Dangerous Snake: విశాఖ తీరంలో మత్స్యకారుల వలలో డేంజరస్‌ పాము.!

విశాఖ సాగర తీరంలో ప్రమాదకర పాము కలకలంరేపింది. నగర పరిధిలోని సాగర్‌నగర్‌ సముద్ర తీరంలో మత్స్యకారుల వలకు మంగళవారం ఓ విషపూరిత పాము చిక్కింది. చేపలతో పాటూ వలలో ఈ పామును మత్స్యకారులు గుర్తించారు. ఆహార అన్వేషణలో భాగంగా చేపల గుంపుల్లో కలిసిపోయిన సందర్భాల్లో ఇవి వలల్లో చిక్కుకుంటాయని తెలిపారు. సుమారు ఏడు అడుగులు పొడవు ఉన్న ఈ పామును మత్స్యకారులు తిరిగి సురక్షితంగా సముద్రంలోకి విడిచిపెట్టారు. సముద్ర జలాల్లో చాలా లోపల సంచరించే ఈ జీవి సాంకేతిక నామం హైడ్రో ఫిస్‌ సీ స్నేక్‌ అని మత్స్యశాఖ అసిస్టెంట్‌ డైరెక్టర్‌ డాక్టర్‌ పి శ్రీనివాసరావు తెలిపారు. ఇవి చాలా విషపూరిత మైనవని, ఇవి కరిస్తే ప్రాణాలకే ప్రమాదమని చెప్పారు. ఈ పాముకాటుకు గురైతే సకాలంలో వైద్యం చేయించుకోవాలని, లేదంటే ప్రాణాలు పోయే ప్రమాదముందన్నారు. చిన్న చేపలు, రాళ్లలోని నాచు తింటూ సముద్రంలో జీవిస్తాయని తెలిపారు. దీనిని మత్స్యకారులు సముద్రపు కట్ల పాముగా పిలుస్తుంటారు. ఈ పాము విషయంలో జాగ్రత్త అవసరం అంటున్నారు. అయితే సముద్రం లోపల ఉండే పాములు చాలా అరుదుగా తీరానికి వస్తాయని, ఇలా మత్స్యకారుల వలకు చిక్కుతాయని తెలిపారు.

మరిన్ని వీడియోస్ కోసం:
Videos

ప్రగతి రెండో పెళ్లి ఇదిగో క్లారిటీ.! ప్రగతి ఏం చేసిన హాట్ టాపికే.

అవును ప్రేమ పెళ్లి చేసుకోబోతున్న. కొంతకాలంగా రిలేషన్లో ఉన్నా: శ్రీదివ్య.

చేసింది 4 సినిమాలైనా.. కూడబెట్టింది మాత్రం కోట్లలో.. వరుణ్ కార్స్ కలెక్షన్స్.