Viral: ప్రయాణికుడి చెంప పగలగొట్టిన టీటీఈ.! ఎందుకో తెలిస్తే షాక్ అవ్వాల్సిందే.

కొందరు అనేక కారణాలతో టికెట్‌ లేకుండా రైల్లో ప్రయాణిస్తుంటారు. టీటీఈ వచ్చినప్పుడు దొరికిపోతుంటారు. ఆపైన ఫైన్‌ కడతారు. కానీ, తాజాగా టికెట్‌ లేకుండా ప్రయాణిస్తున్న ఓ ప్రయాణికుడిపై టీటీఈ చేయి చేసుకున్నాడు. టికెట్‌ లేకుండా ప్రయాణిస్తున్నందుకు ఆ ప్రయాణికుడి చెంపపై చెడామడా కొట్టేశాడు. ఈ ఘటన సోషల్ మీడియాలో వైరల్‌ కావడంతో తో టీటీఈపై చర్యలు తీసుకోవాలని నెటిజన్లు డిమాండ్‌ చేశారు. ఈ ఘటన ఉత్తరప్రదేశ్‌లో చోటుచేసుకుంది. ఒక వ్యక్తి టికెట్‌ లేకుండా బరౌనీ-లక్నో ఎక్స్‌ప్రెస్‌లో ప్రయాణించాడు. టికెట్లు తనిఖీ చేసే టీటీఈ ఈ విషయాన్ని గుర్తించాడు. ఈ క్రమంలో ఆ వ్యక్తిని దారుణంగా తిట్టడంతోపాటు అతడి చెంపపై పలుమార్లు కొట్టాడు. ఆ రైలులో ప్రయాణించిన కొందరు ప్రయాణికులు తమ మొబైల్‌ ఫోన్లలో దీనిని రికార్డ్‌ చేశారు. వారిని కూడా అడ్డుకునేందుకు టీటీఈ ప్రయత్నించాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఈ నేపథ్యంలో నెటిజన్లు స్పందించారు. టికెట్‌ లేకుండా ప్రయాణించిన వ్యక్తిది తప్పేనని, అయితే టీటీఈ చట్టాన్ని తన చేతుల్లోకి తీసుకుని అతడిని దారుణంగా కొట్టడం తగదని అభిప్రాయపడ్డారు. ఆ టీటీఈపై చర్యలు తీసుకోవాలని డిమాండ్‌ చేస్తూ రైల్వే మంత్రికి ట్యాగ్‌ చేశారు. ఈ నేపథ్యంలో రైల్వే అధికారులు ఈ సంఘటనపై స్పందించారు. ఆ టీటీఈని సస్పెండ్‌ చేసినట్లు పేర్కొన్నారు.

మరిన్ని వీడియోస్ కోసం:
Videos