మీకు నచ్చినోళ్లనే సెలెక్ట్ చేస్తారా ?? టీమిండియా టెస్ట్ టీం ఎంపికపై విమర్శలు
నవంబర్ 14 నుంచి జరిగే భారత్-దక్షిణాఫ్రికా టెస్ట్ సిరీస్కు టీమిండియా జట్టు ప్రకటించింది. గాయం తర్వాత రిషబ్ పంత్ వైస్ కెప్టెన్గా టెస్ట్ క్రికెట్లోకి పునరాగమనం చేస్తున్నాడు. ఓపెనర్లు జైస్వాల్, రాహుల్ ఫామ్లో ఉండగా, ఆకాష్దీప్ బౌలింగ్ విభాగంలోకి వచ్చాడు. జట్టు ఎంపికపై కోచ్, కెప్టెన్, చీఫ్ సెలెక్టర్ల 'ఇష్టమైన ఆటగాళ్ల' వివాదం చర్చనీయాంశంగా మారింది.
నవంబర్ 14 నుంచి దక్షిణాఫ్రికాతో స్వదేశంలో టీమిండియా రెండు మ్యాచ్ల టెస్ట్ సిరీస్ ఆడనుంది. ఈ సిరీస్ కోసం భారత జట్టును ప్రకటించిన సంగతి తెలిసిందే. అయితే.. ఈ జట్టులో కెప్టెన్ గిల్, కోచ్ గౌతమ్ గంభీర్,చీఫ్ సెలెక్టర్ అజిత్ అగార్కర్ లకు ఇష్టమైన ఆటగాళ్లను మాత్రమే తీసుకున్నారంటూ సోషల్ మీడియాలో విమర్శలు వినిపిస్తున్నాయి. ఈ ప్రకటించిన జట్టు నుంచి ఓపెనింగ్ బాధ్యతలు మరోసారి యశస్వి జైస్వాల్, కేఎల్ రాహుల్ భుజాలపై పడనున్నాయి. ఈ ఇద్దరు బ్యాట్స్మెన్స్ ప్రస్తుతం అద్భుతమైన ఫామ్లో ఉన్నారు. స్వదేశీ పరిస్థితులలో పరుగులు చేసిన అనుభవాన్ని కలిగి ఉన్నారు. ప్రారంభ ఇన్నింగ్స్ తర్వాత, కెప్టెన్ శుభ్మాన్ గిల్, సాయి సుదర్శన్, దేవ్దత్ పడిక్కల్, వైస్-కెప్టెన్ రిషబ్ పంత్ మిడిల్ ఆర్డర్కు స్థిరత్వంతోపాటు, దృఢత్వాన్ని అందించేందుకు సిద్ధంగా ఉన్నారు. కోల్కతా స్పిన్-ఫ్రెండ్లీ పిచ్లను పరిగణనలోకి తీసుకుంటే, ఈ బ్యాటింగ్ లైనప్ బాగా సమతుల్యంగా పరిగణిస్తున్నారు. వీరు ప్రత్యర్థి బౌలర్లకు సవాలుగా మారవచ్చు. భారత క్రికెట్ టీంలో అత్యంత ఆటగాళ్లలో ఒకరైన రిషబ్ పంత్ టెస్ట్ క్రికెట్లో పునరాగమనం చేయబోతున్నాడు. ఇంగ్లాండ్ పర్యటనలో తీవ్రమైన గాయం తర్వాత ఇది అతని తొలి అంతర్జాతీయ సిరీస్ అవుతుంది. సెలెక్టర్లు అతనిపై పూర్తి విశ్వాసం ఉంచి, అతన్ని జట్టు వైస్ కెప్టెన్గా నియమించారు. గాయం నుంచి కోలుకున్న తర్వాత, పంత్ దక్షిణాఫ్రికా ఏతో జరిగిన మ్యాచ్లో అద్భుతంగా బ్యాటింగ్ చేసి 90 పరుగులు చేశాడు. ఇది అతని ఆత్మవిశ్వాసాన్ని మరింత పెంచింది. అతని పునరాగమనం టీం ఇండియా బ్యాటింగ్, వికెట్ కీపింగ్ లైనప్ రెండింటినీ బలోపేతం చేసింది. ఇటీవల వికెట్ కీపర్గా పనిచేసిన ధ్రువ్ జురెల్ ఇప్పుడు ఈ సిరీస్లో బ్యాట్స్మన్గా జట్టులో భాగం కానున్నాడు. బౌలింగ్ విభాగంలోకి ఆకాశ్దీప్ ప్రవేశించాడు. దీంతో నలుగురు స్పిన్నర్లతో కలయిక బాగుంటుంది. బౌలింగ్ విభాగంలో స్వల్ప మార్పులు చేశారు. సెలెక్టర్లు బౌలింగ్ విభాగంపై తమ నమ్మకాన్ని నిలుపుకున్నారు. దేశీయ క్రికెట్లో,ఇండియా ఏ తరపున స్థిరమైన ప్రదర్శనలతో ఆకట్టుకున్న ఆకాష్దీప్ను ప్రసిద్ధ్ కృష్ణ స్థానంలో జట్టులోకి తీసుకున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
పెళ్లయిన 6 నెలలకే.. వేధింపులు తట్టుకోలేక!
Nallamala: అప్పుడు కల్యాణానికి వజ్రాల తలంబ్రాలు.. కట్ చేస్తే ఇప్పుడు వజ్రాల వేట
ఒంట్లో ఉన్న దెయ్యాన్ని పోగొట్టాలని.. కోడలితో బలవంతంగా