Hyderabad: భలే.. భలే పండుగ వేళ పూల ధరలు తగ్గాయోచ్…
దసరా, బతుకమ్మ పండుగల సందర్భంగా హైదరాబాద్లో పూలకు గిరాకి పెరిగింది. వినాయక చవితితో పోలిస్తే ఈసారి పూల ధరలు తగ్గినట్లు వినియోగదారులు తెలిపారు. చామంతి పూల ధర కిలో 150 రూపాయలుగా ఉండగా, ఇతర పూల ధరలు 200 రూపాయల లోపే ఉన్నాయి. తొమ్మిది రోజుల బతుకమ్మ వేడుకలకు అందరూ తాజా పూలను కొనుగోలు చేస్తున్నారు.
తెలంగాణలో అతి పెద్ద పండుగలలో ఒకటైన దసరాతో పాటు బతుకమ్మ పండుగ వేడుకలు ప్రారంభమయ్యాయి. ఈ పండుగల సందర్భంగా హైదరాబాద్ నగరంలో పూల డిమాండ్లో భారీ పెరుగుదల కనిపిస్తోంది. నవరాత్రి వేడుకలతో కూడిన ఈ పండుగల సమయంలో పూలకు గిరాకి పెరగడం సహజమే. హైదరాబాద్లోని పూల మార్కెట్లో ప్రస్తుతం తీవ్రమైన రద్దీ నెలకొని ఉంది. వ్యాపారుల చెబుతున్న వివరాల ప్రకారం, బతుకమ్మ పండుగకు తొమ్మిది రోజుల పాటు పూలతో అలంకరించే ఆచారం ఉండటం వలన పూల డిమాండ్లో భారీ పెరుగుదల కనిపిస్తోంది. బెంగళూరుతో సహా ఇతర ప్రాంతాల నుంచి పెద్ద ఎత్తున పూలు దిగుమతి అవుతున్నాయి.
నాయక చవితితో పోలిస్తే ఈసారి పూల ధరలు కొంత తగ్గినట్లు వినియోగదారులు తెలియజేస్తున్నారు. వినాయక చవితి సమయంలో కిలో చామంతి పూల ధర 500 రూపాయలు ఉండగా, ప్రస్తుతం 150 రూపాయలకు దొరుకుతున్నాయి. ఇతర రకాల పూల ధరలు కూడా 200 రూపాయల లోపే ఉన్నాయి. గులాబీ పూలు 160 నుంచి 180 రూపాయల వరకు లభిస్తున్నాయి. పూల మార్కెట్లో తాజా పూల లభ్యత బాగుందని, వినియోగదారులు తమ బతుకమ్మలను అందంగా అలంకరించుకోవడానికి అవసరమైనన్ని పూలను కొనుగోలు చేస్తున్నారని వ్యాపారులు తెలిపారు. తొమ్మిది రోజుల పాటు జరుగుతున్న బతుకమ్మ వేడుకలు, నవరాత్రి వేడుకలు హైదరాబాద్లోని పూల మార్కెట్ను కిటకిటలాడేలా చేస్తున్నాయి. ఈ పండుగల వేళ పూల వ్యాపారులు మంచి లాభాలను ఆర్జించే అవకాశం ఉందని చెప్పవచ్చు.
పిల్లలు లేరని భార్యను వేధించాడు.. అంతే.. భర్తను కత్తితో పొడిచి..
పుష్ప సినిమాకు మించిన స్కెచ్.. మామూలుగా లేదుగా!
వరదకు కొట్టుకొచ్చిన 23 కేజీల బాహుబలి చేప..
నాగుల చవితి పర్వదినాన ఆలయంలో అద్భుతం..
బాసర ట్రిపుల్ ఐటీలో మురుగునీటి కలకలం..చర్మవ్యాధులతో విద్యార్థులు
ఇంటి కిటికీకి చుట్టుకుని కూర్చున్న భారీ కొండచిలువ..!
బంగాళాఖాతంలో మళ్లీ అలజడి..ఏపీకి మళ్లీ తుఫాన్ ముప్పు..

