Jerusalem: హమాస్‌ సభ్యుల ఉగ్రదాడి.. ముగ్గురు మృతి..! జెరూసలెంలో ఘాతుకం.

ఇజ్రాయెల్‌-హమాస్‌ మధ్య కాల్పుల విరమణను పొడిగించిన వేళ.. జెరూసలెంలో తాజాగా ఉగ్రదాడి చోటు చేసుకొంది. కారులో వచ్చిన ఇద్దరు పాలస్తీనా సాయుధులు జెరూసలెంలోని వైజ్‌మన్‌ స్ట్రీట్‌లో ఓ బస్టాప్‌లో నిలిచిన ప్రజలపై కాల్పులు జరిపారు. ఈ ఘటనలో ముగ్గురు చనిపోగా.. మరో ఆరుగురు గాయపడ్డారు. వీరిలో ఇద్దరి పరిస్థితి విషమంగా ఉంది. ఈ దాడి జరుగుతున్న సమయంలో.. విధులు ముగించుకొని వెళుతున్న ఇద్దరు సైనికులు, ఆయుధం ఉన్న ఓ పౌరుడు ఈ ఉగ్రవాదులపై ఎదురుదాడికి దిగారు. ఈ ఘటనలో ఆ ఇద్దరు ఉగ్రవాదులు కూడా మరణించారు. వీరిద్దరిని తూర్పు జెరూసలెంకు చెందిన మురాద్‌ నమార్‌, ఇబ్రహీం నమార్‌గా గుర్తించారు. వీరి నుంచి ఎం-16 రైఫిల్‌, హ్యాండ్‌ గన్‌ స్వాధీనం చేసుకోగా.. వాహనంలో భారీగా మందుగుండు సామగ్రి ఉన్నట్లు గుర్తించారు.

అంతర్గత నిఘా సంస్థ షిన్‌బెట్‌ సెక్యూరిటీ ఏజెన్సీ కథనం ప్రకారం వీరు గతంలో హమాస్‌ సభ్యులుగా పనిచేసినట్లు తేలింది. మురాద్‌ అనే వ్యక్తి 2010 నుంచి 2020 వరకు ఉగ్ర కుట్ర కేసులో జైలు జీవితం గడిపాడు. 2014లో ఇబ్రహీం కూడా జైలుకు వెళ్లాడు. ఈ నిందితులు తాజాగా దాడి జరిపిన ప్రదేశంలో ఏడాది క్రితం బాంబు దాడి జరిగింది. అక్టోబర్‌ 7న హమాస్‌ చేసిన దాడితో ఇజ్రాయెల్‌-వెస్ట్‌బ్యాంక్‌ మధ్య కూడా తీవ్ర ఉద్రిక్తతలు మొదలయ్యాయి. గాజా నుంచి నాడు దాదాపు 3,000 మంది హమాస్‌ సభ్యులు ఇజ్రాయెల్‌లోకి దూసుకెళ్లి 1,200 మందిని హత్య చేశారు. దాదాపు 240 మందిని బందీలుగా పట్టుకొన్నారు. దీంతో హమాస్‌ను నామరూపాల్లేకుండా చేసేందుకు ఇజ్రాయెల్‌ గ్రౌండ్‌ ఆపరేషన్‌ను మొదలుపెట్టింది. ఈ ఆపరేషన్‌లో కొన్ని వేల మంది గాజా వాసులు మరణించగా.. వందల కొద్దీ హమాస్‌ సొరంగాలను ఇజ్రాయెల్‌ ధ్వంసం చేసింది.

మరిన్ని వీడియోస్ కోసం:
Videos

ప్రగతి రెండో పెళ్లి ఇదిగో క్లారిటీ.! ప్రగతి ఏం చేసిన హాట్ టాపికే.

అవును ప్రేమ పెళ్లి చేసుకోబోతున్న. కొంతకాలంగా రిలేషన్లో ఉన్నా: శ్రీదివ్య.

చేసింది 4 సినిమాలైనా.. కూడబెట్టింది మాత్రం కోట్లలో.. వరుణ్ కార్స్ కలెక్షన్స్.