10 దేశాల మీదుగా.. 300 ఉప నదులను కలుపుకుంటూ

జర్మనీలో పుట్టిన నది పచ్చని పొలాలు, దట్టమైన అడవులు, నగరాల మీదుగా ప్రవహించి చివరికి నల్ల సముద్రంలో కలుస్తుంది డాన్యూబ్ జీవనది. యూరప్‌‌లోని 10 దేశాల మీదుగా ప్రవహిస్తుంది. ఆ మార్గంలో నాలుగు రాజధానులను తాకుతుంది. జర్మనీ, ఆస్ట్రియా, స్లోవేకియా, హంగేరి, క్రొయేషియా, సెర్బియా, బల్గేరియా, రొమేనియా, మోల్డోవా, ఉక్రెయిన్ దేశాల మీదుగా వెళుతుంది. యూరప్‌లో వోల్గా నది తర్వాత 2,860 కిలోమీటర్ల పొడవైన నది ఇదే. శతాబ్దాలుగా డాన్యూబ్ నది యూరప్ చరిత్రను, రాజకీయాలను ప్రభావితం చేస్తూ వస్తోంది. ఈ నదిని ఒక సహజసిద్ధమైన సరిహద్దుగా, రవాణా మార్గంగా రోమన్లు ఉపయోగించుకున్నారు. ఒట్టోమన్ సామ్రాజ్య కాలంలో నదీ తీరంలో నిర్మించిన కోటలు, కట్టడాలు నేటికీ చెక్కుచెదరకుండా ఉన్నాయి. ప్రస్తుతం డాన్యూబ్ యూరప్ వాణిజ్యానికి జీవనాడిగా ఉంది. 17వ శతాబ్దం నుంచే దేశాల మధ్య వాణిజ్య ఒప్పందాలు జరిగాయి. 1948లో ఏర్పాటైన డాన్యూబ్ కమిషన్, ఈ నదిపై స్వేచ్ఛా నౌకాయానానికి హామీ ఇస్తుంది. మెయిన్-డాన్యూబ్ కాలువ నిర్మాణం పూర్తయ్యాక, రైన్ నదికి అనుసంధానమై పశ్చిమ యూరప్ నుంచి నల్ల సముద్రం వరకు నిరంతరాయ జల రవాణా సాధ్యమైంది. రొమేనియా, సెర్బియా మధ్య నిర్మించిన ఐరన్ గేట్ డ్యామ్ వంటి ప్రాజెక్టుల ద్వారా జల విద్యుత్ కూడా ఉత్పత్తి అవుతోంది. డాన్యూబ్ ప్రవాహం కేవలం ప్రధాన కాలువకే పరిమితం కాదు. 300కు పైగా ఉపనదులు దీనిలో కలుస్తాయి. నల్ల సముద్రంలో కలిసే ముందు రొమేనియా, ఉక్రెయిన్ సరిహద్దుల్లో ఏర్పడిన డాన్యూబ్ డెల్టా, యునెస్కో గుర్తింపు పొందిన అద్భుతమైన జీవవైవిధ్య ప్రాంతం. అయితే, పారిశ్రామిక, వ్యవసాయ కాలుష్యం ఈ నదికి పెనుసవాలుగా మారింది. పర్యావరణ పరిరక్షణ కార్యక్రమాల ద్వారా దీని పూర్వ వైభవాన్ని తీసుకువచ్చే ప్రయత్నాలు జరుగుతున్నాయి.

మరిన్ని వీడియోల కోసం ఇక్కడ క్లిక్ చేయండి

Also Watch:

ఈ సమస్యలు ఉంటే బాదం జోలికి అస్సలు వెళ్లొద్దు

ఎలా వస్తాయ్‌రా ఇలాంటి ఐడియాలు

పేర్చిన వస్తువులు టకటకా పడిపోతున్నాయ్..! తొంగి చూస్తే హడల్