రిలయన్స్ బిగ్‌ ప్లాన్‌.. ప్రపంచంలోనే అతిపెద్ద డేటా సెంటర్‌ ఏర్పాటు..? వీడియో

 స్టార్‌గేట్‌ ప్రాజెక్ట్‌ కోసం 500 బిలియన్‌ డాలర్ల పెట్టుబడి పెట్టే ప్రణాళికలను కూడా ప్రకటించాయి. ఈ పరిణామాల నేపథ్యంలో ప్రపంచంలోనే అతిపెద్ద డేటా సెంటర్‌ ఏర్పాటు చేయాలని అంబానీ చూస్తుండడం ప్రాధాన్యత సంతరించుకుంది. దీని నిర్మాణ పనులు అనుకున్నట్టుగా ముందుకు సాగితే ప్రస్తుతం ఈ విభాగంలో భారత్‌ సామర్థ్యాలు పెరుగుతాయి. దేశంలో మొత్తం సామర్థ్యం గిగావాట్‌ కంటే తక్కువే ఉంది. కొత్త ప్రాజెక్ట్‌తో ఇది మూడింతలు పెరగవచ్చు. ఇది దేశానికి కచ్చితంగా గేమ్ ఛేంజర్ అవుతుంది. భారత్‌లో ఏఐ కంప్యూటింగ్‌ మౌలిక వసతులతో పాటు ఇన్నోవేషన్‌ సెంటర్‌ ఏర్పాటుకు రిలయన్స్‌ ఇండస్ట్రీస్‌, ఎన్‌విడియా గతేడాది అక్టోబర్‌లో చర్చలు జరిపాయి. ఇందుకోసం భారీ స్థాయిలో పెట్టుబడులు పెడతామని స్పష్టం చేశాయి. భారత్‌లో ప్రతీ ఒక్కరికీ ఏఐని అందుబాటులోకి తీసుకురావడమే తన లక్ష్యమని అంబానీ తెలిపారు. ఇప్పటికే రిలయన్స్‌ చమురు శుద్ధి, పెట్రోకెమికల్‌ కార్యకలాపాలకు వేదికగా ఉన్న జామ్‌నగర్‌.. ఇప్పుడు పునరుత్పాదక ఇంధనం, ఏఐ రంగంలో కీలక పాత్ర పోషించనుంది.