కారు తెచ్చిన అదృష్టం.. ఏకంగా రూ.80 లక్షలు

మీరు కారులో అర్జంట్‌ పనిమీద వెళ్తుండగా మీ కారు ట్రబుల్‌ ఇచ్చిందా.. అయితే బాధపడకండి.. ఏమో మీ కారు మీకు ఏ అదృష్టం తెచ్చిపెట్టబోతుందో… ఒక్కోసారి మనకు ఎదురయ్యే ఇబ్బందులు కూడా మనకు మంచి చేస్తాయి. దాన్నే అదృష్టం అంటారు. ఈ అదృష్టం ఎప్పుడు ఎవర్ని ఎలా వరిస్తుందో చెప్పలేమండీ… ఇదిగో ఈ సంఘటన చూస్తే మీరు అలాగే అంటారు.. అవును.. అమెరికాలోని మిస్సోరికి చెందిన ఓ వ్యక్తి ఏదో పనిమీద బయటికి వెళ్లాడు. అలా వెళ్తుండగా మధ్యలో కారు ట్రబుల్ ఇచ్చింది. కారు విపరీతంగా వేడెక్కిపోయింది. దాంతో కాసేపు ఆగుదామని డొనిఫాన్ ప్రాంతంలోని కాసీస్ జనరల్ స్టోర్ వద్ద ఆగాడు. కూల్ డ్రింక్ తాగి కాసేపు టైంపాస్ చేశాడు. ఈ క్రమంలో అక్కడ అతనికి లాటరీ టికెట్లు కనబడ్డాయి. ఏమీ తోచక ఓ టికెట్‌ ట్రై చేద్దామనుకున్నాడు. అంతే.. లాటరీ టికెట్ల దగ్గరికి వెళ్లి ‘ఐదు సెంట్లు’ అంటే సుమారు నాలుగు రూపాయలు పెట్టి ‘మిస్సోరీ స్టేట్ లాటరీ’ స్క్రాచ్ కార్డ్ టికెట్ ను కొన్నారు. ఆ టికెట్‌ను స్క్రాచ్‌ చేసి టికెట్‌ బుకింగ్‌ క్లర్క్‌కు ఇచ్చి ఆ నంబర్‌కు ఏదైనా లాటరీ ఉందేమో చూడమని చెప్పాడు. ఆ మహిళా క్లర్క్‌ ఆ నెంబర్‌ను స్కాన్‌ చేసి ఆశ్చర్యపోయింది. ఎందుకంటే.. ఈ స్క్రాచ్ కార్డు నంబర్ కు ఏకంగా లక్ష డాలర్లు అంటే 80 లక్షల పైనే బహుమతి ఉంది. విషయం తెలుసుకున్న సదరు వ్యక్తి ‘‘నా కారు ఇబ్బంది పెట్టినా.. ఎందుకో ఈ రోజు నాకు కలిసొస్తుందని ముందే అనుకున్నా..” అంటూ తెగ ఆనందపడిపోయాడు. పలు కారణాల రిత్యా సదరు లాటరీ విజేత తన పేరును ప్రచురించడానికి ఇష్టపడలేదు. అయితే అతను ఓ షాకింగ్‌ నిర్ణయం తీసుకున్నాడు. తనకు అంత అదృష్టాన్ని తెచ్చిపెట్టిన కారును అమ్మేసి కొత్త కారు కొనుక్కుంటానని చెప్పాడు.

మరిన్ని వైరల్ వీడియోల కోసం ఇక్కడ క్లిక్ చేయండి

Also Watch:

కంటి చూపుతో పామును కంట్రోల్ చేస్తున్న యువకుడు.. యువకుడి కళ్లలోకి చూస్తూ కింగ్‌ కోబ్రా డాన్స్‌

ఈ పెద్దాయన డబ్బుని ఎలా లెక్కిస్తున్నాడో చూశారా.. ఎమోషనల్‌ వీడియో

దొంగలుగా పొరపాటు పడి.. పరుగో పరుగు !! వైరల్‌ వీడియో

ఇంజెక్షన్ చేయడానికి వచ్చిన డాక్టర్‌కు చుక్కలు చూపించిన శునకం