మంచినీళ్లు అడిగి.. బంగారం దోచుకెళ్లాడు వీడియో
Updated on: Mar 18, 2025 | 12:40 PM
కొందరు వ్యసనాలకు, ఈజీ మనీకి అలవాటు పడి దొంగతనాలు, దోపిడీల బాట పడుతున్నారు. ప్రతిఘటిస్తే.. ప్రాణాలు తీయడానికి కూడా వెనుకాడటం లేదు. అసలు ఎదుటి వ్యక్తికి ఏదైనా సాయం చెయ్యాలన్నా వెయ్యి సార్లు ఆలోచించే పరిస్థితులు దాపురించాయి. సాయం చేసిన వ్యక్తుల్నే చీట్ చేయడం, మాయ చేయడం ఇప్పుడు కామన్ అయిపోయింది. తాజాగా హైదారాబాద్ కూకట్పల్లిలో అలాంటి ఘటనే వెలుగుచూసింది.
KPHB సమీపంలో నివాసం ఉండే ఓ మహిళ ఉదయాన్నే ఇంటి ముందు కల్లాపి చల్లి.. ముగ్గు వేస్తుంది. అప్పుడే ఆమెను చూసాడో లేక ముందుగానే రెక్కీ చేసుకున్నాడో తెలియదు కానీ.. ఓ వ్యక్తి మంకీ క్యాప్ పెట్టుకుని ఆ ఇంటి వద్దకు వచ్చాడు. అమ్మా దాహంగా ఉంది మంచినీళ్లు ఉంటే ఇస్తారా అని బాటిల్ పట్టుకుని అడిగాడు. పాపం ఆ మహిళ దూరం నుంచి ప్రయాణం చేసి వస్తున్నట్లు ఉన్నాడు.. దాహమేసినట్లుంది అనుకొని ముగ్గు గిన్నె వాకిట్లో ఉంచి.. మంచినీళ్లు తెచ్చేందుకు ఇంట్లోకి వచ్చింది. ఆమె వెంటే వెళ్లిన ఈ దుండగుడు.. గేటు లోపలికి వచ్చి.. గుమ్మం దగ్గర ఆగి కర్టెన్ తీసి.. లోపలికి వంగి బాటిల్ ఇస్తున్నట్లు నటించాడు. ఇంట్లో ఎవరూ కనిపించకపోయేసరికి.. లోపలికి వెళ్లి ఆమె మెడలో బంగారం గొలుసు లాక్కుని పరారయ్యాడు. ఊహించని ఈ పరిణామానికి ఆ మహిళ కంగుతింది. అతని వెనక ఆమె కూడా పరుగులు తీసింది. ఆ ఆగంతకుడు.. వెళ్తూ గేటు మూసేయ్యడంతో.. ఆమె త్వరగా బయటకు వెళ్లలేకపోయింది. ఆమె గేటు తీసుకొని వెళ్లేసరికి దొంగ కనిపించకుండా పరారయ్యాడు. ఈ దొంగ వ్యవహారం అంతా ఆ ఇంటి వద్ద సీసీ కెమెరాలో రికార్డయింది.
మరిన్ని వీడియోల కోసం :
ఐస్క్రీమ్లో పాము పిల్ల.. వణుకు పుట్టిస్తున్న వీడియో
ఇదికదా టెక్నాలజీ అంటే.. అతని తెలివికి హ్యాట్సాఫ్ వీడియో
రూ.1.6 కోట్ల జీతం పోగొట్టుకుని.. అప్పులతో ఇండియాకు టెకీ!
రూ. 36 లక్షల ప్యాకేజీ ఉన్నా.. పిల్లలను కనలేని పేదరికంలో ఓ జంట
మండు వేసవిలో ఇదేం పని సామీ.. అలా ఎలా చేయాలి అనిపించిందిరా
ఆపరేషన్ "ఆమ్లెట్'' పోలీసుల అండర్కవర్..
పెళ్లి ఊరేగింపు డీజే హోరు.. సౌండ్కి 140 ప్రాణాలు బలి
వైద్యుల అద్భుతం..18 నెలల చిన్నారికి లివర్ ట్రాన్స్ప్లాంటేషన్
చరిత్ర సృష్టించిన రితిక.. దేశంలోనే తొలి ట్రాన్స్ఉమన్ అంపైర్
