MSVG Review: చిరును వాడడం అంటే ఇది! అనిల్ మళ్లీ నెగ్గాడ్రోయ్..! రివ్యూ…!
Updated on: Jan 12, 2026 | 4:53 PM
చిరంజీవి, అనిల్ రావిపూడి కాంబో సినిమా మెగా ఫ్యాన్స్కు పండగ అని ఈ రివ్యూ చెబుతోంది. అనిల్ రావిపూడి దర్శకత్వంలో చిరంజీవి పాత కామెడీ టైమింగ్తో విశ్వరూపం చూపించారు. లాజిక్ లేకున్నా వింటేజ్ మెగా మ్యాజిక్, ఎంటర్టైన్మెంట్తో సినిమా ఆకట్టుకుంటుందని, చిరు ఎనర్జీ, వెంకటేష్ క్యామియో హైలైట్గా నిలిచాయని సమీక్ష వివరిస్తుంది.
చిరంజీవి, అనిల్ రావిపూడి కాంబినేషన్ అనగానే అందరికీ ఒక పాజిటివ్ వైబ్రేషన్ కలిగింది. సినిమా వర్కవుట్ అవుతుందా? లేదా అనే క్యూరియాసిటీ బిగినింగ్లో మొదలైంది. పండగ మన శంకర ప్రసాదు గారిదే అని అనిల్ రావిపూడి పలు సందర్భాల్లో చెప్పినప్పటికీ.. ఫ్యాన్స్లో ఎక్కడో ఏదో మూలన డౌట్ అయితే ఉంది. ఎలాంటి వివాదాలు.. రాద్దాంతాలు లేకుండా.. అనుకున్నట్టుగా.. సినిమా అయితే రిలీజ్ అయింది. మరి ఈ సినిమా ఎలా ఉంది. మెగా ఫ్యాన్స్కు ఫుల్ మీల్స్ పెట్టిందా? అనిల్ రావిపూడిని దొరకకుండా చేసిందా? సినిమాలో వింటేజ్ చిరు విశ్వరూపం కనిపిపిస్తుందా? అనేది ఈ పూర్తి రివ్యూలో చూద్దాం. ఇన్షార్ట్గా కథలోకి వెళితే.. శంకరవరప్రసాద్ అలియాస్ చిరంజీవి ఇంటెలిజెన్స్ ఆఫీసర్. తన టీంతో కలిసి కేంద్ర మంత్రి సెక్యూరిటీ చూసుకుంటూ ఉంటాడు. అతని భార్య శశిరేఖ అలియాస్ నయనతార ఇండియాలోనే రిచెస్ట్ బిజినెస్ ఉమెన్. ఇద్దరు ప్రేమించి పెళ్లి చేసుకుంటారు. కాని చిన్నచిన్న ఈగోలతో విడిపోతారు. తన పిల్లల్ని కూడా చూడలేకపోతున్నాను అని శంకరవరప్రసాద్ బాగా ఫీల్ అవుతుంటాడు. అలాంటి సమయంలో వర ప్రసాదు టీం నారాయణ అలియాస్ హర్షవర్ధన్, జ్వాల అలియాస్ కేథరిన్ త్రెసా మరో ఇద్దరితో కలిసి పిల్లలకు దగ్గర ఇవ్వడానికి ఒక ప్లాన్ వేస్తారు. అదే సమయంలో శశిరేఖ తండ్రి మీద అటాక్ జరుగుతుంది. అది ఎవరు చేశారో తెలుసుకోవడానికి సెంట్రల్ గవర్నమెంట్ శంకర వరప్రసాద్ ను శశిరేఖ ఇంటికి సెక్యూరిటీ ఆఫీసర్ గా పంపిస్తారు. ఆ తర్వాత ఏం జరిగింది.. విడిపోయిన భార్యాభర్తలు మళ్లీ ఎలా కలిశారు అనేది మిగిలిన కథ..’