పంజాబ్ రాష్ట్రంలో చైనా డ్రోన్లు క‌ల‌క‌లం సృష్టించాయి. ఇంటెలిజెన్స్ నుంచి పక్కా స‌మాచారం అందుకున్న బార్డర్ సెక్యూరిటీ ఫోర్స్ , పంజాబ్ పోలీసులు సంయుక్తంగా ఆపరేషన్ నిర్వహించారు. ఈ క్రమంలో ఆదివారం అమృత్‌స‌ర్‌లోని రెండు వేర్వేరు ప్రాంతాల్లో రెండు చైనా డ్రోన్లను స్వాధీనం చేసుకున్నారు. అమృత్‌స‌ర్ జిల్లాలోని హ‌ర్డో ర‌ట్టన్, గ్రామ‌డాక వ్యవ‌సాయ పొలాల్లో రెండు డ్రోన్లు ప‌ట్టుబ‌డిన‌ట్లు అధికారులు వెల్లడించారు. మ‌ధ్యాహ్నం 12 : 15 గంట‌ల ప్రాంతంలో ఒక డ్రోన్ ప‌ట్టుబ‌డ‌గా, మ‌ళ్లీ రెండు గంట‌ల త‌ర్వాత రెండో డ్రోన్‌ను స్వాధీనం చేసుకున్నట్టు తెలిపారు. వీటిని చైనాకు చెందిన సంస్థ త‌యారు చేసిన డీజేఐ మావిక్-3 క్లాసిక్‌గా అధికారులు స్పష్టం చేశారు. వీటికంటే ముందు బీఎస్ఎఫ్ ద‌ళాలు ఫిరోజ్‌పూర్ జిల్లా సరిహద్దులో మూడు హెరాయిన్ పొట్లాల‌ను తీసుకెళ్తున్న ఓ డ్రోన్‌ను ప‌ట్టుకున్నాయి.
రాష్ట్ర రాజ‌ధాని చండీగ‌ఢ్‌కు సుమారు 300 కిలోమీట‌ర్ల దూరంలోని నేస్తా గ్రామానికి స‌మీపంలోని పొలాల్లో ఈ డ్రోన్‌ను స్వాధీనం చేసుకున్నారు. ఇక రాష్ట్రవ్యాప్తంగా డ్రగ్స్ స్మగ్లింగ్‌ను అడ్డుకోవ‌డంలో బీఎస్ఎఫ్ బ‌ల‌గాలు కీల‌కంగా వ్యవ‌హ‌రిస్తున్నాయి. 2023లో 107 డ్రోన్లను గుర్తించిన ద‌ళాలు ఏకంగా 442 కిలోల హెరాయిన్‌ను స్వాధీనం చేసుకున్నాయి. భార‌త్‌-పాక్ సరిహద్దులో డ్రోన్లతో మాద‌క ద్రవ్యాల‌ను స‌ర‌ఫ‌రా చేస్తున్నట్లు భ‌ద్రతా ద‌ళాలు పేర్కొన్నాయి. గ‌తంలోనూ ఫిరోజ్‌పూర్ ప్రాంతంలో భారీ మొత్తంలో డ్రగ్స్ ప‌ట్టుబ‌డ్డాయి. ఈ నేప‌థ్యంలో ఇరుదేశాల బార్డర్‌లో నిరంత‌రం నిఘా కొనసాగిస్తున్నారు. అనుమానిత ప్రాంతాల్లో ఎప్పటిక‌ప్పుడు బీఎస్ఎఫ్ సెర్చ్ ఆపరేషన్ నిర్వహిస్తోంది.
మరిన్ని వీడియోస్ కోసం:
Videos
Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!
Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!
Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!