800 year old mommy: తవ్వకాల్లో బయటపడ్డ 800 ఏళ్లనాటి మమ్మీ.. చూస్తే మీరూ షాకవుతారు..!(వీడియో)


ఎవ్వరికీ తెలియని ఎన్నో విషయాలు భూమిపైనే కాదు, లోపలా చాలానే ఉన్నాయి. అప్పుడప్పుడూ అవి పురావస్తు శాఖ అధికారుల తవ్వకాల్లో బయటపడుతూ ఉంటాయి. తాజాగా దక్షిణ అమెరికాలోని పెరూ దేశంలో పురావస్తు శాఖ అధికారులు 800 ఏళ్ల నాటి మమ్మీని వెలికితీశారు. ఆ మమ్మీని భూగర్భంలో ఓ సమాధిలో పూడ్చిపెట్టారు. దానిని బయటికి తీసిన తర్వాత శాస్త్రవేత్తలు ఆ మమ్మీ పరిస్థితిని చూసి షాక్‌కు గురయ్యారు.పురావస్తు శాస్త్రవేత్తలు తెలిపినదాని ప్రకారం.. ఆ మమ్మీ అవశేషాలు.. దక్షిణ అమెరికాలో ఆండియన్ ప్రాంతంలోని పర్వతాల సమూహ సమీపంలో ఒకప్పుడు నివసించిన తెగకు చెందినవారిదిగా గుర్తించారు. ఈ మమ్మీని లిమా ప్రాంతంలో కనుగొన్నామని.. ఇది పురుషుడిదా, మహిళదా అనేది తెలియాల్సి ఉందని అన్నారు. ఇంకా ఆ మమ్మీ తాళ్లతో కట్టబడి ఉందని.. అలాగే ముఖానికి అడ్డంగా చేతులు పెట్టుకుందని అన్నారు. బహుశా అక్కడి సంప్రదాయం ప్రకారం అంత్యక్రియలు ఈ విధంగా జరిగి ఉండొచ్చునని శాస్త్రవేత్తలు చెప్పారు. ఇంకా ఈ సమాధిలో సిరామిక్ వస్తువులు, కూరగాయల అవశేషాలు, రాతి పనిముట్లు కూడా మమ్మీతో పాటు సమాధిలో దొరికినట్లుగా తెలిపారు. ప్రస్తుతం ఈ మమ్మీపై లోతుగా పరిశోధనలు చేస్తున్నామన్నారు. కాగా, ప్రపంచంలోనే ప్రసిద్ధ పర్యాటక ప్రాంతాల్లో పెరూ ఒకటి. పురాతన చారిత్రాత్మిక కట్టడమైన ‘మచు పిచ్చు’ ఇక్కడే ఉంది.