Crying Benefits: బాధ కలిగితే మనసారా ఏడ్చేయండి.. ఎన్ని లాభాలో తెలుసా.?

శారీరకంగా తట్టుకోలేని నొప్పి కలిగినా, మానసిక వేదన కలిగినా కన్నీరు పెడుతుంటాం.. చివరకు సంతోషం ఎక్కువైనా ఆనందబాష్పాల రూపంలో కన్నీళ్లు వస్తాయి. అయితే ఈ ఏడుపు వల్ల అనేక ప్రయోజనాలు ఉన్నాయంటున్నారు వైద్య నిపుణులు. మనుషుల భావోద్వేగాలలో ఏడుపు కూడా ఒకటని, శారీరక, మానసిక ఆవేదనను కన్నీటితో బయటకు వెలిబుచ్చుతుంటారని నిపుణులు చెబుతున్నారు. బాధలో ఉన్న వ్యక్తి కాసేపు ఏడ్చిన తర్వాత తేరుకుంటారని, మానసికంగా కొంత ఉపశమనం కలుగుతుందని వివరించారు. దీనికి కారణం కన్నీరు పెట్టినపుడు పారాసింపథెటిక్ నాడీ వ్యవస్థ యాక్టివేట్ అయ్యి ఎండార్ఫన్ ను విడుదల చేస్తుందని చెప్పారు. దీనివల్ల బాధ నుంచి తేరుకుంటారని వివరించారు. అందుకే తట్టుకోలేని బాధ కలిగినా, సంతోషం కలిగినా మనుషులకు ఆటోమేటిక్ గా కన్నీరు వస్తుందని వివరించారు. ఓదార్పు కోరుకోవడానికి మనుషులు వెలువరించే మూగ భాష కన్నీరు పెట్టడమని, దీనివల్ల సామాజిక బంధాలు మెరుగుపడతాయని చెప్పారు.

తమకు తాముగా బాధ నుంచి తేరుకోవడానికి కన్నీరు ఉపయోగపడుతుంది. పారాసింపథెటిక్ నాడీ వ్యవస్థ స్పందించి విడుదల చేసే ఎండార్పిన్స్ వల్ల శరీరం రిలాక్స్ అవుతుంది. శారీరక, మానసిక నొప్పి నుంచి తేరుకుంటారు. ఒత్తిడి తగ్గుతుంది. నిరాశ దూరమవుతుంది. మానసిక స్థితిలో మార్పుకు దోహదం చేస్తుంది. హాయిగా నిద్రించే అవకాశం కలుగుతుంది. దీంతో శారీరకంగా ఆరోగ్యంగా ఉంటారని వైద్యులు వివరించారు. ఏడవడం వల్ల కంటిచూపు కూడా మెరుగుపడుతుందని తెలిపారు. కన్నీరు పెట్టడం వల్ల కళ్లు పొడిబారే సమస్య తగ్గుతుందని, కళ్లలోకి చేరిన దుమ్ముధూళి కన్నీటి ద్వారా బయటకు వస్తుందని పేర్కొన్నారు. కళ్లను ఇన్ ఫెక్షన్ నుంచి దూరంగా ఉంచుతుందని వివరించారు. చిన్నపిల్లలు ఏడ్వడం వల్ల శ్వాస తీసుకునేందుకు సాయపడుతుందని డాక్టర్లు చెబుతున్నారు. అప్పుడే పుట్టిన శిశువును సున్నితంగా కొట్టి ఏడ్పించడం వెనకున్న కారణం ఇదేనని వివరించారు. దీనివల్ల పిల్లలు శ్వాస పీల్చే వేగం పెరిగి మరింత ఆక్సిజన్ శరీరంలోకి చేరుతుందని చెప్పారు.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.