కథ కావాలి.. కథనం ఉండాలి’ అనుకుంటే మన శంకరవరప్రసాద్ గారు చాలా రొటీన్ గానే అనిపిస్తారు. కానీ అనిల్ రావిపూడి సినిమాల్లో కథ కంటే ఎక్కువగా కథనం వేగంగా ఉంటుంది. మనోడు స్టోరీ మీద కంటే ఎంటర్టైన్మెంట్ మీద ఎక్కువ దృష్టి పెడతాడు. అందుకే సక్సెస్ రేట్ కూడా ఎక్కువగా ఉంది. ‘నో లాజిక్.. ఓన్లీ వింటేజ్ మెగా మ్యాజిక్’ ఇలా చూస్తే మన శంకరవరప్రసాద్ గారు మనసుకి నచ్చేస్తారు. ఈ జనరేషన్ దర్శకులలో అనిల్ రావిపూడి చిరంజీవిని అర్థం చేసుకున్నట్టు ఎవరు అర్థం చేసుకోలేదేమో అనిపిస్తుంది మన శంకర వరప్రసాదుగారు సినిమా చూశాక. ఎందుకంటే పాతికేళ్లు దాటిపోయింది మెగాస్టార్ ను అలా స్క్రీన్ మీద చూసి. చాలా ఏళ్లైంది. ఆయన కామెడీ టైమింగ్ సిల్వర్ స్క్రీన్ మిస్సైయి. మళ్లీ మునుపటి చిరును.. యాన కామెడీ టైమింగ్ను ఉన్నదున్నట్టు ఆవిష్కరించాడు అనిల్ రావిపూడి. చిరు ఆ కామెడీ చేయడం లేదని.. ఫీలవుతున్న ఓ వర్గం లోటును తీర్చేశాడు. ఫస్టాఫ్ చూడగానే పైసా వసూల్ అపిస్తుంది. మెగా వింటేజ్ చమక్కులు.. ఆ పంచ్ డైలాగులు.. సెల్ఫ్ సెటైర్లు.. చిరంజీవికి మాత్రమే సాధ్యమైన కొన్ని మోడ్యులేషన్స్.. ఏ ఒక్కటి వదలకుండా స్క్రీన్ మీద దించేశాడు అనిల్ రావిపూడి. ఇక చిరంజీవి కూడా ఎంత ఆకలి మీద ఉన్నాడనేది ఈ సినిమా చూస్తే అర్థమవుతుంది.. తనకు కామిక్ క్యారెక్టర్ దొరికితే ఎలా రెచ్చిపోతాడో మరోసారి ప్రూవ్ చేశాడు మెగాస్టార్. జస్ట్ టైం గ్యాప్ అంతే టైమింగ్ లో అస్సలు గ్యాప్ ఉండదని స్క్రీన్ మీద రఫ్ ఆడించాడు చిరు., ఒక్కొక్క సీనులో చిరంజీవి కామెడీ టైమింగ్ చూస్తుంటే ఘరానా మొగుడు గుర్తొస్తుంది. అలా ఫస్టాఫ్ హిలేరియస్గా వెళుతుంది. అయితే సెకండ్ హాఫ్ అక్కడక్కడ కాస్త తగినట్టు అనిపిస్తుంది కానీ చివర్లో వెంకటేష్తో సెట్ అయిపోయింది. వెంకటేష్ వచ్చాక స్క్రీన్ దద్దరిల్లిపోయింది. చిన్న చిన్న సీన్స్ కూడా అనిల్ రావిపూడి రాసిన దానికంటే 100 రెట్లు ఇంప్రోవైజ్ చేశారు చిరు, వెంకీ. ఇక లుక్స్ పరంగా చిరంజీవి నెక్స్ట్ లెవెల్ లో ఉన్నాడు.. హుక్ స్టెప్, మెగా విక్టరీ సాంగ్స్ విజువల్ గా అదిరిపోయాయి. చాలా సన్నివేశాలు చిరంజీవి పాత సినిమాలు నుంచి తీసుకొని రీ క్రియేట్ చేశాడు అనిల్. మరీ ముఖ్యంగా 90స్ లో వచ్చిన ఘరానా మొగుడు రిఫరెన్స్ ఎక్కువగా ఉంది. చిరంజీవి కూడా 30 ఏళ్ల తర్వాత అదే మ్యాజిక్ మళ్ళీ రిపీట్ చేశాడు. ఈ తరం దర్శకులలో ఆడవాళ్ళ సైకాలజీ అనిల్ రావిపూడి కంటే ఎవరికీ బాగా తెలియదు.. సెకండ్ హాఫ్ లో వాళ్ల సైకాలజీ మీద వచ్చే ఒక సీన్ భలే ఉంది. చిరంజీవి నటన గురించి కొత్తగా ఏం చెప్పాలి.. ఆయనకు ఎంటర్టైన్మెంట్ క్యారెక్టర్ వస్తే స్క్రీన్ మీద నవ్వులు పూయడం కామనే గా.. అయితే ఈ విషయంలో అనిల్ను మెచ్చుకోవాల్సిందే. చిరును ఎలా వాడాలో.. అనిల్ అలా వాడేశాడు. ఇక వెంకటేష్ ఉన్నది 20 నిమిషాలైనా కూడా అదరగొట్టాడు. నయనతార కూడా చాలా అందంగా ఉంది. కేథరిన్ , సచిన్ ఖేడ్ కర్, బుల్లి రాజు, అభినవ్ గోమటం, హర్షవర్ధన్ ఎవరికి వాళ్లు తమ పాత్రలకు న్యాయం చేశారు. భీమ్స్ మ్యూజిక్ బాగుంది. పాటలు వినడానికి మాత్రమే కాదు స్క్రీన్ మీద కూడా చూడడానికి చాలా బాగున్నాయి. సమీర్ రెడ్డి సినిమాటోగ్రఫీ నెక్స్ట్ లెవెల్ లో ఉంది. తమ్మి రాజు ఎడిటింగ్ కూడా బాగుంది. దర్శకుడు అనిల్ రావిపూడి మరొకసారి తన రైటింగ్ పవర్ చూపించాడు. పాత కథ తీసుకున్న కూడా దాన్ని ఎంటర్టైన్మెంట్ పద్ధతిలో చెప్పే ప్రయత్నం చేశాడు. నిర్మాణ విలువలు బాగున్నాయి. ఓవరాల్ గా మన శంకరవరప్రసాద్ గారు.. బాగున్నారు.. పండక్కి నవ్విస్తారు..!
మరిన్ని వీడియోల కోసం ఇక్కడ క్లిక్ చేయండి
Also Watch:
Toxic: కారులో ఆ పాడు సీన్ పై రచ్చ.. డిలీట్ చేయాలంటూ డిమాండ్
Shreyas Iyer: కుక్క దాడి.. షాక్లో శ్రేయస్ అయ్యర్
రష్యా వీధుల్లో భారత టెకీ.. జీతం నెలకు రూ. 1.1 లక్షలు
Shreyas Iyer: కుక్క దాడి.. షాక్లో శ్రేయస్ అయ్యర్
Telangana: ప్రభుత్వ ఉద్యోగులకు తెలంగాణ సర్కార్ గుడ్ న్యూస్
చంద్రమౌళీశ్వరస్వామి ఆలయంలో అద్భుత దృశ్యం
ఉదయాన్నే పొలానికి వెళ్తున్న రైతులు.. దారిలో సీన్ చూసి పరుగులు
456 సంచుల్లో దొరికిన మృతదేహాలు.. అసలు కథ ఏంటంటే ??
లీటరు వంట నూనె 18 లక్షలు.. ఒక్క ట్రే గుడ్ల ధర 35 లక్షలు
రోడ్డుపై రైల్వే గేట్ను ఢీకొట్టిన వ్యాన్.. ఇంతలోనే..
రష్యా వీధుల్లో భారత టెకీ.. జీతం నెలకు రూ. 1.1 లక్షలు
‘బిర్యానీ క్యాపిటల్’గా టాప్లో హైదరాబాద్
