Venkata Chari |
Updated on: Sep 06, 2021 | 6:07 PM
Cheetah vs Cat: పిల్లి, చిరుతపులి మధ్య పోరాటాన్ని మీరెప్పుడైనా చూశారా..? అయితే ఈ వీడియో చూడండి. చిరుతకు దొరికిన ఏ జంతువైనా తప్పించుకోవడం చాలా కష్టం. కానీ,ఈ వీడియోలో పిల్లి.. చిరుతను చిక్కుల్లోకి నెట్టడంతో వైరల్‌గా మారింది. అసలు విషయానికి వెళ్తే.. ఈ సంఘటన మహారాష్ట్రలోని నాసిక్‌లో జరిగింది. నాసిక్‌లోని ఓ బావిలో చిరుతపులితో పాటు పిల్లి కూడా చిక్కుకుంది. అయితే ఈ రెండింటి మధ్య చిన్నపాటి పోరాటం కూడా జరిగింది. ఈ వీడియో ప్రస్తుతం ఇంటర్నెట్‌లో సంచలనంగా మారింది.
పిల్లిని చూచిన చిరుత పులి దానిపై దాడి చేయబోయింది. ఇంతలో పిల్లి తప్పించుకుని పారిపోయేందుకు సిద్ధమైంది. పిల్లిని వెంబడిస్తూ చిరుత కూడా పరుగు లంఖించుకుంది. ఈ రెండూ ఓ బావిలో పడ్డాయి. కోపంతో ఉన్న చిరుత పిల్లిపై దాడి చేసేందుకు ప్రయత్నించింది. పిల్లి కూడా ధాటిగానే స్పందించింది. అయితే, చిరుత మాత్రం పిల్లిని ఏమీ చేయకుండా వదిలేయడం విశేషం. ఈ రెండింటి మధ్య పోరాటాన్ని నెట్టింట్లో పెట్టడంతో వీడియో ప్రస్తుతం వైరల్‌గా మారింది. అందరినీ ఆకట్టుకుంటూ నెట్టింట్లో తెగ సందడి చేస్తోంది.
వెస్ట్ నాసిక్ డివిజన్ డిప్యూటీ కన్జర్వేటర్ ఆఫ్ ఫారెస్ట్, పంకజ్ గార్గ్, ఏఎన్‌ఐతో మాట్లాడుతూ, పిల్లిని వెంబడిస్తున్నప్పుడు పిల్లితో పాటు చిరుత పులి కూడా బావిలో పడిందని వివరించారు. చిరుతపులితోపాటు పిల్లిని కూడా రక్షించామని తెలిపారు. చిరుతను కాపాడి అడవిలో వదిలేసినట్టు ఆయన తెలిపారు. రాత్రి సమయంలో ఇవి బావిలో పడిపోయి ఉండొచ్చని ఆయన అన్నారు. కాగా, బావిలో నీరు చాలా తక్కువగా ఉందని తెలిపారు.
#WATCH | Maharashtra: A leopard and a cat come face-to-face after falling down a well in Nashik
“The leopard fell in the well while chasing the cat. It was later rescued and released in its natural habitat,” says Pankaj Garg, Deputy Conservator of Forests, West Nashik Division pic.twitter.com/2HAAcEbwjy
— ANI (@ANI) September 6, 2021
Also Read:
Copyright © 2023 TV9 Telugu. All Rights Reserved.
