రిలీజ్‌కు ముందే మేకింగ్ వీడియోతో నోలన్ సర్‌ప్రైజ్

మ్యాట్ డామన్, టామ్ హాలండ్, జెండయా లాంటి స్టార్ కాస్ట్‌తో తెరకెక్కిన ‘ది ఒడిస్సీ’ ఈ శుక్రవారం ఆడియన్స్ ముందుకు రానుంది. నోలన్ గత సినిమాలు ఇండియాలో రికార్డ్ కలెక్షన్స్ సాధించాయి. ముఖ్యంగా గతేడాది వచ్చిన ‘ఓపెన్‌హైమర్‌’ 150 కోట్లకు పైగా వసూళ్లు సాధించి రికార్డ్ సెట్ చేసింది. ఇక ‘ఇంటర్‌స్టెల్లార్‌’, ‘ఇన్‌సెప్షన్‌’, ‘డార్క్ నైట్’ లాంటి చిత్రాలు ఇప్పటికీ మన ప్రేక్షకుల ఫేవరెట్ లిస్ట్‌లో టాప్‌లో ఉంటాయి. ఆయన గత చిత్రాల సక్సెస్, ఆ ట్రాక్ రికార్డే ఇప్పుడు ‘ది ఒడిస్సీ’ అడ్వాన్స్ బుకింగ్స్ మీద భారీ ఇంపాక్ట్ చూపిస్తున్నాయి.ఇండియాలో ‘ది ఒడిస్సీ’ అడ్వాన్స్ బుకింగ్స్ కళ్లు చెదిరేలా ఉన్నాయి. రిలీజ్‌కి ముందే ఏకంగా రూ. 15 కోట్లకు పైగా ప్రీ-సేల్స్ జరగగా.. ఫస్ట్ డే కోసమే 5.75 కోట్లకు పైగా గ్రాస్ కలెక్షన్స్ నమోదయ్యాయి. ముంబై లాంటి చోట్ల టికెట్‌ రేటు 3100 వరకు పెంచినా ఆడియన్స్ బుక్ చేసుకుంటున్నారు. రేట్లు పెరగడంతో ఓపెన్‌హైమర్‌ కంటే తక్కువ టికెట్లు అమ్ముడైనా, రెవెన్యూ పరంగా మాత్రం నోలన్ ఖాతాలో మరో సాలిడ్ రికార్డ్ పడటం ఖాయంగా కనిపిస్తోంది.