కారు డ్రైవర్ ఖతర్నాక్ మోసం.. ఏకంగా కలెక్టర్‌కే షాకిచ్చాడుగా

అతన్ని అరెస్టుచేసిన పోలీసులు నకిలీ ఉద్యోగ నియామక పత్రాలు, సర్వీస్ బుక్స్ స్వాధీనం చేసుకున్నారు. వరంగల్ లోని రామన్నపేట ప్రాంతానికి చెందిన మంద కళ్యాణ్ అనేవ్యక్తి గ్రేటర్ వరంగల్ మున్సిపల్ కార్పొరేషన్ పరిధిలోని పబ్లిక్ హెల్త్ డిపార్ట్మెంట్ లో కార్ డ్రైవర్ గా పని చేస్తున్నాడు.. తన తండ్రి వారసత్వంగా ఉద్యోగాన్ని సంపాదించిన ఈవ్యక్తి జల్సాలకు అలవాటు పడి కొత్త తరహా మోసాల తెరలేపాడు. జిల్లా కలెక్టర్ కార్యాలయంలో ఉద్యోగాలు ఇప్పిస్తానని అమాయకులను మోసంచేసి లక్షలాది రూపాయలు వసూలు చేశాడు. సుమారుగా 40 మందికి పైగా బాధితులకు ఉద్యోగాలు ఇప్పిస్తారని నమ్మబలికి డబ్బులు వసూలు చేశాడు. కొందరికి వరంగల్ జిల్లా కలెక్టర్ సంతకం ఫోర్జరీచేసి కలెక్టర్ పేరుతో ఉద్యోగ నియామక పత్రాలు కూడా అందజేశాడు. ఆ పత్రాలతో ఉద్యోగంలో చేరడానికి వెళ్లిన వారికి అసలు విషయం తెలిసింది. దీంతో లబోదిబోమంటూ బాధితులు జిల్లా కలెక్టర్ వద్దకు పరుగెత్తారు. ఈ క్రమంలో వరంగల్ జిల్లా కలెక్టర్ కార్యాలయం అడ్మినిస్ట్రేటీవ్ ఆఫీసర్ పోలీసులకు ఫిర్యాదు చేశారు. కార్ డ్రైవర్ కళ్యాణ్‌, భవ్య కిరణ్‌, వంశీ అనే మరో ఇద్దరితో కలిసి ఇంత భారీ స్కెచ్ నడిపించాడని గుర్తించిన పోలీసులు షాక్ అయ్యారు. 40 మంది నుండి ఇప్పటివరకు 16 లక్షల 14 వేల రూపాయలు వసూలు చేసినట్టుగా గుర్తించారు. మంద కళ్యాణ్ ను అరెస్టు చేసిన సుబేదారి పోలీసులు అతని వద్ద 23 నకిలీ ఉద్యోగ నియామక పత్రాలు, 39 సర్వీస్ బుక్స్, నకిలీ ఉద్యోగ నియామక పత్రాల తయారీకి ఉపయోగించే యంత్రాలు, ఒక కారు సీజ్ చేశారు. మరో ఇద్దరు పరారీలో ఉన్నారు. మంద కళ్యాణ్ పై కఠినచర్యలు తీసుకోవాలని బాధితులు కోరుతున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

కలెక్టర్‌ కొలువు వదిలిపెట్టి.. సినిమాల్లోకి వచ్చి.. శభాష్ అనిపించుకుంటున్న తెలంగాణ బిడ్డ

పాకిస్తాన్‌తో సన్నీ యాదవ్‌కు లింకేంటి ?? NIA అదుపులో తెలుగు యూట్యూబర్

పవన్ సైగతో తనిఖీలు.. వణికిపోతున్న థియేటర్ల ఓనర్లు

అఖిల్ పెళ్లి డేట్ ఫిక్స్‌.. అన్నకు చేసినట్టే.. సేమ్‌ అదే మాదిరి!