సేవింగ్స్ ఖాతాలో డబ్బు ఉందా? ఈ చిన్న ట్రిక్‌తో డబుల్ వడ్డీ!

అత్యవసర అవసరాల కోసం చాలామంది సేవింగ్స్ ఖాతాల్లో పెద్ద మొత్తంలో నగదును ఉంచుతుంటారు. అయితే సాధారణ సేవింగ్స్ ఖాతాపై బ్యాంకులు కేవలం 2.5% నుండి 2.75% వరకు మాత్రమే వడ్డీ ఇస్తాయి. అదే డబ్బును తెలివిగా వినియోగించుకుంటూ, అవసరానికి అందుబాటులో ఉంచుకుంటూనే ఎఫ్‌డీ స్థాయి వడ్డీ పొందే అద్భుతమైన మార్గమే ‘స్వీప్-ఇన్ ఎఫ్‌డీ’. స్వీప్-ఇన్ ఎఫ్‌డీ అంటే.. సేవింగ్స్ ఖాతాకు అనుసంధానమై పనిచేసే ఒక ప్రత్యేక సదుపాయం. ఇందులో మీ ఖాతాలో ఎంత కనీస మొత్తం ఉండాలో ముందే నిర్ణయించుకోవాల్సి ఉంటుంది. ఉదాహరణకు, పరిమితిని రూ.1 లక్షగా అనుకుంటే, మీ ఖాతాలో రూ.3 లక్షలు జమ అయినప్పుడు అదనంగా ఉన్న రూ.2 లక్షలు ఆటోమేటిక్‌గా ఫిక్స్‌డ్ డిపాజిట్ గా మారిపోతాయి. దీనివల్ల ఖాళీగా ఉండే డబ్బుపై ఎక్కువ వడ్డీ ఆదాయం లభిస్తుంది. ఈ విధానంలో ప్రధాన ప్రయోజనం లిక్విడిటీ. మీకు ఆకస్మికంగా రూ.50 వేలు అవసరమైతే, మొత్తం ఎఫ్‌డీని రద్దు చేయాల్సిన అవసరం లేదు. అవసరమైన రూ.50 వేలు మాత్రమే ఎఫ్‌డీ నుండి సేవింగ్స్ ఖాతాలోకి వస్తాయి. మిగిలిన రూ.1.50 లక్షలు యథావిధిగా ఎఫ్‌డీ వడ్డీని పొందుతూనే ఉంటాయి. ఉద్యోగులు, వ్యాపారులు, పెన్షనర్లు మరియు అత్యవసర నిధిని పక్కన పెట్టేవారికి ఇది క్యాష్ మేనేజ్‌మెంట్‌ సాధనంగా ఎంతగానో ఉపయోగపడుతుంది. అయితే ఇది దీర్ఘకాలిక పెట్టుబడులకు ప్రత్యామ్నాయం కాదని నిపుణులు సూచిస్తున్నారు. ఈ సదుపాయం పొందేముందు బ్యాంకుల నిబంధనలను ఒకసారి పరిశీలించడం మంచిది.

మరిన్ని వీడియోల కోసం ఇక్కడ క్లిక్ చేయండి

Also Watch:

150 ఏళ్ల తర్వాత లైబ్రరీకి తిరిగి వచ్చిన పుస్తకం.. ఫైన్ రూ.19 లక్షలు.. కానీ షాకింగ్ ట్విస్ట్!