Viral Video: చాక్లెట్ సిరప్‌లో చనిపోయిన ఎలుక డెడ్ బాడీ..! వీడియో చూస్తే షాకే..

ఆన్ లైన్ డెలివరీ సంస్థ జెప్టో ద్వారా ఆర్డర్ చేసిన చాక్లెట్ సిరప్ బాటిల్లో చనిపోయిన ఎలుకను చూసి ప్రమీ శ్రీధ‌ర్ అనే మ‌హిళ ఒక్కసారిగా షాక్‌కు గురైంది. ఈ మేర‌కు ఇన్‌స్టాగ్రామ్‌లో త‌న అనుభ‌వాన్ని పంచుకుంది ఆమె. జెప్టో నుంచి హెర్షే చాక్లెట్ సిరప్‌ని బ్రౌనీ కేక్‌లతో తినడానికి ఆర్డర్ చేయ‌గా… సిర‌ప్‌ను క‌ప్‌లో పోస్తుండ‌గా అందులో చ‌నిపోయిన ఎలుక క‌నిపించిందని పేర్కొంది. అయితే ఈ విషయం తెలియ‌క ముందు కుటుంబ స‌భ్యులు సిర‌ప్ రుచి చూశార‌ని, దీంతో వారు అస్వస్థత‌కు గుర‌య్యార‌ని తెలిపింది. ఏదైనా వ‌స్తువు ఆర్డర్ చేసి తినే ముందు త‌ప్పనిస‌రిగా త‌నిఖీ చేయాల‌ని సూచించింది. ఈ పోస్టు సోష‌ల్ మీడియాలో వైరల్‌గా మార‌డంతో నెటిజ‌న్లు ఆగ్రహం వ్యక్తం చేస్తున్నారు. దీనిపై ఫిర్యాదు చేయాల‌ని, కేసు వేయాల‌ని సూచిస్తున్నారు.

దీంతో హెర్షే సంస్థ స్పందించింది. ఇలాంటి ఘ‌ట‌న ఎదురైనందుకు తాము చింతిస్తున్నామ‌ని తెలిపింది. త‌మ‌కు తయారీ కోడ్‌ను పంపాల‌ని కోరింది. ఈ మధ్యకాలంలో ఆన్‌లైన్‌ డెలివరీ పార్సిల్స్ లో వస్తున్న వాటిని చూసి చాలా మంది భయాందోళనకు గుర‌వుతున్నారు. కొన్ని రోజుల క్రితం నోయిడాలో ఓ వ్యక్తి ఐస్‌క్రీంను ఆన్‌లైన్‌లో ఆర్డర్ పెడితే అందులో తెగిన మనిషి వేలు కనిపించడం సంచలనం సృష్టించింది. దీంతో స‌ద‌రు ఐస్‌క్రీం సంస్థ లైసెన్స్‌ను కూడా రద్దు చేశారు. అనంత‌రం బెంగళూరులోని ఓ వ్యక్తి అమెజాన్ నుంచి ఎక్స్ బాక్స్‌ కంట్రోలర్‌ను ఆర్డర్ చేయ‌గా.. పార్శిల్‌ బాక్స్‌లో చిన్న తాచు పాము వుండడం చూసి ఒక్కసారిగా కస్టమర్ భయాందోళనకు గురయ్యాడు.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.