Harish Rao : కాళేశ్వరం నివేదికను అసెంబ్లీలో పెట్టొద్దని హరీష్ రావు పిటిషన్

తెలంగాణ మాజీ మంత్రి హరీశ్ రావు, కాళేశ్వరం ప్రాజెక్టు నివేదికను అసెంబ్లీలో ప్రవేశపెట్టకుండా నిరోధించాలని తెలంగాణ హైకోర్టును ఆశ్రయించారు. ప్రభుత్వం అసెంబ్లీలో ఈ నివేదికను చర్చించాలని సిద్ధమవుతుండటంతో హరీశ్ రావు ఈ చర్యకు దిగారు. ఆయన పిటిషన్‌లో, అసెంబ్లీలో ఈ నివేదికను ప్రవేశపెట్టి, దాని ఆధారంగా చర్యలు తీసుకోవద్దని కోరారు. హైకోర్టు ఈ పిటిషన్‌ను హౌస్ మోషన్‌గా విచారిస్తుందా లేదా సాధారణ పిటిషన్‌గా విచారిస్తుందా అనేది స్పష్టం కావాల్సి ఉంది. హరీశ్ రావు తరఫు న్యాయవాదులు హౌస్ మోషన్ ద్వారా విచారణ జరగాలని కోరుతున్నారు. గతంలో కూడా కాళేశ్వరం నివేదికకు సంబంధించి హైకోర్టులో పిటిషన్లు దాఖలయ్యాయి.