‘నాపై హత్యా యత్నం చేసిన అతడెలా తప్పించుకున్నాడు’ ? పాక్ ప్రధాని నుద్దేశించి మలాలా ట్వీట్

తొమ్మిదేళ్ల క్రితం (2012లో) తనపై కాల్పులు జరిపి హత్యాయత్నం చేసిన ఎహ్ సాన్ అనే వ్యక్తి ప్రభుత్వ కస్టడీ నుంచి ఎలా తప్పించుకున్నాడని నోబెల్ శాంతి బహుమతి గ్రహీత మలాలా యూసుఫ్ జాయ్ ప్రశ్నించింది. ఈ మేరకు పాకిస్థాన్ ప్రభుత్వాన్ని, ప్రధాని ఇమ్రాన్ ఖాన్ ను, ఆర్మీని ఉద్దేశించి ఆమె ట్వీట్ చేసింది.  ఎహసనుల్లా ఎహ్ సాన్ అనే వ్యక్తి ‘ఈ సారి నేను పొరబాటు చేయను’ అంటూ ఇటీవల ట్వీట్ చేశాడు. తెహ్రీక్-ఏ-తాలిబన్ పాకిస్తాన్  అనే ఉగ్రవాద సంస్థకు మాజీ అధికార ప్రతినిధి అయిన ఎహ్ సాన్…  మలాలాను ఇలా  హెచ్ఛరించాడు . (దీంతో ట్విటర్ ఇతని ఖాతాను శాశ్వతంగా నిషేధించింది). దీనిపై స్పందించిన మలాలా.. లోగడ నాపైన, పలువురు అమాయకులపైన జరిగిన దాడికి ఇతడే బాధ్యుడని, ట్వీట్ ద్వారా నన్ను బెదిరిస్తున్నాడని పేర్కొంది.

గత ఏడాది జనవరి 11 న ఎహ్ సాన్ పాక్ జైలు నుంచి తప్పించుకున్నాడు. జైలు నుంచి తను ‘విజయవంతంగా’ పారిపోగలిగానని ఆ మధ్య ఓ ఆడియో మెసేజ్ లో ఇతడు  తెలిపాడు. 2012 ఫిబ్రవరి 5 న తను ఓ ఒప్పందం కింద పాక్ సెక్యూరిటీ అధికారులకు లొంగిపోయానని, మూడేళ్ళ పాటు దీన్ని గౌరవించానని, కానీ అధికారులు దీన్ని ఉల్లంఘించి నా పిల్లలతో సహా నన్ను కూడా జైల్లో పెట్టారని అన్నాడు. కాగా-మలాలా ట్వీట్ పై పాక్ ప్రభుత్వం ఇంకా స్పందించాల్సి ఉంది.

మరిన్ని చదవండి ఇక్కడ :

CM KCR Rare And Old Photos: అలుపెరుగని యోధుడు కల్వకుంట్ల చంద్రశేఖర రావు అరుదైన మధురస్మృతులు.

Chief Guest Jr NTR: కరోనా కూడా వాక్సిన్ ఉంది కానీ ఇలాంటి వాటికీ ఎలాంటి వాక్సిన్ లు లేవు : జూనియర్ ఎన్టీఆర్.

వీడు మనిషేనా ? వీధి కుక్కపై లైంగిక దాడి..Man rapes dog in Mysuru act caught on camera Video