Rain Alert: నాన్‌స్టాప్ రెయిన్ అలర్ట్.. ఈ ప్రాంతాల్లో భారీ నుంచి అతి భారీ వర్షాలు.. వచ్చే 3 రోజుల వెదర్ రిపోర్ట్ ఇదిగో..

బంగాళాఖాతంలో వాయుగుండం ప్రభావంతో తెలుగు రాష్ట్రాల్లో వర్షాలు దంచికొడుతున్నాయి.. ప్రస్తుతం వాయుగుండం తీరం దాటి ద్రోణిగా రూపాంతరం చెందిందని.. దీని ప్రభావంతో ఆంధ్రప్రదేశ్, తెలంగాణలో భారీ నుంచి అతి భారీ వర్షాలు కురుస్తాయని వాతావరణ శాఖ పేర్కొంది. వచ్చే మూడు రోజులు వర్షాలతోపాటు ఉరుములు మెరుపులతో పాటు ఈదురుగాలులు వీస్తాయని వాతావరణ శాఖ పేర్కొంది.

ఆంధ్రప్రదేశ్‌లోనూ మూడు రోజులు భారీ వర్షాలు కురుస్తాయని అమరావతి వాతావరణ కేంద్రం ప్రకటించింది. అల్పపీడనం ప్రభావంతో శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు, కాకినాడ, పల్నాడు, కృష్ణా జిల్లాల్లో వర్షాలు కురిసే అవకాశాలున్నాయి.

తెలంగాణలో మూడు రోజుల పాటు వర్షాలు కురుస్తాయని హైదరాబాద్ వాతావరణ కేంద్రం పేర్కొంది. అన్ని జిల్లాల్లో భారీ నుంచి మోస్తరు వర్షాలు కురిసే అవకాశం ఉందని పేర్కొంది. నేడు ఆదిలాబాద్‌, కొమురం భీం, మంచిర్యాల, నిర్మల్‌.. నిజామాబాద్‌ జిల్లాల్లో భారీ వర్షాలు కురిసే అవకాశం ఉంది. హైదరాబాద్ తోపాటు అన్ని జిల్లాల్లో కూడా వర్షాలు కురుస్తాయని హెచ్చరించింది.