Kurnool: దారి తప్పి పంట పొలాల్లోకి వచ్చిన జింక పిల్ల.. అటాక్ చేసిన కుక్కలు.. ఆ తర్వాత
రోజుల వయస్సున్న జింక పిల్ల దారి తప్పి.. గ్రామ సమీపంలోని పొలాల్లోకి వచ్చింది. దీంతో ఊర కుక్కలు చెలరేగిపోయాయి. ఆ పసి జింకపై దాడికి తెగబడ్డాయి. ఈ ఘటనను అటుగా వెళ్తున్న యువకుడు గమనించాడు. కుక్కలను చెదరగొట్టి.. ఆ జింక పిల్లను కాపాడాడు. పాపం ఆ బుల్లి జింక గాయాలతో బాధ పడుతుంటే దానికి చికిత్స చేయించాడు. అది కోలుకోవడంతో.. తిరిగి దాన్ని పోలీసులకు అప్పగించాడు. దీంతో అతడిని పలువురు అభినందించారు.
ఆంధ్రప్రదేశ్, ఆగస్టు 21: కర్నూలు జిల్లా గొనెగండ్ల మండలం, గంజిహళ్లి గ్రామ సమీప పొలాల్లో జింక పిల్ల లభ్యం అయ్యింది. పొలాల్లో చిన్న జింక పిల్లపై కుక్కలు దాడి చేస్తుండగా అటుగా వెళ్తున్న యువకుడు కొలిమి చంద్ బాషా గమనించి, వెంటనే పొలాల్లోకి వెళ్లి ఆ కుక్కల దాడి నుండి జింక పిల్లను రక్షించాడు. కుక్కుల దాడిలో చిన్న గాయాలు అయినా జింకకు చికిత్స చేయించి, గోనెగండ్ల ఎస్ఐ తిమ్మారెడ్డికు జింక పిల్లను చంద్ బాషా అప్పగించాడు. ఎస్ఐ ఎమ్మిగనూరు ఫారెస్ట్ అధికారులకు జింక పిల్లను అప్పగించగా, ఆ జింక పిల్ల పుట్టి వారం రోజులు అయి ఉంటుందని ఫారెస్ట్ అధికారులు తెలిపారు. జింక పిల్లను కాపాడిన చంద్ బాషను పలువురు అభినందించారు.
Follow Us
వైరల్ వీడియోలు
బట్టల దుకాణంలో వీధికుక్కలకు ఆశ్రయం.. యజమాని పెద్ద మనసు
ఇతను కదా.. అసలైన ఓటరు అంటే
రెండు చేతులూ కోల్పోయినా ధైర్యం వీడలేదు..
చెత్త బండే అమ్మ ఒడి!..బిడ్డల కోసం స్టీరింగ్ పట్టిన యువతి!
ఫామ్హౌస్లో పోలీసుల రెయిన్ డాన్స్లు.. చూస్తే దిమ్మదిరగాల్సిందే
నమ్మకంగా పనిచేస్తూ.. యజమానికి కుచ్చుటోపీ
గుర్రమైతేనేమి.. చుట్టూ 40 మంది బౌన్సర్లు.. ఇది కదా రాజసం అంటే

