Watch Video: మాటలకందని విషాదం.. భూకంపం ధాటికి రెండుగా చీలిపోయిన రన్‌వే.. షాకింగ్ వీడియో..
వరుస భూకంపాలతో టర్కీ, సిరియా దేశాలు విలవిలలాడుతున్నాయి. ఎటు చూసినా కూలిపోయిన బిల్డింగ్‌లు.. పేరుకుపోయిన శిథిలాలు.. వాటి కింద నుంచి వెలికితీస్తున్న శవాలే కనిపిస్తున్నాయి.
వరుస భూకంపాలతో టర్కీ, సిరియా దేశాలు విలవిలలాడుతున్నాయి. ఎటు చూసినా కూలిపోయిన బిల్డింగ్‌లు.. పేరుకుపోయిన శిథిలాలు.. వాటి కింద నుంచి వెలికితీస్తున్న శవాలే కనిపిస్తున్నాయి. హహకారాలు.. ఆర్తనాదాలతో టర్కీ కన్నీరు పెడుతోంది. భూకంపం ధాటికి చెల్లాచెదురైపోయిన టర్కీ, సిరియా దేశాల్లో ఎక్కడ చూసినా విపత్కర పరిస్థితులే నెలకొన్నాయి. వరుస భూకంపాల ధాటికి అక్కడ ఇప్పటివరకు దాదాపు 5వేల మంది మృత్యువాత పడ్డారు. అధికారిక లెక్క ప్రకారం.. 4500 మందికి పైగా మరణించగా.. మరణాలు ఇంకా 8రెట్లు ఎక్కువ ఉండొచ్చని ప్రపంచ ఆరోగ్య సంస్థ అంచనా వేస్తోంది. భూకంపం ధాటికి అందమైన నగరాలు మరుభూమిగా మారిపోయాయి. ఇప్పటికే 4వేలకు పైగా శవాలు వెలికి తీయగా.. వేలాది మంది గాయాలతో కన్నీరుపెడుతున్నారు. ఆసుపత్రులన్నీ బాధితులతో నిండిపోయాయి.
కాగా.. భూకంపం ధాటికి టర్కీలోని చాలా ప్రాంతాలు గుర్తుపట్టలేని విధంగా మారిపోయాయి. అందమైన భవానాలు, విమానాశ్రయాలు సైతం దెబ్బతిన్నాయి. ఘోర ప్రకృతి విపత్తు పెను నష్టాన్ని మిగిల్చింది. టర్కీ, సిరియా దేశాల సరిహద్దుల్లో సోమవారం వరుసగా సంభవించిన భూకంపాలతో ఆస్తులు సహా భారీ ప్రాణ నష్టం వాటిల్లింది. టర్కీలోని హతయ్‌ ప్రావిన్స్‌లోని ఎయిర్‌పోర్టులో ఉన్న ఒకే ఒక్క రన్‌వే భూ ప్రకంపనల ధాటికి రెండు ముక్కలై పూర్తిగా పనికిరాకుండా పోయింది. దీంతో ఈ ఎయిర్‌పోర్టులో విమాన రాకపోకలను నిలిపివేశారు. భారీగా పగుళ్లు ఏర్పడి రన్‌వే రెండుగా చీలిపోయిన దృశ్యాలు నెట్టింట వైరల్ అవుతున్నాయి.
వీడియో చూడండి..
The only runway at Hatay Airport in southern Turkey tore open during the earthquake#Turkey #earthquake #TurkeyEarthquake #TurkeyQuake pic.twitter.com/yvbclTrhqX
— Amitabh Chaudhary (@main_amitabh_) February 6, 2023
భూకంప తీవ్రతకు ఒక్క టర్కీలోని 5600లకు పైగా భవనాలు నేలమట్టమయ్యాయి. ఈ ఘోర విపత్తు కారణంగా రెండు దేశాల్లో ఇప్పటివరకు 4500 మందికిపై మృత్యువాత పడగా.. దాదాపు 20వేల మంది గాయపడ్డారు. అయితే శిథిలాల కింద ఇంకా అనేక మంది చిక్కుకున్నారు. మృతుల సంఖ్య మరింత పెరగొచ్చని తెలుస్తోంది. ఇదిలాఉంటే.. టర్కీ, సిరియా రెండు దేశాల్లోని భూకంప ప్రభావిత ప్రాంతాల్లో సహాయక చర్యలు కొనసాగుతున్నాయి. శిథిలాల కింద చిక్కుకున్న వారి కోసం అన్వేషణ కొనసాగిస్తున్నారు.
మరిన్ని అంతర్జాతీయ వార్తల కోసం..
