దేశవ్యాప్తంగా అత్యవసర పరిస్థితిని ప్రకటించింది.
Ukraine Russia Conflicts: రష్యా అధ్యక్షుడు వ్లాదిమిర్ పుతిన్(Vladimir Putin) తన దేశం వెలుపల సైనిక బలగాలను ఉపయోగించుకునే హక్కును మంజూరు చేయడంతో ఉక్రెయిన్ బుధవారం దేశవ్యాప్తంగా అత్యవసర పరిస్థితి(Emergency)ని ప్రకటించింది. మరోవైపు, పాశ్చాత్య దేశాలు రష్యాపై వరుస ఆంక్షలను ప్రకటించాయి. ఉక్రెయిన్లోని మాస్కో రాయబార కార్యాలయాన్ని(Masco Embassy) ఖాళీ చేసి దౌత్య సిబ్బందిని ఖాళీ చేయించింది. గురువారం నుంచి 30 రోజుల పాటు అమల్లో ఉండే దేశవ్యాప్త అత్యవసర పరిస్థితిని విధించాలన్న అధ్యక్షుడు వోలోడిమిర్ జెలెన్స్కీ ఆదేశాలను ఉక్రెయిన్ చట్టసభ సభ్యులు ఆమోదించారు.
దాడికి ఆదేశిస్తే, ఉక్రెయిన్ సరిహద్దుల దగ్గర మోహరించిన రష్యా బలగాలు దాని కోసం పూర్తిగా సిద్ధంగా ఉన్నాయని అమెరికా సీనియర్ రక్షణ అధికారి ఒకరు తెలిపారు. 80 శాతం బలగాలు “సన్నద్ధమై ఉన్నాయని వెల్లడించారు. సరిహద్దు నుండి ఐదు నుండి 50 కి.మీ పరిధిలో మోహరించినట్లు అజ్ఞాత షరతుపై అధికారి తెలిపారు. “రష్యన్ దళాలు డాన్బాస్ (ఉక్రెయిన్లోని తిరుగుబాటుదారుల ఆధీనంలో ఉన్న ప్రాంతం)లోకి ప్రవేశించాయో లేదో మేము ఇంకా నిర్ధారించలేము” అని ఆయన చెప్పారు.
ఇదిలావుంటే. ఉక్రెయిన్ తూర్పు వేర్పాటువాద ప్రాంతాలలో కొనసాగుతున్న హింస, మారణహోమం ఆపడానికి సహాయం చేయాలని ఐక్యరాజ్యసమితిలోని రష్యా రాయబారి ప్రపంచ దేశాలను కోరారు. ఉక్రెయిన్ తూర్పు ప్రాంతాల్లో శాంతిభద్రతలకు విఘాతం కలిగించే వారి పట్ల ఉదాసీనత ప్రదర్శించే ఉద్దేశం లేదని ఐక్యరాజ్యసమితిలో రష్యా రాయబారి వాసిలీ నెబెంజియా బుధవారం UN జనరల్ అసెంబ్లీకి చెప్పారు. లుహాన్స్క్, డొనెట్స్క్ నుండి రష్యాకు వేలాది మంది ప్రజలు రావడంతో ఉక్రెయిన్ వారి పట్ల అమర్యాదగా ప్రవర్తిస్తోందని ఆయన అన్నారు.
మరోవైపు, ఉక్రెయిన్లోని తన రాయబార కార్యాలయాన్ని రష్యా తీవ్ర సంక్షోభం మధ్య ఖాళీ చేసింది. రష్యా ప్రభుత్వ వార్తా సంస్థ టాస్ బుధవారం ఉక్రెయిన్లోని తన రాయబార కార్యాలయాన్ని మాస్కో ఖాళీ చేసిందని తెలిపింది. అదే సమయంలో, ఉక్రెయిన్ తన పౌరులను రష్యాను విడిచిపెట్టాలని కూడా కోరింది. మాస్కో కీవ్లో రాయబార కార్యాలయం, ఖార్కివ్, ఒడెస్సా, ఎల్వివ్లలో కాన్సులేట్లు ఉన్నాయి. ఉక్రెయిన్లోని తన దౌత్య స్థాపనలను రష్యా ఖాళీ చేసిందని టాస్ వార్తలు తెలిపాయి.
Read Also… Jinnah Tower: మళ్లీ తెరపైకి జిన్నా టవర్ వివాదం.. జాతీయ జెండా తొలగింపుపై క్లారిటీ ఇచ్చిన జీఎంసీ